Read MUKANDA WANZAMBI Livitike 4 Bible Online

Livitike 4 - MUKANDA WANZAMBI bible

Livitike 4

¹Yehova wahosheli naMosi,

²nindi, Hoshaku nawanyana kaIsarela, neyi, Neyi hakekala muntu wakavulumuna chakuluwukila, nakoŋichuma chanalekeshiyi Yehova nindi chinjila kuchila;

³hela kapristu awayishawu dehi manji wakavulumuna chakuyikokela antu kutanya, oyunshidi yindi yakavulumunayi akalambuli Yehova iyoŋa daŋombi weyalawakadi hataminayi wamulambu wahanshidi.

⁴Akaleti ŋombi kuchisuchetenti dakubulakena kumesu aYehova, akanaŋiki chikasa chindi hanamutuwaŋombi, oyu ŋombi akamujahili kumesu aYehova.

⁵Kapristu awayishawu dehi manji hamashi aŋombi akanonuhu amu, akayileti mwitenti dakubulakena.

⁶Kapristu akatumpiki munu windi mumashi, akasampulimashi kwatala Yehova mapampa katanu nakayedi, kumesu ehina dakujikakumalala.

⁷Kapristu akaloombi mashi amakwawu kunseŋu jakameŋaka insensi yevumba dadiwahi kumesu aYehova, kokameŋa kekala mwitenti dakubulakena, mashi aŋombi anashali ejima akayimwaŋili kwishina dakameŋaka himulambu wakushita, kekala kuchisu chetenti dakubulakena.

⁸Manji aŋombi wamulambu wahanshidi akayifumishuhu ejima, nimanji ajikaŋa hayuma yamwivumu, nimanji ekala kunyijiŋwa ejima,

⁹ninshiyamujiyedi, nimanji aju ekala kumasweswa, nichibutamuchima, akayalwili kumu nanshiya,

¹⁰mwomu mwafumishilaŋawu kuŋombi wakuketula wanyilambu yakuwunda, kapristu akayishiti bwi-i hakameŋa kahimulambu wakushita.

¹¹Chitembi chaŋombi nimbiji yindi yejima, ninamutu windi, ninyendu yindi, nimakasindi hamu, niyuma yindi yamwivumu, niwufwachi windi,

¹²kafwampi ŋombi wejima mwakumayi, akamutwali kunsa yachilombu kutooka kwasukwilaŋawu mawuti, akamwochi nakesi hanchawa, akamwochela kwasukwilaŋawu mawuti.

¹³Neyi chipompelu chaIsarela chejima chakaluwa, chipompelu kwilukachuma chaneluwu nehi, anakoŋi chuma chalekesheliyi Yehova nindi chinjilakuchila, anatanyi dehi;

¹⁴neyi aneluki dehi nshidi oyu yanavulumunuwu, chipompelu chakalambuli iyoŋa daŋombi weyala wamulambu wahanshidi, akamuleti kumesu etenti dakubulakena.

¹⁵Akulumpi achipompelu akanaŋiki makasawu hanamutu waŋombi kumesu aYehova, ŋombi akamuja hilikumesu aYehova.

¹⁶Kapristu awayishawu dehi manji akaleti mashiaŋombi kwitenti dakubulakena,

¹⁷kapristu akatumpiki munu windi mumashi, akayisampuli mapampa katanu nakayedi kwatala Yehova, kumesuehina dakujika mwajila.

¹⁸Mashi amu akaloombi kunseŋu jakameŋa kekalakumesu aYehova, kekala mwitenti dakubulakena, mashi akashalahu ejima akayimwapili kwishina dakameŋa kahimulambu wakushita, kekala kuchisuchetenti dakubulakena.

¹⁹Akamufumishi manji indi ejima, akayishiti hakameŋabwi-i.

²⁰Ŋombi akamwili mwomweliliyi ŋombi wamulambu wahanshidi, dimu mwakelayi niyenowu nawa; kapristu akayilili yakubuta nachu, akayanakena.

²¹Akatwali ŋombi kunsa yachilombu, akamwochi neyichocheleliyi ŋombi wakusambila; hihimulambu wachipompelu wahanshidi.

²²Neyi nyuli navulumuni, naluwukili dehi chuma chimu chalekesheliyi Yehova Nzambi yindi nindi chinjila kuchila, natanyi dehi,

²³neyi nshidiyindi yanavulumuniyi akamulejayu, akaleti himulambu windi wampembi, chizamba wakadi hataminayi;

²⁴akanaŋiki chikasa chindi hanamutu wampembi, akamujahili kwajahilaŋawu himulambu wakushita kumesu aYehova; hihimulambu wahanshidi.

²⁵Hamashi ahimulambu wahanshidi kapristu akanonuhu namunu windi, akaloombi kunsepu jakameŋa kahimulambu wakushita, mashi indi akayimwapili kwishina dakameŋa kahimulambu wakushita,

²⁶manji indi ejima akayishiti hakameŋa bwi-i neyi chashitapawu manji achimuna chakuketula chanyilambu yakuwunda, kapristu akamwilili yakubuta nachu hansaŋu yanshidi yindi, akamwanakena.

²⁷Neyi muntu wamunyikala navulumuni chakuluwukila, naluwukili chuma chimu chalekesheliyi Yehova nindi chinjila kuchila, natanyi dehi;

²⁸neyi neluki dehi nshidi yindi yanavulumuniyi akamulejayu, akaleti mulambu windi wampembi, mukaji wakadi hataminayi, wanshidi yindi yanavulumuniyi.

²⁹Akanaŋiki chikasa chindi hanamutu wamulambu wahanshidi, himulambu wahanshidi akawujahili kuwujahilu wamulambu wakushita.

³⁰Hamashi indi kapristu akanonuhu namunu windi, akaloombi kunseŋujakameŋa kahimulambu wakushita, mashi indi ejima akayimwaŋili kwishina dakameŋa.

³¹Akafumishuku manji indi ejima neyi chafumishaŋawu manji achimuna chakuketula chanyilambu yakuwunda; kapristu akayishitili yehova hakameŋa bwi-i, yevumba dadiwahi; kapristu akamwilili yakubuta nachu, akamwanakena.

³²Neyi wakaleta mwana kamukoku wamulambu wahanshidi, akaleti mukaji wakadi hataminayi.

³³Akanaŋiki chikasa chindi hanamutu wamulambu wahanshidi, akamujahili kwajahilaŋawu himulambu wakushita, wakekali himulambu wahanshidi.

³⁴Hamashi ahimulambu wahanshidi kapristu akanonuhu namunu windi, akaloombi kunseŋu jakameŋa kahimulambu wakushita, nimashi indi ejima akayimwaŋili kwishina dakameŋa;

³⁵manji indi ejima akayifumishuku neyi chafumishaŋawu manji amwana kamukoku aketulaŋawu wanyilambu yakuwunda; kapristu akayishiti hakameŋa bwi-i, hanyilambu yakumwilila Yehova nakesi; kapristu akamwilili yakubuta nachu hansaŋu yanshidi yindi yanavulumuniyi, akamwanakena.