Read MUKANDA WANZAMBI Livitike 1 Bible Online

Livitike 1 - MUKANDA WANZAMBI bible

Livitike 1

¹Yehova watambikili Mosi, wahosheli nindi; izu dindi hidi kufuma mwitenti dakubulakena,

²hakwila nindi, Hoshaku nawanyana kaIsarela, wuyili neyi, Neyi hadi mukwenu wakahimulambu la Yehova, mwakala mbulaŋa himulambu wachimuna, hela wakwitaŋa hela wakwiyinda.

³Neyi himulambu windi wakekala himulambu wakushita wakwitaŋa, akalambuli ŋombi weyala wakadi hataminayi; akamulambwili kuchisu chetenti dakubulakena, kulonda akamwitiji kumesu aYehova.

⁴Akanaŋiki chi kasachindi hanamutu wamulambu wakushita, akawitija hamujimba windi, wakubutanachu.

⁵Ŋombi akamujahili kumesu aYehova. Atupristu anyana kaAroni akashikiji mashi, owu mashi akayisampuli hakameŋa kwi-ndo, kokameŋa kekala kuchisu chetenti dakubulakena.

⁶Owu himulambu wakushita akawuwi, akawuhaboli.

⁷Anyana kakapristu Aroni akashikesi hakameŋa, akafwiki nchawa hakesi.

⁸Atupristu anyana kaAroni aka ali chachiwahi, ninamutu, nimanji hanchawa jidi hakesi kadi hakameŋa.

⁹Niya mwivumu, ninyendu, nimakasa, akayikosi nameji; kapristu akawushiti wejima muwukuma hakameŋa bwi-i, hihimulambu wakumwilila Yehova nakesi, wevumba dadiwahi.

¹⁰Neyi himulambu windi wakekala wakwiyinda hela wamukoku helawampembi, wamulambu wakushita, akalambuli chizamba wakadi hataminayi.

¹¹Akamujahili kumesu aYehova kumbadi yakameŋa yatala kuka beta kaku chidiilu, anyana kaAroni akasampuli mashindi hakameŋa kwi-ndo.

¹²Akamuhaboli ninamutu windi nimanji indi kumu, kapristu aka ali chachiwahi yejima hanchawa jidi hakesi kadi hakameŋa.

¹³Niya mwivumu, ninyendu, nimakasa, akayikosi nameji; kapristu akalambuli weji mamu wukuya, akawushiti hakameŋa bwi-i, hihimulambu wakushita, himuza mbuwa kumwilila Yehova nakesi, wevumba dadiwahi.

¹⁴Neyi himulambu windi wakala mbulayi Yehova wakekala himulambu wakushita watujila, akalambuli himulambu windi wakushita hela tutela, hela nyana katupompa.

¹⁵Kapristu akakaleti kukameŋa, akakanyotomoni namutu akawufu mishuku, akakashiti hakameŋa bwi-i; mashi aku akayi kamwili kumbadi yakameŋa;

¹⁶akafumishuku isakwila dindi nimajilu adumu, akadi natili kumbadi yakameŋa yatala kumujika kwasukwilaŋawu mawuti;

¹⁷akakabaluli lupúula iku, lupúula iku, bayi akaambula hachikupuku; kapristu akakashiti hakameŋa bwi-i, hanchawa jidi hakesi, hihimulambu wakushita, hihimulambu wakumwilila Yehova nakesi, wevumba dadiwahi.