Read MUKANDA WANZAMBI Livitike 25 Bible Online

Livitike 25 - MUKANDA WANZAMBI bible

Livitike 25

¹Yehova wahosheli naMosi hampidi yaSinayi,

²nindi, Hoshaku nawanyana kaIsarela, wuyili neyi, Chimwakashika mwituŋa dinukuyinka, ituŋa chiŋa dakanookaŋa sabata yambala yaYehova.

³Iha deyiwakadidimaŋa nyaka yitanu nawumu, itempa deyi danyivinyu wakadiloŋeshaŋa nyaka yitanu nawumu, wakadiilaŋaku mbutu;

⁴kwinza mumwaka wamuchitanu nachiyedi mwakekalaŋa sabata yakunooka ituŋa kunookakwakudi hudika, hisabata yambala yaYehova, kudima iha deyi hela kuloŋeshaitempa deyi danyivinyu nehi.

⁵Yakudya yeyi yakudimenena kuyaŋulanehi, hela nyikabu yakunyivinyu yeyi yiwunabuli kuloŋesha kuyikumuna nehi, himwaka wakunooka ituŋa kunooka kwakudihudika.

⁶Iyi sabatayetuŋa yakekali yakudi ilaŋamu kudya kwenu, nineyi, ninduŋu yeyi weyala, ninduŋu yeyi wamumbanda, niŋamba yeyi, ni mwenyi weyi wakupeeka;

⁷niyimuna yeyi, nanyama adi mwituŋa deyi, mbutu jakamenamu jejima akadyi tuhu kwawu.

⁸Wakadi chindilaŋa sabata janyaka jitanu najiyedi, hinyaka yitanu nayi yedi yamapampa katanu nakayedi, wakeseka mafuku asabata jitanu naji yedi jinyaka, hinyaka makumi awana nanyaka yitanu nayiwana.

⁹Wakembishampinja chakola hefuku dekumi dakakweji kamuchitanu nachiyedi; ifukudakubuta nyiloŋa didu wakembisha mpinja mwahita ituŋa denu dejima.

¹⁰Mwakajilikaŋa mwaka wamakumi atanu, akabideki mwahita ituŋa, akayishimwini antu ejima ashakamamu kufuma muwuduŋu kunenzi dehi; wakekalaŋa mwaka wenu wajubili, mwaka funtafuntaŋa wejima wenu, iwukumpata yindi yaheteliyi, iwu kuchisaka chindi.

¹¹Wenowu mwaka wamakumi atanu wakekalaŋa wajubili yenu, kudima nehi, hela kwaŋula yakudya yakudimenena nehi, hela kukumuna kunyivinyu yimunabuli kuloŋesha nehi.

¹²Muloŋa hŋubili, mwakayimoni kujila, mwakadya ŋayi kusoŋa mumaha.

¹³Mumwa kowu wajubili mwaka funtafuntaŋa wejima wenu kumpatajenu jimwaheteli.

¹⁴Neyi wakalandisha mukwenu chuma, indi kwiji wakalanda chuma kudi mukwenu, bayi mwakadikoŋaŋa chatamaku;

¹⁵Kulanda chuma namukwenu chiŋa kweseka munyaka yinaŋandakani dehi mujubili, mukwenu kukulandisha iha chiŋa eseka muyilaaka yiwakadi ilamu.

¹⁶Neyi muchidi nyaka yayivulu akatoheshi wuseya wadu, neyi muna shalinyaka yantesha akakeheshi wuseya wadu, akakulandishi mweseka yila akayiwakadi ilamu.

¹⁷Bayi mwakadikoŋaŋa chatamaku, wakamutiyaŋa Nzambi yeyi woma, muloŋa yami Yehova Nzambi yenu.

¹⁸Mwakelaŋa yidika yami, mwakahembaŋa mwaya wuŋaji wami nakwilamu, kulonda mushakami chakadi kwakama mwituŋa.

¹⁹Niituŋa dakasoŋa mbutu jadu, mwakadya mwakekuta, mwakasha kamamu chakadikwakama.

²⁰Keŋa mwili nenu, Indi mwaka wamu chitanu nachiyedi twakadyadi? Tiya, hitwa kadimaku, hitwaka aŋula mbutu jetuku.

²¹Henohuhamwaka wamu chitanu nawumu nakayiletela nkisu yami, wakasoŋmbutu janyaka yisatu.

²²Mumwaka wamu chitanu nachisatu mwakadima, mwakadya mbutu jajikulu jimwaswekeli, dye-e, nikumwaka wamuchitanu nachiwana ninichi chimwa kamuna mbutu jenu, mwakadyaŋa jenu jaji kuluji mwaswekeli hohu.

²³Ituŋa kudilandisha chahaya nyaka chinjila, muloŋa hiituŋa dami, muloŋa enu muyenyi, mwashakamamu tuhu nanami.

²⁴Mwahita ituŋa dimwakaheta mwejima mwaketŋiŋa kukuula ituŋa.

²⁵Neyi mana kweyi nekali dehi kazweŋi, nalandishi dehi chibalu champatayindi yahetayi, kawusoku windi asemukayi nindi akenzi, akakúulimpata yanalandishiyi mana kwindi.

²⁶Neyi hadi muntu nabuli wakuyikúulaniyena naheti dehi yakuyikúula nachu,

²⁷akachindi nyaka yayilandishiliyi, akamulunjikiluku owu muntu alandishiliyi, akafunti cheŋi kumpatayindi yaheteliyi.

²⁸Neyi nakaŋnyi kuyitambula cheŋi yemwenindi, oyuyanalandishiyi yakashali kuchikasa chanowu wayilandili kushika nikumwakawajubili, mujubili yakafunti cheŋi yakekali cheŋi yindi, akafunti cheŋi kumpata yindi yaheteliyi.

²⁹Neyi muntu wakalandisha itala damumukala wampwembu, wakatweshakudikúula cheŋi himuchidi kanda muhiti mwaka wamana chikupu nanahahadilandiliyi, mukuhitaŋa mwaka wamana wakatwesha kudikúula cheŋi.

³⁰Neyi mwaka wamana wunahiti dehi kudikúula nehi, denodu itala dekalamumukala wampwembu dinekali dehi dambala danowu wadilandili, dindichikupu nimwamba kavwalikilaŋa anyanindi chanyaka yejima; hidakafunta cheŋi mujubiluku.

³¹Ilaŋa matala amunyikala yakadi kunyeŋu mwishampwembu, akayeseki hohamu namaha amumpata; akatwesha kuyikúula, akafunti cheŋi mujubili.

³²Hela chochu, nyikala yawaLevi, nimatala amunyikala yanahetuwu, aLevi akutwesha kuyikúula tuhu honsu hanayikúuliluwu hohu.

³³Neyi akalanda nakaLevi niitala danalandishuwu nimukalawaheteliyi yakafunti cheŋi mujubili; muloŋa matala amunyi kalaya waLevi hiluhetu lwawu lwamudi anyana kaIsarela.

³⁴Hakwinza mahaakunsa janyikala yawu kuyilandisha chinjila; hiluhetu lwawu lwahayanyaka.

³⁵Neyi mana kweyi neli dehi kazweŋi jinamukaŋi dehi, kamukwashuku; hela himwenyi wenza nakutuŋa, kashakami nindi.

³⁶Bayi wakamu dyanŋalanyi hela kusha kwoku, chiŋa wumutiyaŋa Nzambi yeyi woma kulonda wushakami namana kweyi chachiwahi.

³⁷Bayi wakakongwesha mukwenumali eyi wudiilahu nŋalanyuku, hela kumusondamisha yakudya yeyi wudi ilahuya kumotweshaku.

³⁸Yami Yehova Nzambi yenu nayi fumishili mwituŋa daEjipitu, kulonda niyinki ituŋa daKenani, kulonda niikali Nzambi yenu.

³⁹Neyi mana kweyi wekala nindi neli dehi kazweŋi kweyi, nadilandi dehi kudeyi, bayi wakamukalakesha neyi chakalakeshaŋawu nduŋuku;

⁴⁰kashakami nindi neyi chakushakama naŋamba hela nawakupeeka, akakukalakeli chakushikija kumwaka wajubili;

⁴¹akafumi cheŋi kudeyi henohu, niyena nanyanindi kumu, akafunti cheŋi kuchisaka chindi, akafunti cheŋi kumpata yindi yaheteli ankakulula jindi.

⁴²Muŋa hiyambuŋami inafumishili mwituŋa daEjipitu, kuyilanda ekali anduŋu chinjila.

⁴³Bayi wikala nkaka yindi wakalaku, chiŋa wakamutiyaŋa Nzambi yeyi woma.

⁴⁴Neyi munakeŋi kuheta anduŋu amayala nawambanda kalandenu kudinyuza yayinyeŋumuka, diku kumwakalandila anduŋu jenu amayala nawambanda.

⁴⁵Hela kudi anyana kawenyi ayipeeka, diku kumwakalandila, nikuchisaka chawu chimwekala nachu anavwalikili mwituŋa denu, mwakayihetatuhu hiluhetu lwenu.

⁴⁶Wenawa diwu mwakeli wuswana wakuswanaŋa anyanenu akalondelaŋa mudenu akayihetaŋa hiluhetu lwawu; wenawadiwu akekalaŋa anduŋu jenu ahaya nyaka; ilaŋa ana kwenu, anyana kaIsarela, hosi wakekali nkaka yamukwawu wakalaku.

⁴⁷Neyi hadi mwenyi wakupeeka nekali dehi waheta, nimana kweyi neli dehi kazweŋi, nadilandi dehi kudi mwenyi wakupeeka, hela kudi akwachisaka chamwenyi;

⁴⁸neyi anamulandi dehi akatwesha kumukúula; mana kwindi wumu wakatwesha kumukúula;

⁴⁹hela mandumi yindi helamwana kamandumi yindi wakatwesha kumukúula, hela hadi asemukayinindi kuchisaka chindi wakatwesha kumukúula; hela neyi naheti dehi yemweni wakatwesha kudikúula tuhu yemweni.

⁵⁰Akachindi nanowuwamulandili kufumishila hamwaka wadilandishiliyi kudi yena nakushikŋi kumwaka wajubili, yakafwetayi yakeseki mwomukweseka nyaka yakeŋa kushakamayi nindi, mwomwesekelaŋawu nyaka yaŋamba.

⁵¹Neyi muchidinyaka yayivulu mwomukwesekela nyaka, dimu mwakufuntishilayi nindanduyakumukúula kufumisha kumali amulandiluwu nachu.

⁵²Neyi kunashali dehi nyaka yantesha hohu nakushika kumwaka wajubili, akachindili hamu, mwomukwesekela nyaka, dimu mukwesekela nindandu yakumukúula.

⁵³Akashakami nindi neyi chashakamaŋawu naŋamba akwataŋawu hamwaka hamwaka; bayi akekala nkaka yindi wakala kumesu eyuku.

⁵⁴Neyianabuli kumukúula mwenimu, akadifumini tuhu kwindi mumwaka wajubili, niyena nanyanindi kumu.

⁵⁵Muloŋa ami namoni anyana kaIsarela namihiyambuŋami; diwu ambuŋami nafumishili mwituŋa daEjipitu; yami Yehova Nzambi yenu.