Read MUKANDA WANZAMBI Livitike 27 Bible Online

Livitike 27 - MUKANDA WANZAMBI bible

Livitike 27

¹Yehova wahosheli naMosi,

²nindi, Hoshaku nawanyana kaIsarela, wuyili neyi, Neyi hadi muntu wakadishiilamu kwila chuma, wakamwesekela mwomwesekelaŋwu antu aYehova.

³Tiya chiwakeseka iyala, kufumisha kunyaka makumi ayedi anamutuukishi kunyaka makumi atanu nadimu wakamweseka mujishekeli jasiliva makumi atanu mwomulushekeli lwakumalala.

⁴Neyi himumbanda, wakamweseka mujishekeli makumi asatu.

⁵Neyi wakafumishiia hanyaka yitanu anamutuukishi kunyakamakumi ayedi, iyala wakamweseka mujishekeli makumi ayedi, mumbandamujishekeli ikumi.

⁶Neyi wakafumishila hakakweji kamu nakushikŋi kunyaka yitanu, iyala wakamweseka mujishekeli jasiliva jitanu, mumbandawakamweseka mujishekeli jasiliva jisatu.

⁷Neyi wakafumishila hanyakamakumi atanu nadimu nakutwala kumbidi; neyi hiiyala, wakamweseka mujishekeli ikumi najitanu; neyi himumbanda, jishekeli ikumi.

⁸Neyinabuli kuheta muwunamwesekeli, akamwimiki kumesu akapristu, kapristu akamweseki owu muntu nadishiilumu mwomwanatweshiyi.

⁹Neyi hikanyama kalambulaŋawu antu Yehova, anyama ejima amwinka Ijawu antu Yehova akekali ajila.

¹⁰Kumuhimpulula nehi, kumubalumunanehi, hela wamuwahi kumuhimpa nawatama nehi, hela watama kumuhimpanawamuwahi nehi; neyi akahimpa kanyama nakanyama akeli ajila wejimawawu, niwasambila niniwu anahimpuwu nachu.

¹¹Neyi hikanyama wamajilu abulaŋa kulambulawu Yehova, akamushikŋi kumesu akapristu;

¹²kapristu akamweseki, akamutali neyi wamuwahi indi kwiji watama; mwomuwakamwesekela eyi kapristu, dimu mundandu yindi.

¹³Neyinakeŋi kumukúula, kundandu yiweseka akalunjikuku chibalu chamuchitanu.

¹⁴Neyi kudi muntu wakamujilikila Yehova itala dindi, kapristu akadeseki, akatali neyi dadiwahi indi kwiji datama; mwakadesekela kapristu dimudakashikila.

¹⁵Neyi wadijilika nakeŋi kukuula itala dindi, kundanduakalunjikuku chibalu chamuchitanu chamali iweseka, dakekali dindi.

¹⁶Neyi kudi muntu wakamujilikila Yehova chibalu cheha dakumpatayindi yahetayi, akeseki mwomumbutu yatumbaŋawu mwenomu; mwatumbaŋawu ngungungu yabali wakeseka mujishekeli jasiliva makumi atanu.

¹⁷Neyi iha dindi wakadijilika mumwaka wajubili, dakashiki mwomuwakadesekela.

¹⁸Kwinza neyi wakajilika iha dindi mwaka wajubili wunahiti dehi, kapristu akamutoŋweli mali akweseka munyaka yinashali nakushikakumwaka wajubili wukwawu, akamutepulwiluku kumali iwamwesekela.

¹⁹Neyi wajilika iha nakeŋi kudikúula, akalunjikuku chibalu chamuchitanu chamali iwamwesekela, hidakekala dindi chikupu.

²⁰Neyi hanakeŋikukuula ihaku, indi kwiji nalandishi dehi ihodu kudi muntu wacheŋi, bayi akadikúula nawa chepuku;

²¹ilaŋa iha chidakafunta mujubili, dakekali dakumujilikila Yehova, neyi iha dakwambula dehi kudiheta chiŋa kudikapristu hohu.

²²Neyi yena wakamujilikila Yehova iha danalandiyi hidakumpata yindi yahetayuku,

²³kapristu akamutoŋweli muwakamwesekela chakushika kumwaka wajubili; akafweti mwomuwuna mwesekeli denaifuku odu, hichuma chakumujilikila Yehova.

²⁴Mumwaka wajubili ihadakafunti cheŋi kudi owu muntu wamulandishilidu, wadiŋi waheta mpatayindi.

²⁵Muwakeseka eseka mwejima chiŋa kweseka mwomulushekelil wakumalala; lushekeli hijingera makumi ayedi.

²⁶Kwinza wedi wakanyama hiwedi wambala waYehova, kwosi muntuwaka mujilikaku, hela hiŋombi, hela himukoku, wambala waYehova.

²⁷Neyi hiwedi wakanyama wamajilu akamukúuli mwomuwakamwesekela, akalunjikuku nichibalu chandandu chamuchitanu, neyi kumukúulanehi, akamulandishi tuhu mwomuwakamwesekela.

²⁸Hela chochu, kwosichuma chachishima chakamujilikilawu Yehova kudi muntu mwahetelayimwejimaku, hela himuntu, indi kwiji hikanyama, indi kwiji hiiha dakumpatayindi yahetayi, kwosi chakalandishawu hela kukuulaku; yuma yayishimashima yejima yajila nankashi yakumujilikila Yehova.

²⁹Hikudichuma chachishima chakajili kawu antu chakakúulawuku, chiŋa kuchihahohu.

³⁰Yamwikumi yahamaseki yejima, hela mbutu yahamaseki, hela nyikabuyakunyitondu, yaYehova; amujilikilayu Yehova.

³¹Neyi muntu nakeŋikukuula chuma chayuma yindi yamwikumi, kundandu yachu akalunjikuku chibalu chamuchitanu.

³²Amwikumi ejima, hela akwitaŋa, hela akwiyinda, akaseluka mwishina dankimyi, ejima akujikisha mwikumi mwikumi, akamujilikiluwu Yehova.

³³Kumushinshika amutali neyi nawahi, helaneyi natami, nehi, hela kumuhimpa nehi; neyi hadi wakahimpayi, ninowuwasambila ninowu anahimpiyi nachu akekali ajila, kuyikúula nelii.

³⁴Diku kuleja kwalejeluwu Mosi kudi Yehova kwakuleja anyana kaIsarela hampidi yaSinayi.