Read MUKANDA WANZAMBI Livitike 9 Bible Online

Livitike 9 - MUKANDA WANZAMBI bible

Livitike 9

¹Chelili ifuku damu chitanu nachisatu dinashiki dehi, Mosi hakutambika Aroni nawanyanindi amayala, niakulumpi awaIsarela;

²hakumwila Aroni, nindi, Kwataku mwana kaŋombi weyala wamulambu wahanshidi, nichizamba chamukoku chamulambu wakushita; akadi ninaha hataminawu, wakayilambuli kumesu aYehova.

³Wakayili anyana kaIsarela, neyi, Kwatenu chizamba champembi chamulambu wahanshidi; ni mwana kaŋombi ni mwana kamukoku, mwayedi wawu amwaka wumu, akadi hataminawu, ahimulambu wakushita;

⁴niŋombi weyala nichizambachamukoku, anyilambu yakuwunda, kulonda kuyiketwila kumesu aYehova; nihimulambu wawuŋa wakubomba namanji; muloŋa lelu Yehova wukumwekanakudenu.

⁵Yayilejeluwu kudi Mosi ayileteli kumesu etenti dakubulakena; chipompelu chejima chakundamini kwakwihi, chemeni kumesu aYehova.

⁶Mosi wayilili nindi, Tiyenu chuma chanayilejiyi Yehova nindi mwakachilikulonda kulema kwaYehova kumwekani kudenu.

⁷Mosi wamwilili Aroni, nindi, Kundamaku kukameŋa, wulambuli nihimulambu weyi wahanshidi, nihimulambu weyi wakushita, wili niyakudibuta nachu eyi aweni, niyakubuta nachu antu; wulambuli himulambu wawantu, wuyilili antuyakuyibuta nachu; mwomwatulejeliyi Yehova.

⁸Nochu Aroni wakundamini kukameŋa, wajahili mwana kaŋ ombi wamulambu wahanshidi, wayomwenindi.

⁹Anyana kaAroni ashikŋili mashi kudi yena; yena watumpikili munu windi mumashi, wayiloombelikunseŋu jakameŋa, wamwapilili mashi kwishina dakameŋa;

¹⁰ilaŋamanji, ninshiya, nichibutamuchima chamulambu wahanshidi, wayishitilihakameŋa bwi-i; mwomwamulejeluwu Mosi kudi Yehova;

¹¹nimbiji, nichitembi, wayocheli hakesi bwi-i kunsa yachilombu.

¹²Wajahili nihimulambu wakushita, anyana kaAroni amuleteleli mashikwakwihi, wayisampwili hakameŋa kwi-ndo.

¹³Amuleteleli himulambu wakushita kwakwihi, hachidi hachidi, ninamutu, wayishitili hakameŋa bwi-i.

¹⁴Wakoseli niyamwivumu ninyendu, wayishitili bwi-i hewulu dahimulambu wakushita hakameŋa.

¹⁵Waleteli kwakwihi himulambu wawantu, hakukwata nimpembi yahimulambu wawantu wahanshidi, hakumujaha, hakumulambwila nshidi neyihakusambila.

¹⁶Waleteli himulambu wahanshidi kwakwihi, wawulambwili mwomwelilaŋawu.

¹⁷Waleteli nihimulambu wawuŋa kwakwihi, wanonenumuchikasa to-o, wawushitili hakameŋa bwi-i, wabombeleli kuhimulambu wakushita wabudidi.

¹⁸Wajahili nawa niŋombi, nimukoku, hiyimuna yanyilambu yakuwunda yakuketwila antu; anyana kaAroni amuleteleli mashi kwakwihi, hakuyisampula hakameŋa kwi-ndo,

¹⁹nimanji aŋombi, nimanji amukoku, nimukilawamanji, nimanji abutaŋa hayuma yamwivumu, ninshiya, nichibutamuchima;

²⁰ashili manji hamabwambu, ashitili manji hakameŋa bwi-i;

²¹Aroni wanyinkesheli nimabwambu nichipeha chachidiilu kumesu aYehova hihimulambu wakunyinkesha, mwomwayilejeliyi Mosi.

²²Aroni wayolweleli antu makasindi kwiwulu, wayi kiswilili nkisu, hakukunkumuka kwayiliyi nakulambula himulambu wahanshidi, nihimulambu wakushita, ninyilambu yakuwunda.

²³AMosi naAroni epilili mwitenti dakubulakena, edikilumu ayikiswilili antu, ni kulema kwaYehova kwamwekenikudi antu ejima.

²⁴Kudi Yehova kwafumini kesi, kanoŋeshelini himulambu wakushita nimanji adiŋi hakameŋa, chachimwenuwu antu ejima, akalokeli adimbokeli chamesu awu heseki.