Read MUKANDA WANZAMBI Livitike 15 Bible Online

Livitike 15 - MUKANDA WANZAMBI bible

Livitike 15

¹Yehova wahosheli naMosi naAroni,

²nindi, Hoshenu nawanyana kaIsarela, muyili nenu, Neyi kudi muntu wapwekaŋa kumujimba windi, neli dehi wamajilu nanochu chanapwekiyi.

³Tiyenu mwakakwatilayi majilu omu mwakapwekelayi; neyi kumujimba windi kukupweka, hela neyi kumujimba windi kukujika nanochu chakupwekayi, nakwati dehi majilu.

⁴Tudidi twejima twakakamayi owu wapwekaŋa twakekali twamajilu; niyuma yakashakamayi yejima yakekali yamajilu.

⁵Muntu wakakunka kukadidi kindi, akakosi mahinindi, akaweli mumeji, akekali wamajilu hohunikumelela.

⁶Muntu wakashakama hayuma yashakaminiyi owu wapwekaŋa, akakosi mahinindi, akaweli mumeji, akekali wamajilu hohu nikumelela.

⁷Muntu wakakunka kumujimba wanowu wapwekaŋa, akakosi mahinindi, akaweli mumeji, akekali wamajilu hohu nikumelela.

⁸Muntu wutookaneyi akumufwŋila mazeŋi kudi muntu wapwekaŋa, akakosi mahinindi, akaweli mumeji, akekali wamajilu hohu nikumelela.

⁹Nisadi yakendelayi owu wapwekaŋa yakeli yamajilu.

¹⁰Muntu wakakunka kuchuma chadiŋikwishina dindi akekali wamajilu hohu nikumelela, niwakasenda yumoyu akakosi mahinindi, akaweli mumeji, akekali wamajilu hohu nikumelela.

¹¹Yowu akakunkawu kudi mukwakupwekesha nabuli kwisuka kumakasindi mumeji, akakosi mahinindi, akaweli mumeji, akekali wamajilu hohunikumelela.

¹²Nichuma chewumba chakakunkayi mukwakupwekesha akachi fumpi, hakwila yuma yanyitondu yejima akayikosololi mumeji.

¹³Wapwekaŋa, neyi natooki dehi nanochu chapwekelapayi, akachindi mafuku indi atanu nayedi akutooka nachu, akakosi mahinindi, akawelimu meji adi nakuhita, akatooki.

¹⁴Hefuku damu chitanu nachisatu akadikwatili tutela tuyedi, hela anyana katupompa ayedi, akenzi kumesu aYehova kuchisu chetenti dakubulakena, akayinki kapristu;

¹⁵kapristu akayilambuli, wumu wamulambu wahanshidi, mukwawu wamulambu wakushita; kapristu akamwilili yakumubuta nachu kumesu aYehova nanochu chanapwekiyi.

¹⁶Neyi kwakamwekana iyala wakalota kamwadi akaweli mujimba wejimamumeji, akekali wamajilu hohu nikumelela.

¹⁷Nimahina akuvwala ejima, niyitembi yejima yikweti mbutu yalusemu, akayikosi mumeji, yakekali yamajilu hohu nikumelela.

¹⁸Nimumbanda nakami neyala wudi nambutuyalusemu nawa chochu, wejima wawu mwayedi wawu akaweli mumeji, akekali amajilu hohu nikumelela.

¹⁹Neyi kudi mumbanda wapwekaŋa, chakupwekayi kumujimba windihakupweka mashi, akayi kwitala di kwawu mafuku atanu nayedi; muntuwakamukunka akekali wamajilu hohu nikumelela.

²⁰Yuma yejima yakakamayi hakekalayi kwitala di kwawu yakeli yamajilu, niyuma yakashakamayi yejima yakeli yamajilu.

²¹Muntu wakakunka kadidi kindi akakosi mahinindi, akaweli mumeji, akekali wamajilu hohu nikumelela.

²²Muntu wakakunka kuchuma chakashakamayi akakosi mahinindi, akaweli mumeji, akekali wamajilu hohu nikumelela.

²³Neyi muntu wakakunka hela chuma chahakadidi, hela chuma chanashakamiyi, akekali wamajilu hohu nikumelela.

²⁴Neyi iyala wakakama nindi, nikanyanda kindi kakekala hadi iyala, akekali wamajilu mafuku atanu nayedi, nitudidi twakakamayi twejima twakelitwamajilu.

²⁵Neyi kudi mumbanda wapwekaŋa mashi indi mafuku amavulu habulilaŋakuyayi kwitala di kwawu, hela neyi wapwekapa nakupandakesha hayilaŋayi kwitala di kwawu, mafuku ejima akupwekapayi akwikalayi wamajiluakekali neyi mafuku indi ayaŋayi kwitala di kwawu, akeli kwindi wamajilu.

²⁶Tudidi twakamaŋayi mafuku ejima apwekaŋayi twakekali neyi kadidikindi kakamaŋayi hayaŋayi kwitala di kwawu; niyashakamaŋayi yejima yakeli yamajilu, neyi chivelaŋa hayaŋayi kwitala di kwawu.

²⁷Muntu wakakunka yumoyu akeli wamajilu, akakosi mahinindi, akaweli mumeji, akekali wamajilu hohu nikumelela.

²⁸Neyi nakumishi dehi kupweka, akachindi mafuku indi atanu nayedi, akatooki.

²⁹Hefuku damuchitanu nachisatu akadikwatili tutela tuyedi, hela anyana katupompa ayedi, akayileti kudi kapristu kuchisu chetenti dakubulakena.

³⁰Kapristu akalambuliwumu wamulambu wahanshidi, mukwawu wamulambu wakushita; kapristu akamwilili yakumubuta nachu kumesu aYehova nanochu chanapwekiyi hakwikala wamajilu.

³¹Mwenimu dimu mumwakayambwila anyana kaIsarela kumajilu awu, kulonda abuli kufwa namajilu awu, hakutamisha tabanaka yami yidi mukachikawu.

³²Dilu lushimbi lweyala wapwekaŋa, nilweyala walotapa kamwadi hakukwatamajilu;

³³nilwamumbanda nakati kanyanda, nilweyala wapwekapa, nilwamumbanda wapwekaŋa, nilweyala wukukama namumbanda wamajilu.