Read MUKANDA WANZAMBI Livitike 6 Bible Online

Livitike 6 - MUKANDA WANZAMBI bible

Livitike 6

¹Yehova wahosheli naMosi,

²nindi, Neyi muntu wakavulumuna, nakumumotoka Yehova, hakumudimba mukwawu nachuma chanamwinkiyi kuhemba, indi kwiji nakapopu, indi kwiji namubuwi dehi chuma, indi kwiji namudyi dehi mukwawu mbalakanyi,

³indi kwiji nanoni dehi chuma chambala chajimbeli, hakudimbenamu, hakusanyika chakutwamba, neyi muntu nakoŋi chuma chimu chayuma yejimiyi yakoŋaŋawu antu nakuvulumwinamu,

⁴chakela neyi navulumuni dehi, neyi natanyi dehi, akafuti ochu chuma chanabuwiyi, indi kwiji chanamudiiliyi mukwawumbalakanyi, indi kwiji chamwinkeluwu kuhemba, indi kwiji chajimbeli hakuchinona,

⁵indi kwiji chasanyikiliyi chakutwamba; akafuti mwejimamuchashikila akashuhu nichibalu chamuchitanu; akamwinki mukwachumachindi mwifuku dakamutanyishawu.

⁶Akaleti kudi Yehova himulambu windi wakutanya, chizamba chamukoku chamwiyinda wakadi hataminayi, ndandu yindi yakashiki mwomuwakamwesekela wamulambu wakutanya, akashikiji kudi kapristu;

⁷kapristu akamwilili kumesu aYehova yakubuta nachu, akamwanakena yuma yejima yakoŋeliyi yatanyiniyi nachu.

⁸Yehova wahosheli naMosi,

⁹nindi, Kaleji Aroni nawanyanindi, neyi, Tiyenu lushimbi lwamulambu wakushita; himulambu wakushita wakekalaŋahejiku dahakameŋa wufuku wejima anamutuukishi kubudidi, kesi kahakameŋasaŋa kakwatila.

¹⁰Kapristu akavwali chi kovwelu chindi chawanda wawuwahihamujimba windi; akavwali nikaputula kindi kawanda wawuwahi; akanoni mawuti ananoŋeli himulambu wakushita nakesi hakameŋa, akayishikumbadi yakameŋa.

¹¹Akavúuli yuma yindi yakuvwala, akavwali yakuvwala yacheŋi, akatwali mawuti kunsa yachilombu kutooka.

¹²Kesi chiŋa kukakundakeshaŋa hakameŋa, sapa kakwatila hohu, bayi kakajimaku; kapristu akakundakeshaŋahu nchawa habudidi habudidi, hefuku hefuku; aka aluhu chachiwahi himulambu wakushita, akashitiluhu nimanji anyilambu yakuwunda.

¹³Kesi chiŋa kukakundakeshaŋa hohu mafuku ejima hakameŋa, bayi kakajimaku.

¹⁴Tiyenu lushimbi lwamulambu wawuŋa; anyana kaAroni akawulambulaŋa kumesu aYehova, kumesu akameŋa.

¹⁵Akazomonuhu chikasa chindito-o chawuŋa walembuluka wahahimulambu wawuŋa, nimanji awu, nilibonayejima yidi hahimulambu wawuŋa, akamushitili Yehova hakameŋa bwi-i, kulonda ivumba dadiwahi dakwanukisha nachu;

¹⁶wakashalahu akawidyikudi aAroni nawanyanindi, akawudiili kwajila chakadi iluŋi, akawudiili muchipapu chetenti dakubulakena.

¹⁷Bayi akawocha neluŋuku. Nayinki dehi hiiseka dawu danyilambu yami yakwila nakesi, wajila nankashi neyichiwudi himulambu wahanshidi, neyi chiwudi nihimulambu wakutanya.

¹⁸Amayala ejima ahadi anyana kaAroni diwu akawidyaŋa, hichuma chawuchakudyaŋa haya nyaka mwamba kavwalikilaŋawu anyanenu, chahanyilambu yakumwilila Yehova nakesi; yowu wakakwataku nekali dehi wajila.

¹⁹Yehova wahosheli naMosi,

²⁰nindi, Tiya himulambu waAroni nawanyanindi amayala wakahimulambu lawu Yehova hefuku dakamuwayi shawumanji; akalambuli ibaŋu dawuŋa walembuluka, wamulambu wawuŋawamafuku ejima, kwambulamu chibalu chimu chahabudidi, chibalu chikwawu chahamelela, yibalu yejima yakesekani.

²¹Akawili namanji hachikaŋau; neyi anawombeki dehi akawiŋiji, neyi anawochi dehi chachiwahi himulambu wawupa hayibalu hayibalu akawushikŋi kwakwihi naYehova, wevumba dadiwahi.

²²Kapristu awayishawu dehi manji, yowu mwanindi wakamuswana, diyi wakawulambulaŋa; hichidika chahaya nyaka chakumushitila Yehova bwi-i.

²³Nyilambu yawatupristu yawuŋa yejima chiŋa ayishitaŋa yejima bwi-i, bayi akayidyapaku.

²⁴Yehova wahosheli naMosi,

²⁵nindi, Hoshaku naAroni nawanyanindi, neyi, Tiyenu lushimbi lwamulambu wahanshidi; kwoku kwajahilaŋawuhimulambu wakushita diku kwamujahilaŋawu Yehova himulambu wahanshidi, wajila nankashi.

²⁶Akawidyi kudi kapristu wakawulambwila nshidi; akawudiili mwajila, mwomu muchipaŋu chetenti dakubulakena.

²⁷Wakakunkakumbiji yawu nekali dehi wajila; neyi mashi anasampukili hehina, ihina dinasampukili mashi akadikoseli kwajila.

²⁸Kwinza inuŋu yawumba yatelekawu akayi fumpi; neyi ateleka mwinuŋu yawuneŋu chiŋa akayikoola nakuyikosolola nameji.

²⁹Amayala ejima ahadi atupristu diwu akawidyaŋa; wajila nankashi.

³⁰Nyilambu yahanshidi yejima yikweti mashi anatwaluwu mwitenti dakubulakena akubuta nachu mwajila, kuyidya chinjila; akayishitaŋa mukesi bwi-i.