Read MUKANDA WANZAMBI Isaya 66 Bible Online

Isaya 66 - MUKANDA WANZAMBI bible

Isaya 66

¹Yehova nindi, Iwulu hiitanda dami dawanta, iseki hiitanda dakunyendu yami. Mukuntupila itala didi ŋahi? Kwami kwakunookela kudihi?

²Muloŋa yuma yejimiyi yakwila namakasami hohu, dichi yuma yejimiyi hiyikwikala nikwikala. Dimu mwanahoshiyi Yehova. Tiyenumuntu inukutala chachiwahi, yowu kazweŋi mumuchima, wachikeka mumuchima, wazaalaŋa izu dami.

³Muntu wukujaha ŋombi wudi neyi najahi muntu. Wukuketula mwanakamukoku wudi neyi namukotoli kawa nshiŋu. Wukulambula himulambu wudi neyi nalambuli mashi aŋulu. Wukwocha libona wudi neyi nakiswilimukishi wakutuŋa nkisu. Eŋa, anatondi dehi njila jawu awenawu, atiyaloŋa akumuchima to-o nayishimashima yawu.

⁴Ninami nawa nakatonda yumayawu yadidimbaŋawu nachu, nakayishikŋila mawomawu; muloŋa chinatambikilihosi wetiyiluku; chinahosheli hosi watiyiluku; elili kwawu yuma yinamonami kutama, atondeli yuma yinabula kutiya kuwaha.

⁵Enu mwazaalaŋa izu dindi, tiyenu izu daYehova. Ana kwenu ayihela, ayikinjikaŋa hansaŋu yejina dami, anahoshi nawu, Yehova ekali walema, kulonda tumoni chimukuluŋa; komana wena diwu akatiya nsonyi.

⁶Izu depumba dinafumi kumukala, izu dinafumi kutembeli, izu daYehova wudi nakuyilubwila ayilumbu jindi mwawu.

⁷Nikufunyisha kanda, hakuvwala; nikutiya nyisoŋu yakuvwala kanda, hakwowoloka mwana weyala.

⁸Chuma chidi ochu wachitiyahu dehi hinyi? Yuma yidi ochu wayimonahu dehi hinyi? Ituŋa divwaliki ifuku dimu? Muza wowoloki hohenohu? Muloŋa chafunyishiliyi Ziyona, hakuvwalani anyanindi.

⁹Yehova nindi, Nishikŋi kukuvwali ka, nikaŋanyi kuvwalisha? Nzambi yeyi nindi, Ami navwalishaŋa nŋiki ivumu?

¹⁰Zaŋalalenu hamu naYerusalema, tiyenu kuwaha nansaŋu yindi, enuejima mwamukeŋa. Tiyenu kuwaha nakuzaŋa ajala nindi, enu ejima mwamudilaŋa.

¹¹Kulonda mwakaamwi, mwakekutili kumayeli akukundeja kwindi. Kulonda mwakakamuni, mwakatiyi kumuchima to-o nakuzuzuma kwakulema kwindi.

¹²Muloŋa Yehova nindi, Tiyenu, nakayiletela kuwundaneyi kaloŋa, ni kulema kwanyuza neyi kaloŋa kadi nakusumpoka, ninenumwakaamwa, akayipakata mumbavu, akayisha hamanuriu.

¹³Mwakundejaŋawumuntu kudi mama yindi dimu nakayikundejami. Enu akayikundejela muYerusalema.

¹⁴Chimwakachimona nyichima yenu yakatiyakuwaha, mumafwahenu mwakawaha neyi matahu amunyenvu. Chikasa chaYehova chakelukewa kudi ambuŋandi, wakayitalumokela ayilumbu jindi.

¹⁵Muloŋa tiyenu, Yehova wakenza nakesi, nimakálu indi anjita akekalaneyi chinjimbi, kulonda ashikŋi kuzuwa kwindi kwakulendumuka, nikuhosholakwindi kwanyilaŋu yakesi.

¹⁶Muloŋa Yehova wakasompesha antu ejima nakesi, ninampoku yindi yakabali. Akatapayi Yehova akavula.

¹⁷Yehova nindi, Adijilikaŋa, aditookeshaŋa kulonda ayi mumatempamunyima yamuntu wumu wudi mukachi, hiyakudya mbiji yaŋulu nichishimashima nimunkenya, akanoŋela hamu.

¹⁸Muloŋa ami neluki nyidimu yawu, niyitoŋojoka yawu. Kwakenzamwaka wunakapompesha nyuza yejima nimadimi ejima; akenza, akamona kulema kwami.

¹⁹Nakasha chinjikijilu mukachi kawu; akapuluka nakayitemesha kunyuza, kuTarashishi, kudi aPuli nawaLudi evulaŋa wuta wamukunji, kuTubali nakuYavani, kuyitutu yidi kwakulehi, kudi antu abulahu dehi kutiya mpuhu yami, abulahu dehi kumona kulema kwami; akashimuna kulema kwami mukachi kanyuza.

²⁰Yehova nindi, Ana kwenu ejima akayifumisha fumisha kunyuza yejima, akayileta kumpidi yami yajila yaYerusalema, akayisendasenda hatuwalu, nimumakálu, nimumawanda, nihayimbulu, nihatunyama twasweja lufuchi, akekali himulambu waYehova, neyichatwalaŋawu anyana kaIsarela himulambu wawu mwitala daYehova hachuma chitooka.

²¹Yehova nindi, Nakanonaku amakwawu kulonda akekali atupristu nawa.

²²Yehova nindi, Muloŋa mwakashakamina kumesu ami mawulu amaha nimaseki amaha inakela, dimu mwakashakamina ni anyanenu niijina denu.

²³Yehova nindi, Kufumisha haalukaŋa kakweji kamu nakushi ka kukakweji kakwawu, kufumisha kusabata yimu nakushi ka kusabata yi kwawu, mwakamonaantu ejima akenza nakudifukula kumesu ami.

²⁴Akedika hanzi akatala yibimbi yawantu anmotokelami. Muloŋa kabubu kawu hikakafwaku, ni kesi kawu hikakajimaku. Antu ejima akayitiya kumuchima bwi.