Read MUKANDA WANZAMBI Livitike 14 Bible Online

Livitike 14 - MUKANDA WANZAMBI bible

Livitike 14

²nindi, Tiya lushimbi lwamukwambumba lwamwifuku dakumutookesha. Nawu, Akamuleti kudikapristu.

³Kapristu akafumi muchilombu; kapristu akatali, neyi wakamonamusoŋu wambumba wunamufumi dehi mukwambumba, wunakusuki,

⁴kapristu akayileji kumukwatila akukeŋa kutookeshawu atujila amomi iyadyaŋawu ayedi, akanoni nimutondu musida, niwanda wuchinana, ninamutuntamu.

⁵Kapristu akayileji kujahila kajila wumu mwinuŋu yewumba, hewulu dameji adi nakuhita;

⁶hakwila kajila wamumi akamunoni, nimutondu musida, niwanda wuchinana, ninamutuntamu, akayijimiki hamunakajila wamumi mumashi akajila anajahiluwu hewulu dameji adi nakuhita;

⁷owu akukeŋa kutookeshawu mbumba akamusampwili mapampa katanuna kayedi, akamuteni nindi natooki, kajila wamumi akamuumbuku akayituhu mumpata.

⁸Owu akukeŋa kutookeshawu akakosi mahinindi, akatewulinsuki jindi jejima, akaweli mumeji, akatooki; neyi neli dehi chochochuakeŋili muchilombu, ilaŋa akakamaŋa hanzi yetenti dindi mafuku atanu nayedi.

⁹Hefuku damu chitanu nachiyedi akatewuli nsuki jindi jejimakunamutu windi, niwevu windi, ninkuku jindi, akatewuli kafwampi joji nsukŋindi jejima; akakosi mahinindi, akaweli mumeji, akatooki.

¹⁰Hefuku damu chitanu nachisatu akakwati anyana kanyikoku ayizamba akadi hataminawu ayedi, ni mwana kamukoku wamukaji wamwaka wumuwakadi hataminayi wumu, akanoni mabaŋu asatu awuŋa walembulukawamulambu wawuŋa, wakubomba namanji, nichipunda chamanji chimu;

¹¹owu kapristu wakamutookesha akamushi owu muntu akukeŋa kutookeshawu, niyumoyu, kuchisu chetenti dakubulakena, kumesu aYehova.

¹²Kapristu akanoni mwana kamukoku wachizamba wumu, akahimulambu lihihimulambu wakutanya, nichipunda chamanji, akayinyinkeshi kumesu aYehova, hihimulambu wakunyinkesha.

¹³Mwana kamukoku wachizamba akamujahili kwajahilaŋawu himulambu wahanshidi nihimulambu wakushita, mwomu mumalala; muloria neyi chiwuneli himulambu wahanshidi wambalawakapristu, dichi chiwuneli nihimulambu wakutanya, wasweja kujila.

¹⁴Hamashi ahimulambu wakutanya kapristu akanonuhu, akamwomoni owuakukeŋa kutookeshawu kunsa yetu dindi dachidiilu, nikumunu wedimbanu wakuchikasa chindi chachidiilu, nikumunu wedimbanu wakumwendu windi wachidiilu;

¹⁵kapristu akanoni manji muchipunda, akahuŋunwini muchikasa chindi yomweni chachimunswa;

¹⁶kapristu akatumpiki munuwindi wachidiilu mumanji adi muchikasa chindi chachimunswa, akasampulimanji namunu windi kumesu aYehova mapampa katanu nakayedi.

¹⁷Hamanji akushalahu muchikasa chindi kapristu akanonuhu, akamwo monuwuowu akukeŋa kutookeshawu kunsa yetu dindi dachidiilu, nikumunu wedimbanu wakuchikasa chindi chachidiilu, nikumunu wedimbanu wakumwendu windi wachidiilu, hohamashi ahimulambu wakutanya;

¹⁸manjiadi muchikasa chakapristu anashaluhu akahuŋununi hanamutu wanowu akukeŋa kutookeshawu; kapristu akamwilili yakumubuta nachu kumesu aYehova.

¹⁹Kapristu akalambuli himulambu wahanshidi, akamwilili yakumubuta nachu owu akukeŋa kutookeshawu nanochu hadiŋiyi wamajilu; nkumininaku hakajaha nihimulambu wakushita.

²⁰Kapristu akalambuli nimulambu wakushita, nihimulambu wawuŋa hakameŋa; kapristu akamwilili yakumubuta nachu, akatooki.

²¹Neyi hikazweŋi, nakaŋanyi yuma yejimoyu, akakumini dakukwata kwamwana kamukoku wachizamba, wamulambu wakutanya wakunyinkesha, kulonda kumwilila yakumubuta nachu, akanoni niibaŋu dimudawuŋa walembuluka wakubomba namanji, wamulambu wawuŋa, nichipundachamanji;

²²akakwati nitutela tuyedi, hela anyana katupompa ayedi, wowu anamoniyi wowu, wumu wamulambu wahanshidi, mukwawu wamulambu wakushita.

²³Hefuku damu chitanu nachisatu akaleti yumoyu kudikapristu, kumesu aYehova, kuchisu chetenti dakubulakena, kulondakumutookesha.

²⁴Kapristu akanoni mwana kamukoku wamulambu wakutanya, nichipunda chamanji, kapristu akayinyinkeshi hihimulambu wakunyinkesha kumesu aYehova;

²⁵akajahi ni mwana kamukoku wamulambu wakutanya, hamashi ahimulambu wakutanya kapristu akanonuhu, akamwomonuwu owu akukeŋa kutookeshawu kunsa yetu dindi dachidiilu, nikumunu wedimbanu wakuchikasa chindi chachidiilu, nikumunu wedimbanu wakumwendu windi wachidiilu.

²⁶Kapristu akahuŋunwini manji muchikasa chindi yomweni chachimunswa;

²⁷manji adi muchikasachindi chachimunswa kapristu akanonuhu antesha, akayisampuli namunuwindi wakuchidiilu kumesu aYehova mapampa katanu nakayedi.

²⁸Kapristu akanonuhu manji amakwawu adi muchikasa chindi, akamwomonuwu owu akukeŋa kutookeshawu kunsa yetu dindi dachidiilu, nikumunu wedimbanu wakuchikasa chindi chachidiilu, nikumunu wedimbanu wakumwendu windi wachidiilu, hohamashi ahimulambu wakutanya.

²⁹Manji adi muchikasa chakapristu anashaluhu akahuŋununi hanamutu wanowu akukeŋa kutookeshawu, kulonda kumwilila yakumubuta nachu kumesu aYehova.

³⁰Akalambuli katela kamu, hela mwana kakapompa wumu, yowu anamoni yiyowu;

³¹wumu wamulambu wahanshidi, mukwawu wamulambu wakushita, wowu anamoniyi wowu, nihimulambu wawuŋa hamu, kapristu akamwilili yakumubuta nachu owu akukeŋa kutookeshawu kumesu aYehova.

³²Lwenilu dilu lushimbi lwamukwamusoŋu wambumba nakaŋanyi yakuditookesha nachu.

³³Yehova wahosheli naMosi naAroni,

³⁴nindi, Chimwakashika mwituŋa daKenani dinukuyinka mwakadiheti denu, neyi nakasha musoŋu wambumbamwitala damwituŋa denu dimwakaheta,

³⁵yenowu wukweti itala akenzinakumuleja kapristu, nindi, Namoni mwitala mudi neyi musoŋu.

³⁶Hachi diyi kapristu kanda eŋili nakutala musoŋu, kapristu akayileji kwidisha yumayidi mwitala, kulonda yuma yejima yidi mwitala yakabuli majilu; nkumininaku kapristu hakeŋila nakutala mwitala.

³⁷Akatali musoŋu, neyi wakamonamusoŋu wunapokoli pokoli mumbapu yetala, iku neyi meji amatamba, iku neyi kuchinana, nimusoŋu wunamwekani neyi wuneŋili mumbaŋu,

³⁸kapristu akediki mwitala, akayi kuchisu chetala, akenzeli itala mwakahiti mafuku atanu nayedi.

³⁹Kapristu akenzi cheŋi hefuku damuchitanu nachiyedi, akatali. Neyi wakamona musopu wudi nakuya nakuswilamumbaŋu jetala,

⁴⁰kapristu akayileji nindi, Fumishenumu malola akwetimusoŋu, akayinatili kunsa yamukala kumajilu.

⁴¹Akayileji akakooli italamukachi kwi-ndo, nimaseki anakooluwu akayimwaŋili kunsa yamukala kumajilu.

⁴²Akanoni malola acheŋi, akayihiŋishi mwadiŋi malola amakwawu; akanoni maseki acheŋi, akasoti itala.

⁴³Hakela nafumishi dehi malola, nakooli dehi itala, nadisoti dehi, kutala musoŋu hiwukwinza cheŋi nakwidika mwitala,

⁴⁴kapristu akeŋilumu nakutala, neyi wakamona musoŋu wunayi nakuswila mwitala, himbumba yasumana mwitala; damajilu.

⁴⁵Odu itala akadisandi, nimalola adu, ninyitondu yadu, nimaseki etala ejima, akayifumishi hamukala, akayitwali kumajilu.

⁴⁶Muntu wakeŋa ila mwitala hakela anadenzeli dehi, akekali wamajilu hohu nikumelela.

⁴⁷Nimuntu wakakama mwitalodu akakosi mahinindi; ninowu wakadiila mwitalodu akakosi mahinindi.

⁴⁸Hakela itala anadisoti dehi, nikapristu nenzi dehi nakuditala, neyinamoni musoŋu hiwunayi nakuswila mwitalaku, kapristu akateni itala nindidinatooki dehi, nanochu chimunakusuki dehi musoŋu.

⁴⁹Akakwati tujilatuyedi, nimutondu musida, niwanda wuchinana, ninamutuntamu, kulondakutookesha nachu itala.

⁵⁰Kajila kamu akakajahili mwinuŋu yewumba, hewulu dameji adi nakuhita;

⁵¹akanoni mutondu musida, ninamutuntamu, niwanda wuchinana, nikajila kakomi, akayijimiki mumashi akajila kanajahuwu, nimumeji adi nakuhita, akasampuli itala mapampa katanu nakayedi;

⁵²akatookeshi itala namashi akajila, nameji adi nakuhita, nakajila kakomi, namutondu musida, nanamutuntamu, nawanda wuchinana.

⁵³Kajila kakomi akakombuku, kakafumi hamukala kakayi mumpata; dimu mwakelilayiyakubuta nachu itala; dakatooka.

⁵⁴Lwenilu dilu lushimbi lwamusoŋu wambumba muwahitila mwejima, nilweyaji,

⁵⁵nilwambumba yehina dakuvwala, nilwetala;

⁵⁶nilwakunana, nilwachibata, nilwebeŋa ditokoloka,

⁵⁷kulonda kuyileja nihadi majilu nihanatooki; dilu lushimbi lwambumba.