Read MUKANDA WANZAMBI Livitike 3 Bible Online

Livitike 3 - MUKANDA WANZAMBI bible

Livitike 3

¹Neyi himulambu windi wakekala wachimuna chakuketula chanyila mbuya kuwunda, neyi wukulambula wakwitaŋa, hela nombi weyala, helawamukaji, akalambuli kumesu aYehova wakadi hataminayi.

²Akana ŋiki chikasa chindi hanamutu wamulambu windi, akawujahili kuchisu chetenti dakubulakena; atupristu anyana kaAroni akasampuli mashi hakameŋa kwi-ndo.

³Kuchimuna chakuketula chanyilambu yakuwunda akalambuluku himulambu wakumwilila Yehova nakesi, wowu manji ajikaŋa hayumaya mwivumu, namanji adi kunyijipwa ejima,

⁴ninshiya mujiyedi, nimanjiaduku, wowu ekala kumasweswa, nichibuta muchima, akayaluli hamunanshiya.

⁵Anyana kaAroni akayishiti hakameŋa bwi-i hewulu dahimulambu wakushita wudi hanchawa jidi hakesi, hihimulambu wakumwilila Yehova nakesi, wevumba dadiwahi.

⁶Neyi himulambu windi wakalambulayi Yehova wachimuna chakuketula chanyilambu yakuwunda wukwi kala wakwiyinda, hela chizamba, helamukaji, akaleti wakadi hataminayi.

⁷Neyi wakalambula himulambu windi wamwana kamukoku akamulambwili kumesu aYehova;

⁸akanaŋiki chi kasachindi hanamutu wamulambu windi, akawujahili kwokwitenti dakubulakena; anyana kaAroni akasampuli mashi awu hakameŋa kwi-ndo.

⁹Kuchimuna chakuketula chanyilambu yakuwunda akalambuluku himulambu waYehova wakwila nakesi, wowu manji awu, nimukila wamanji wejima, akawuketwili kwakwihi namoŋu; nimanji ajikaŋa hayuma yamwivumu, nimanji akunyijiŋwa ejima,

¹⁰ninshiya mujiyedi, nimanji aduku wowu ekala kumasweswa, nichibutamuchima, akayaluli hamu nanshiya.

¹¹Kapristu akayochi hakameŋa bwi-i, hiyakudya yahimulambu wakumwilila Yehova nakesi.

¹²Neyi himulambu windi wakekala mpembi, akamulambwili kumesu aYehova.

¹³Akanaŋiki chikasa chindi hanamutu windi, akamujahili kwokwitenti dakubulakena; anyana kaAroni akasampuli mashi indi hakameŋa kwi-ndo.

¹⁴Kuhimulambu windi akanonuku himulambu wakumwilila Yehova nakesi; wowu manji ajikaŋa hayuma yamwivumu, nimanji adi kunyiji jiwa ejima,

¹⁵ninshiya mujiyedi, nimanji aduku, wowu ekala kumasweswa, nichibutamuchima akayaluli hamu nanshiya.

¹⁶Kapristu akayishiti hakameŋi bwi-i, hiyakudya yahimulambu wakwila nakesi, wevumba dadiwahi; manji ejima ambala aYehova.

¹⁷Chidika chakubulenu kudya manji hela mashi chakekala chidika chahaya nyaka mwamba kavwali kilaŋawu anyanenu, mwahita nyikala yenu yejima.