Read MUKANDA WANZAMBI Livitike 5 Bible Online

Livitike 5 - MUKANDA WANZAMBI bible

Livitike 5

¹Neyi muntu navulumuni chakutiya chakusanyikayi mukwawu, neli chinsahu chakumona hela chakwiluka, neyi yena kushimunamu nehi, wakakoola kuluwa kwindi;

²hela neyi muntu nakwati chikasa hachumachamajilu, hela hakanyama kamafumbu wamajilu fwafwa dehi, helahakanyama kanyikonu wamajilufwafwa dehi, hela kanyama kakayilaŋa wamajilu fwafwa dehi, yena kuchiluka nehi, niyena hakwikala wamajilu, natanyi dehi;

³hela neyi wakakwata hayuma yamuntu yamajilu, yamajilu yonsu yadijilolaŋayi nachu muntu, yena kuchiluka nehi, wakatanya hakachilukayi;

⁴hela neyi muntu wakasanyika lufuchi nakanwa kindi, nindieli hela chuma chatama hela chuma chachiwahi, chejima chakahoshayi muntu lufuchi nakusanyika, yena kuchiluka nehi, hakachilukayi wakatanyahachuma chimu chayumiyi;

⁵chakelayi natanyi dehi hachuma chimu chayumiyi aketŋi mwanavulumuniyi;

⁶akaleti kudi Yehova himulambu windi wakutanya wanshidi yindi yanavulumuniyi, mukaji wakwiyinda, helamukoku hela mpembi, wamulambu wahanshidi; kapristu akamwilili yakumubuta nachu hansaŋu yanshidi yindi.

⁷Neyi haheta chakuhana mukokuku, akaleti kudi Yehova himulambu windi wakutanya nanochu chanavulumuniyi, tutela tuyedi, hela anyanakatupompa ayedi, kamu kahimulambu wahanshidi, kakwawu kahimulambu wakushita.

⁸Akatu leti kudi kapristu, yena kapristu akasambili kulambulaka himulambu wahanshidi, akakanyotomoni namutu waku wufumi hanshiŋuyaku, ilaŋa kukabalula nehi;

⁹mashi ahimulambu wahanshidi akayisampwili kumbaŋu yakameŋa; mashi anashali akayi kamwili kwishina dakameŋa; hihimulambu wahanshidi.

¹⁰Kamuchiyedi akeli nachu himulambu wakushita mwomwelilaŋawu; kapristu akamwilili yakumubuta nachu hansaŋu yanshidiyindi yanavulumuniyi, akamwanakena.

¹¹Neyi haheta chakuhana hela tutela tuyedi, hela anyana katupompa ayeduku, akaleti himulambu windi nanochu chanavulumuniyi, webaŋudawuŋa walembuluka wamulambu wahanshidi; bayi akasha hoku manjuku, hela kushahu libona nehi; muloŋa hihimulambu wahanshidi.

¹²Akawuleti kudi kapristu, kapristu akazomonuhu wuŋa windi wakwanuka nachu chikasato-o, akawushiti hakameŋa bwi-i hanyilambu yakumwilila Yehova nakesi; hihimulambu wahanshidi.

¹³Kapristu akamwilili yakumubuta nachunansaŋu yanshidi yindi yanavulumuniyi yayumiyi, akamwanakena; wakashalahuwakekali wakapristu neyi chelaŋawu nahimulambu wawuŋa.

¹⁴Yehova wahosheli naMosi,

¹⁵nindi, Neyi muntu wakamotoka nshimbi, neyi wakavulumuna chakuluwukila chuma chaYehova chajila chimu, akaleti kudi Yehova himulambu windi wakutanya, chizamba chamukoku chamwiyinda wakadi hataminayi, ndandu yindi yakashiki mwomuwakamwesekela musilivayajishekeli jakweseka mulushekeli lwakumalala, wamulambu wakutanya;

¹⁶akafuti chuma chajila chanaputoliyi, akashuku nichibalu chamuchitanu, akamwinki kapristu, kapristu akamwilili yakumubuta nachu nachizamba chamulambu wakutanya, kamwanakena.

¹⁷Neyi muntu wakavulumuna, neyi wakakoŋa chuma chimu chalekesheliyi Yehova nindi chinjila kuchila, hela yena kuchiluka nehi, natanyi dehi, wakakoola kuluwa kwindi.

¹⁸Akaleti kudi kapristu chizamba chamukoku chamwiyinda wakadi hataminayi, mundandu yindi mwomuwakamwesekela wamulambu wakutanya; kapristu akamwilili yakumubuta nachunansaŋu yachuma chanaluwiyi chakuluwukila chakubula kuchiluka, akamwanakena.

¹⁹Hihimulambu wakutanya, natanyi dehi chalala kumesu aYehova.