Read MUKANDA WANZAMBI Jeremia 1 Bible Online

Jeremia 1 - MUKANDA WANZAMBI bible

Jeremia 1

¹Mazu amwana kaHilikiya Yeremiya, wahadi atupristu adiŋa muAnatoti mwituŋa daBenjamini.

²Kudi yena kwenjili izu daYehova mumafuku amwanta wawaYuda mwana kaAmoni Yosiya, mumwa kawawanta windi wekumi nakasatu.

³Denjili nawa mumafuku amwantawa waYuda mwana kaYosiya Yehova kimi, kushika nikunsa yamwaka wekumina kamu wamwanta wawaYuda mwana kaYosiya Zedekiya, kushika nihayi tweluwu akwaYerusalema muwukoli mukakweji kamuchitanu.

⁴Izu daYehova hidikwinza kudami,

⁵nindi, Hiwadiŋi kanda nikuwumbi mwivumu, nakwilu kili; hiwadiŋi kanda wufumi mwivumu, nakujilikili. Nakukunjiki dehi mudimu wawu profwetu wakuyaloŋa kunyuza.

⁶Ami nami, Yowe! Mwanta Yehova! Ami hineluka kuhoshaku, muloŋa nikansi.

⁷Yehova hakuŋila nindi, Bayi wuhosha neyi, Nikansuku. Muloŋa wakayakudi antu ejima kuna kakutemesha, wakahosha yejima yinakakuleja.

⁸Bayi wakayiti yaloŋa awomaku; ami nidi neyi, nakakupulwishaŋa. Dimu mwanahoshiyi Yehova.

⁹Yehova hakwolola chikasa chindi, hakunkunka kukanwa kami. Yehova hakuŋala nindi, Tiya, nashi dehi mazu ami mukanwa keyi.

¹⁰Tiya, lelu nakukunjiki dehi nsaŋu janyuza, nŋama wanta, kulonda kubwita, nikuhumuna, nikukisaŋana, nikukundula, nikutupa, nikutumba.

¹¹Izu daYehova hidikwinza cheŋa kudami, nindi, Eyi Yeremiya, wunamo nichu manyi? Ami nami, Namoni kamutondu kamumondi.

¹²Yehova hakuŋala nindi, Wunamoni chachiwahi; muloŋa ami nemenaŋa izu dami kulonda nakadi koŋi.

¹³Izu daYehova hidikwinza cheŋi kudami kamuchiyedi, nindi, Wunamoni chumanyi? Ami nami, Namoni inuŋu yidi nakubwakata; yidi kukabeta kakuchimunswa, kanwa kayu kanatali kunu.

¹⁴Yehova hakuŋila nindi, Kutama kwakafuma kukabeta kakuchi munswa, kwakayilusu mukila antu ejima ashakama mwituŋa.

¹⁵Yehova nindi, Tiya, ami nakatambika yisaka yejima yakumawanta akukabeta kakuchimu nswaya kenza, wejima wawu akasha matandawu awanta kuwiŋililu wakuyi suya mpwembu jaYerusalema, kumpwembu jawu jejima kwi-ndo, nikunyikalaya muYuda yejima.

¹⁶Nukuhosha jakusompesha kutama kwawu kwejima, kwakunlekami nikwakwochela akishi yuma yamavumba amawahi, nikwakudifukula kunyidimu yamakasawu awenawu.

¹⁷Dichidinu pimpilaku mahineyi, wunyamuki wakahoshi nawu yumaye jima yinakakuleja. Bayi wakayakamaku, nakenda kakuko mwesha kudiwena.

¹⁸Muloŋa tiya, ami nakubalumuni dehi lelu kwikala neyi mukalawakuhata chipaka, neyi chishimi chachikuŋu, neyi mpwembu jawuneŋu, wakabuli kubaŋa ituŋa dejima, hela anyanta awaYuda, hela atulamba adumu, hela atupristu adumu, hela antu amwituŋa.

¹⁹Wena akalwa naneyi; ilaŋa akakukaŋanya; ami nidi neyi, nakakupulwishaŋa. Dimu mwanahoshiyi Yehova.