Read MUKANDA WANZAMBI Livitike 21 Bible Online

Livitike 21 - MUKANDA WANZAMBI bible

Livitike 21

¹Yehova wamwilili Mosi, nindi, Hoshaku nawatupristu anyana kaAroni, wuyili neyi, Bayi hakamwekana wakadijilola namufuwahadi antaŋa jinduku,

²chiŋa nakawusoku windi asemukayi nindi, helamama yindi, hela tata yindi, hela mwanindi weyala, hela mwanindi wamumbanda, hela mana kwindi;

³hela muhelindi mujiki, asemukayi nindiivumu dimu, wabulahu dehi kusumbuka, nansaŋu jayenowu akadijiloli tuhu.

⁴Neyi hichilolu bayi akadijilola nakudiputolaku.

⁵Kutewulaŋa nyituyawu tuwewa, hela kutetateta kunsa jamawevu awu, hela kuditapola munyijimbayawu, chinjila.

⁶Akamujililaŋa Nzambi yawu, kujilola ijina daNzambi yawu chinjila; muloŋa wena diwu alambulaŋa nyilambu yakumwilila Yehova nakesi, nimankendi aNzambi yawu; dichi akekalaŋa ajila.

⁷Kusumbulachivumbi, indi kwiji atamishawu dehi, chinjila; hela kusumbulamumbanda aseŋawu dehi kudi nfumwindi chinjila, muloŋa wamujili laNzambi yindi.

⁸Dichi dinu wakamujilikaŋa, muloŋa walambulaŋamankendi aNzambi yeyi; akakujililaŋa; muŋa ami Yehova nayijilikaŋa, najila.

⁹Mwana kakapristu wamumbanda neyi wakadijilola nakwilawuvumbi, najiloli dehi tata yindi; akamwochi mukesi.

¹⁰Owu nekali kapristu hadi ana kwindi anuŋunwinawu hanamutu windimanji akuwayisha, akunjikawu kulonda avwali yuma yakuvwala, kukasununansuki jakunamutu windi, hela kutabula mahinindi, chinjila.

¹¹Kwiŋila amwitala mudi mufu chinjila, kudijilola hela natata yindi hela namama yindichinjila.

¹²Kufuma mamalala, hela kujilola malala aNzambi yindi, chinjila; muloŋa wajila dehi namanji aNzambi yindi akuwayisha; yami Yehova.

¹³Kusumbula chiŋa mujiki.

¹⁴Ntuluwa nawaseŋawu dehi, hela mumbanda atamishawu dehi, hichivumbi, kuyisumbula nehi; kusumbula chiŋa mujiki, wahadi antaŋa jindi yemweni.

¹⁵Kujilola anyanindihadi antaŋa jindi chinjila; muloŋa ami Yehova, yami namujilikaŋa.

¹⁶Yehova wahosheli naMosi,

¹⁷nindi, Hoshaku naAroni neyi, Muntuwakekalahu nawufwayi mwonsu mwamba kavwali kilaŋawu anyaneyi akumwitŋi kukundama kwakwihi nakulambula mankendi aNzambi yindichinjila.

¹⁸Wekala nawufwayi kukundama kwakwihi chinjila; mputamesuna wabalakataŋa, hela wabaluka muzulu, hela wukweti kasambanu,

¹⁹helawakotoka mwendu hela chikasa,

²⁰hela muntu wukweti ndunda, indi kwiji wakiya, indi kwiji wukweti mutoyu mudisu, hela mukuli, hela musoŋu wamwikowa wacheŋi, hela wapucheka makutu;

²¹muntu wakuntaŋa yakapristu Aroni wukweti wufwayi, kukundama kwakwihi nakulambulanyilambu yakumwilila Yehova nakesi, chinjila; wukweti wufwayi kukundama kwakwihi nakulambula mankendi aNzambi yindi, chinjila.

²²Kudyamankendi aNzambi yindi, niasweja kujila, niajila, wukudya tuhu.

²³Ilaŋa kwijila mwihina dakujika chinjila, hela kukundama kwakwihi nakameŋa chinjila, muloŋa hichifwayi, wakenda kajilola malala ami ejima, muloŋa ami Yehova, yami nayijilikaŋa.

²⁴Dichi Mosi wahosheli naAroni nawanyanindini anyana kaIsarela ejima.