Read MUKANDA WANZAMBI Livitike 24 Bible Online

Livitike 24 - MUKANDA WANZAMBI bible

Livitike 24

¹Yehova wahosheli naMosi,

²nindi, Yileji anyana kaIsarela akakuleteli manji aolive akusohola amawahi enoŋu, kulonda manoŋu akabutukaŋa hohu mafuku ejima.

³Aroni akadiloŋeshaŋa hanzi yehinadakujika dawunsahu mwitenti dakubulakena, kufumisha kumelela nakushikakubudidi kumesu aYehova hefuku hefuku; hichidika chahaya nyakamwamba kavwalikilaŋa anyanenu.

⁴Wakaloŋeshaŋi manoŋu choŋudadiwahi kumesu aYehova mafuku ejima.

⁵Wakanoni wuŋa walembuluka, wakawochi mankendi ikumi nayedi, dinkendi dimu mabaŋu ayedi, ejima chochu hohu.

⁶Wakayitanjiki nyikukuyiyedi, kumesu aYehova hamesa yayiwahi, mukuku wumu atanu nadimu, mukuku wumu atanu nadimu.

⁷Hanyikuku yejima wakashuhu libonayayiwahi, yiikali yakwanuka nachu mankendi, hihimulambu wakumwilila Yehova nakesi.

⁸Yena akayiloŋeshaŋa chachiwahi kumesu aYehova hasabata hasabata mafuku ejima; chakwilila hanyijimba yawanyana kaIsarela, hichitiyaŋenu chahaya nyaka.

⁹Yakekalala yaAroni nawanyanindi amayala, akayidiilaŋa mwajila; himulambu iwu yena akawumoni kujila nankashi kubadika nyilambu yakumwilila Yehova nakesi yachidika chahaya nyaka.

¹⁰Iyala wumu wakusemuka kudi mumbanda wakaIsarela, wukweti tatayindi kaEjipitu, wayili nakuhanjika kudi anyana kaIsarela; yenowu mwana asemawu kudi mumbanda wakaIsarela wazuŋili neyala wakaIsarela muchilombu.

¹¹Mwana asemawu kudi mumbanda wakaIsarela wateneni ijina chatama, washipeni; amuleteli kudi Mosi. Mama yindi ijina dindi Shelomiti, mwana kaDibiri, wakumuchidi waDani.

¹²Amushili mukaleyakulonda atiyi chakuhoshayi Yehova.

¹³Yehova hakuhosha naMosi,

¹⁴nindi, Mufumishi owu nashiŋinimuchilombu; ejima amutiyili amunaŋiki makasawu hanamutu windi, chipompelu chejima chimwasi malola.

¹⁵Wakahoshi nawanyana kaIsarela, neyi, Muntu wakashipa Nzambi yindi wakakoola nshidi yindi.

¹⁶Wakatena ijina daYehova chatama chiŋa kumujaha hohu chalala, chiŋa chipompelu chejima chimwasa malola hohu chalala; hela mwenyi hela mwenimbuwukutena ijina daYehova chatama, akamujahi.

¹⁷Wakatapa mukwawuafwa akamujahi chalala.

¹⁸Wakatapa chimuna afwa akahiŋishumu wacheŋi, wumi nawumi.

¹⁹Neyi muntu wakatamisha mukwawu, mwaneliyi di mumwakamwilawu niyena;

²⁰chitu nachitu, disu nadisu, ŋi neji, mwanatamishiliyi mukwawu dimu mwakamwilawu.

²¹Wakajaha chimuna akahiŋishumu wacheŋi; wakajaha muntu akamujahi.

²²Mumwakasompeshela mwenyi dimu mumwakasompeshela nimwenimbu; muloŋa yami Yehova Nzambi yenu.

²³Mosi wahosheli nawanyana kaIsarela, amwidishili washiŋeni muchilombu, amwasili malola. Anyana kaIsarela elili mwamulejelu wuMosi kudi Yehova.