Read MUKANDA WANZAMBI Livitike 7 Bible Online

Livitike 7 - MUKANDA WANZAMBI bible

Livitike 7

¹Tiyenu lushimbi lwamulambu wakutanya; wajila nankashi.

²Mulambu wakutanya akawujahili kwajahilaŋawu himulambu wakushita; mashi awu akayisampuli hakameŋa kwi-ndo.

³Akanonuhu manji ejima, akayilambuli, nimukila wamanji, nimanji ajikaŋa hayuma yamwivumu,

⁴ninshiya mujiyedi, nimanji aduku adi kumasweswa, nichibutamuchima, aka alwili hamu nanshiya;

⁵kapristu akayishiti hakameŋa bwi-i, hihimulambu wakumwilila Yehova nakesi, hihimulambu wakutanya.

⁶Amayala ejima ahadi atupristu diwu akawidyaŋa; akawudiili kwajila, wajila nankashi.

⁷Neyi chiwudi himulambu wahanshidi, dichi wudi nawa nihimulambu wakutanya, lushimbi lwayu lwolumu hohu, kapristu wakela yakubuta nachudiyi akawutambuli windi.

⁸Kapristu wukumulambwila muntu himulambu wakushita, diyi akatambuli nichitembi chindi chamulambu wakushita wanalambuliyi.

⁹Nyilambu yawuŋa yakwocha mwijiku yejima, helayakwila hakameŋa yejima, niyahachikaŋau yejima, yakekalaŋa yakapristu wakayilambulaŋa.

¹⁰Nyilambu yawuŋa yejima, hela yakubomba namanji, hela yawuma, anyana kaAroni amayala ejima akayitambulaŋa yawu, muntuhimuntu.

¹¹Tiya lushimbi lwachimuna chakaketulaŋawu chanyilambu yakuwundayaka himulambu laŋawu Yehova.

¹²Neyi wakalambula chakusakilila nachu, chakalambulayi chimuna chakusakilila, akalambwili kumu namankendi akadi iluŋi akubomba namanji, nitumankendi twawubasa twakadi iluŋi twakukwita manji, nimankendi akubomba namanji awuŋa walembuluka wakwombeka dehi.

¹³Chakalambulayi himulambu windi, akalambwilikumu namankendi akweti iluŋi, hamu nachimuna chanyilambu yindiyakuwunda kulonda kusakililaŋa nachu.

¹⁴Hanyilambu yejima akanona ŋahudinkendi dimu dimu, akadilambulaŋa hihimulambu wakuleleka kudi Yehova, wakekalaŋa wambala wakapristu wasampulapa mashi anyilambu yakuwunda.

¹⁵Mbŋi yachimuna chanyilambu yindi yakuwunda yakasakililaŋayi nachu akayidyi hohefuku dakayilambulayi, kushiyahu yakashiki nikubudidi nehi.

¹⁶Neyi chimuna chamulambu windi wakekala wakudishi ilamu, indi kwiji wamulambu wakudilambwila chakumuchima windiyomweni, akawidyi hefuku dakalambulayi chimuna chindi, yakashalahu wakayidyi tuhu hakucha;

¹⁷kwinza mbiji yachimuna yakashalahu yakashika kwifuku damu chisatu akayishiti mukesi bwi-i.

¹⁸Neyi mbiji yachimuna chanyilambu yindi yakuwunda akayidya nawa nimwifuku damu chisatu, hiyakayiitijaku, hela wukulambula hiyakamufuukwila mwokuku; chakekalichuma chakushimana, muntu wakadyaku wakakoola kuluwa kwindi.

¹⁹Mbŋi yakakunka kuchuma hichuma chamajilu, kuyidya chinjila; akayishiti mukesi bwi-i. Hakwila mbiji yi kwawu akayidyi kudi atooka fejima.

²⁰Mbŋi yachimuna chanyilambu yambala yaYehova yakuwunda, muntu wakadyaku, iku saŋa adiyi namajilu kumujimba windi, muntu owuhadi akwawu akamufumishuhu.

²¹Muntu wakakunka kuchuma hichumachamajilu, hela kumajilu amuntu, hela kukanyama kamajilu, hela kuchumacha majilu chakushimana, hakadya kumbiji yachimuna chanyilambu yambala yaYehova yakuwunda, muntu owu hadi akwawu akamufumishuhu.

²²Yehova wahosheli naMosi,

²³nindi, Hoshaku nawanyana kaIsarela, neyi, Manji aŋombi, hela amukoku, hela ampembi, enu kuyidya chinjila.

²⁴Manji akanyama wakudifwila, nimanji akanyama kamukoka, kukalakala nachu nyidimu yacheŋi akatwesha tuhu, ilaŋa kuyidya kutwesha nehi, chinjila.

²⁵Muntu wakadya manji akanyama kahimulambu laŋawu Yehova himulambu wakulambula nakesi, muntu owu wakayidya, hadi akwawu akamufumishuhu.

²⁶Kudyahu mashi munyikala yenu yejima, hela akajila hela akanyama, chinjila.

²⁷Muntu wakadyahu mashi, yena muntuowu hadi akwawu akamufumishuhu.

²⁸Yehova wahosheli naMosi,

²⁹nindi, Hoshaku nawanyana kaIsarela, neyi, Muntu wakahimulambu la Yehova chimuna chakuketula chanyilambuyindi yakuwunda, akaleti kudi Yehova himulambu windi wakuchimu nachanyilambu yindi yakuwunda.

³⁰Nyilambu yakumwilila Yehova nakesi akaleti kuchikasa chindi yomweni, akaleti nimanji niibwambu hamu, kulonda ibwambu akadinyinkeshi dakekali himulambu wakunyinkesha kumesu aYehova.

³¹Kapristu akashiti manji hakameŋa bwi-i; ilaŋa ibwambudakekalaŋa daAroni nawanyanindi amayala.

³²Chipeha chachidi iluchakuyimuna yanyilambu yenu yakuwunda, mwakamwinkaŋa kapristu chamulambu wakuleleka.

³³Wahadi anyana kaAroni wakalambula mashianyilambu yakuwunda, nimanji ayu, diyi wakadyaŋa chipeha chindi chachidiilu.

³⁴Muloŋa ibwambu dakunyinkesha, nichipeha chakuleleka, natambulikwami kudi anyana kaIsarela, kuyimuna yanyilambu yawu yakuwunda, nenki dehi kapristu Aroni nawanyanindi amayala, hikidya kwawu kwahayanyaka kwakutambula iŋakudi anyana kaIsarela.

³⁵Dimu mwakudiilaŋayi Aroni nanochu chamuwayishiluwu, dimu nawa mwakudiilaŋawu anyanindi amayala nanochu chayiwayishiluwu, yakunyilambu yakumwilila Yehova nakesi, yayinkeluwu mwifuku dayishikijiliyi nindi amukala kelaŋi Yehova mudimu wawupristu;

³⁶dimu mwashimwiniyi Yehova nindi akayinkaŋa kudi anyana kaIsarela mwifuku dayiwayishiliyi. Hikudya kwawu kwahayanyaka mwamba kavwali kilaŋawu anyanawu.

³⁷Dilu lushimbi lwamulambu wakushita, nilwamulambu wawuŋa, nilwamulambu wahanshidi, nilwamulambu wakutanya, nilwakudikunjika, nilwachimuna chanyilambu yakuwunda;

³⁸lwolwa mulejeluwu Mosikudi Yehova hampidi yaSinayi, mwifuku dalejeliyi anyana kaIsarela kuhimulambu la Yehova, mwisaŋa daSinayi.