Read MUKANDA WANZAMBI Livitike 16 Bible Online

Livitike 16 - MUKANDA WANZAMBI bible

Livitike 16

¹Yehova wahosheli naMosi hafwiluwu anyana kaAroni ayedi, hakundaminuwu kumesu aYehova hiyakufwa.

²Yehova hakuhosha naMosi, nindi, Hoshaku namana kweyi Aroni, neyi kwinzapa mwajila kunyima yehina dakujika, kumesu etanda daluwi didi hachimbapu, honsuhanenjiliyi hohu, chinjila, wakenza kafwa; muŋa ami nakamwekanamwivu hetanda daluwi.

³Tiya yakenzapayi nachu Aroni mwajila; akenzineyoŋa daŋombi weyala wamulambu wahanshidi, nichizamba chamukoku wamulambu wakushita.

⁴Akavwali chi kovwelu chajila chawanda wawuwahi. Mumujimba windi akavwali kaputula kawanda wawuwahi. Akavwalini muya wawanda wawuwahi. Akavwali ninkuku yawanda wawuwahi. Diyi yuma yajila yakuvwala. Akaweli mumeji, hakuyivwala.

⁵Akatambuli kudi anyana kaIsarela mwakapompelawu yizamba yampembi yiyedi yahimulambu wahanshidi, nichizamba chamukoku wamulambu wakushita.

⁶Aroni akashikiji ŋombi wamulambu wahanshidi, wahamujimba windiyomweni, akeli yakudibuta nachu yomweni niakwetala dindi.

⁷Aka kwatiyizamba yampembi yiyedi, akayiimiki kumesu aYehova kuchisu chetentidá kubulakena.

⁸Aroni akasakuli oju mpembi jiyedi nayinjikijilu, chinjikijilu chimu chaYehova, chinjikijilu chikwawu chakukinjika nachu.

⁹Aroni akashikiji mpembi yinaholokeli chinjikijilu chaYehova, akahimulambu li wamulambu wahanshidi.

¹⁰Mpembi yinaholokeli chinjikijilu chakukinjika nachu akamwimiki wamumi kumesu aYehova, kulonda kwila yakubuta nachu, kulonda amutwali mwisaŋa ekali wakukinjika.

¹¹Aroni akashikiji ŋombi wamulambu wahanshidi wahamujimba windiyomweni, akeli yakudibuta nachu yomweni niakwetala dindi, akajahi ŋombi wamulambu wahanshidi wahamujimba windi yomweni.

¹²Akookoli chepa chakusendelaŋa insensi chamakala akesi to-o kukamepa kadi kumesu aYehova, akenzeshi makasindi to-o nainsensi yevumba dadiwahi yakuchika chika, akaleti mukachi, kunyima yehina dakujika.

¹³Akashi insensihakesi kumesu aYehova, kulonda ivu dawishi dainsensi dakabuti hetandadaluwi didi hachitiyaŋenu, kulonda yena abuli kufwa.

¹⁴Akanonuhumashi aŋombi, akasampuli namunu windi hetanda daluwi kumusela; akanoni mashi amakwawu, akasampuli kumesu etanda daluwi namunuwindi mapampa katanu nakayedi.

¹⁵Akajahi nimpembi wamulambu wahanshidi, wahanyijimba yawantu, akaleti mashi indi mukachi, kunyima yehina dakujika, mashi indi akayili mwomweliliyi namashi aŋombi, akayisampuli nihewulu detanda daluwi, ni kumesu etanda daluwi;

¹⁶akeli yakubuta nachu mwajila nansaŋu jamajilu awanyana kaIsarela, nansaŋu janyiloŋa yawu kafwampi nshidi jawu jejima; dichi chakelilayi itenti dakubulakena dekalawu nadu mukachi kamajiluawu.

¹⁷Chakwijila yi nakwila yakubuta nachu omu mwajila, nichi chakwidi kayi, neli dehi yakubuta nachu niyena, niakwetala dindi, nichipompelucha waIsarela chejima, mwejimomu muntu kwikala mwitenti dákubula kenanehi.

¹⁸Akediki, akayi kukamepa kadi kumesu aYehova, akeli yaku kabutanachu. Akanonuhu mashi aŋombi, nimashi ampembi, akaloombi kunseŋu jaku kameŋa kwi-ndo.

¹⁹Akanonuhu mashi namunu windi, akasampuluhu mapampa katanu nakayedi, akakatookeshi, akakajiliki, kakafumi majilu ejima awanyana kaIsarela.

²⁰Chakakumishayi kwila yakubuta nachu nimwajila, niitenti dakubulakena, nikameŋa, akashikiji nimpembi wamumi.

²¹Aroni akanapiki makasindi ejima ayedi hanamutu wampembi wamumi, aketejeluhu mwaluwilaŋawu anyana kaIsarela mwejima, ninyiloŋa yawu yejima, kafwampi nshidi jawu jejima; akayishi hanamutu wampembi, akamukinjiki mwisaŋa namuntu anakunjikuwu mudimu owu.

²²Mpembi owu akasendi hamujimba windikuluwaluwa kwawu kwejima, akayi kwindi mumpata yakadi antu; owumuntu akamuumbuku mpembi mwisaŋa.

²³Aroni akenzi mwitenti dakubulakena, akavúulavúuli yuma yakuvwala yawanda wawuwahi yavwalayi heŋila ŋayi mwajila, akayishiyi kwoku.

²⁴Akayi nakuwela mumeji kumbadi yimu yajila, akavwali yuma yindi, akediki, akalambuli nihimulambu windi wakushita, nihimulambu wawantu wakushita, akeli yakudibuta nachu yomweni niantu.

²⁵Manji ahimulambu wahanshidi akayishiti hakameŋa bwi-i.

²⁶Owu muntu wakamúumba mpembi wakukinjika akakosi mahinindi, akaweli mumeji, nkumininaku akenzi muchilombu.

²⁷Niŋombi wamulambu wahanshidi, nimpembi wamulambu wahanshidi, akweti mashi awu atwalawu nakwila yakubuta nachu mwajila, akayitwali kunsa yachilombu, akayochi mukesi, niyitembiyawu, nimbiji yawu, niwufwachi wawu.

²⁸Wakayocha akakosi mahinindi, akaweli mumeji, nkumininaku akenzi muchilombu.

²⁹Lwenilu lwakekali chidika chenu chahaya nyaka chakwilaŋa mukakwejika muchitanu nachiyedi, hefuku damwikumi dakakweji, mwakadi kabishaŋa munyichima yenu, kukopelamu mudimu nehi, hela mwenimbuhela mwenyi mwashakama nindi;

³⁰muloŋa denodu ifuku odu didudakayililawu yakuyibuta nachu kulonda kuyitookesha, mwakatooki nshidŋenu jejima kumesu aYehova.

³¹Hisabata yenu yakunooka kwakudihudika, mwakadikabishaŋa munyichima yenu, hichidika chahaya nyaka.

³²Kapristu akawayishawu manji, akakunjikawu kwikala kapristu mumatu watata yindi, diyi wakela yakubuta nachu, diyi wakavwala mahina awandawawuwahi, wowu mahina ajila;

³³diyi wakela yakubuta nachu mwajila, diyi wakela niyakubuta nachu itenti dakubulakena nikameŋa; diyi wakelaniyakubuta nachu niatupristu niantu ejima achipompelu.

³⁴Cheni chichakekali chidika chenu chahaya nyaka, chakwilaŋa yakubuta nachu anyana kaIsarela hansaŋu yanshidi jawu, kamu hohu hamwaka. Welili mwomwa mulejelu wuMosi kudi Yehova.