Read MUKANDA WANZAMBI Livitike 12 Bible Online

Livitike 12 - MUKANDA WANZAMBI bible

Livitike 12

¹Yehova wahosheli naMosi,

²nindi, Hoshaku nawanyana kaIsarela, neyi, Neyi mumbanda wukubaaba ivumu, hakuvwalamwana weyala, henohu akekali wamajilu mafuku atanu nayedi; mwomwekalilamafuku akatilaŋayi hayilaŋayi kwitala di kwawu dimu mwakekalilayi wamajilu.

³Hefuku damu chitanu nachisatu akamwadiki mwana muvumbuwindi.

⁴Mumbanda wakashakamaŋa mafuku makumi asatu nasatuna mashi indi mwakaditookeshelayi; bayi akakunka kuchuma chajilaku, helakwijila mumalala nehi, chiŋa mafuku indi akuditookesha anawanini.

⁵Ilaŋa neyi wukuvwala mwana wamumbanda, henohu akekali wamajilu nyilungu yiyedi neyi hayilaŋayi kwitala di kwawu, wakashakamaŋa mafuku makumi atanu nadimu namafuku atanu nadimu namashi indi mwakaditookeshelayi.

⁶Neyi mafuku akuditookesha nachu, hela amwana weyala, hela amwana wamumbanda anawanini, akaleti kudi kapristu kuchisu chetenti dakubulakena, mwana kamukoku wamwaka wumu wamulambu wakushita, nimwanakakapompa, indi kwiji katela, kahimulambu wahanshidi.

⁷Yena kapristu akayilambuli kumesu aYehova, akamwilili yakumubuta nachu, akamutookeshi namashi indi anahiti. Mwenimu dimu mulushimbi lwamumbanda wukuvwala hela mwana weyala hela mwana wamumbanda.

⁸Neyi hahetachakuleta mwana kamukokuku, akakwati hela tutela tuyedi, hela anyana katupompa ayedi, kamu kahimulambu wakushita, kakwawu kahimulambu wa hanshidi; kapristu akamwilili yakumubuta nachu, akatooki.