Read MUKANDA WANZAMBI Isaya 7 Bible Online

Isaya 7 - MUKANDA WANZAMBI bible

Isaya 7

¹Mumafuku adiŋiyi mwanta wawaYuda Ahazi mwana kaYotami, Yotami mwana kaUziya, mwanta wakuSiriya Rezini, nimwanta wawaIsarela Peka mwana kaRemaliya hiyakuya kuYerusalema nakwasa nawunjita, hiyakuyikaŋa anya.

²Hiyakuleja mutaŋi waDavidi, nawu, Siriya wakwata delii wubwambu naEfweremi. Nimuchima windi, ninyi chima yawantu indi, hiyikwenda mwivumu neyi chiyendapa nyitondu yamwisaŋa nampepela.

³Yehova hakumwila Isaya, nindi, Yenu dinu namwaneyi Sheyari Yashubi mwakamubulakani Ahazi kunsa yakapila kakwijiya dakundundamu, mumukwakwa wakwiha damukwakukosa mahina;

⁴wakamwilineyi, Chiwukumona yeniyi yikunku yayimunyi yidi nakufwinda wishi, nikuzuwa kwaRezini naSiriya namwana kaRemaliya kwasweja, babalaku, wudupumiki zo-o, bayi wutiya womaku, bayi wuzeya mumuchima weyuku.

⁵Mulona Siriya nakukwatili dehi mpùŋa yatama, niEfweremi nimwana kaRemaliya nawa,

⁶nawu, Tuyenu kuYuda twakayibabeshi, twakabaluli mpwembu yawu, twakaswanishumu mwanta, yowu mwana kaTabeyeli.

⁷Mwanta Yehova nindi, Hichakakolaku, hichakamwekanaku.

⁸Muloŋa namutu waSiriya yowu Damakasa, namutu waDamakasa yowu Rezini. Munya kamakumi atanu nadimu nayitanu Efweremi wakakotoka kotu, kotu, hakekalanawa muzaku;

⁹namutu waEfweremi yowu Samariya, namutu waSamariya yowu mwana kaRemaliya, neyi kwonti kwenu kwitiya, komana chalalahi mwakashi mataku.

¹⁰Yehova hakuhosha cheŋi naAhazi,

¹¹nindi, Mulombi Yehova Nzambi yeyi chinjikijilu; lombaku hela mwakunama hela mwiwulu mwajindama.

¹²Ahazi nindi, Hinukulombaku, hinukumweseka Yehovaku.

¹³Mukwawunindi, Tiyenu dinu enu akwamutaŋa waDavidi; chimunazeyeshi dehi antuchinakehi dehi, muzeyeshi nawa niNzambi yami?

¹⁴Dichi yomweni Yehova wakayinka chinjikijilu; tiyenu, mujiki wakabaaba ivumu, wakavwalamwana weyala, wakanamutumba ijina dindi nindi Emanuweli.

¹⁵Hakelayiowu mwana neluki dehi nikuleka yatama nikutonda yayiwahi, wakadyaloŋa amanteka nawuchi.

¹⁶Muloŋa hakelayi owu mwana wuchidi kanda elukinikuleka yatama nikutonda yayiwahi, ituŋaodu dikweti anyanta ayedi lwatiyakumuchima bwi akadishiya damukunkulu.

¹⁷Yehova wakayishikŋila eyi, niantu eyi, nimutaŋa watata yeyi, mafuku akadi kumonaŋahu dehi, kufumisha kwifuku dafuminuwu aEfweremi kudi aYuda, kafwampi yowu mwanta wakuAshuri.

¹⁸Dena ifuku odu Yehova wakemba muloji, wakutambika ninjinji jekala kwakumina tuloŋa twamuEjipitu, nimpuka jekala mwituŋa daAshuri.

¹⁹Jakenza jejima nakuzemukila muyinekineki yamukunkulu, nimunyajiyamumalola, nihanyipa yejima, nihayiputa yejima.

²⁰Dena ifuku odu Yehova wakayitewula ninsuki, niwuvuji wakunyendu, nampoku yachayi yanatambuliyi mwishinadi daKaloŋa kukopaku nachu, kafwampi yowu mwanta wawaAshuri; niwevu wejima nawa wakawumanishazo chikupu.

²¹Dena ifuku odu iyala wakalela iyoŋa damukaji waŋombi, ninyikokuyiyedi;

²²wakadya manteka nanowu mayeli amavulu akamonayi kudi wena; muŋa antu ejima akashala mwituŋa kadya manteka nawuchi.

²³Dena ifuku odu hejima hadiŋa nyivinyu ikombakaji yakulanda nekombakajidamali asiliva hakekala hambala hayikwata nanyiŋa.

²⁴Muntu kwinzaku chiŋa wudi nansewu nawuta wamukunji, muloŋa ituŋa dejima dakekala kwayikwata nanyiŋa hohu.

²⁵Hiwakatwesha kwinza kumpidi jejima jiwadiminaŋa namatemwaku, kuchina kuyikwata nanyiŋa, hakekalahakudiishila aŋombi, nihakudatola nyikoku.