Read MUKANDA WANZAMBI Jeremia 15 Bible Online

Jeremia 15 - MUKANDA WANZAMBI bible

Jeremia 15

¹Yehova hakuŋila nindi, Hela neyi Mosi naSamweli akwimana? kumesu ami, hinukutwesha kutalisha muchima wami kudi antu awaku. Yihaŋa kumesu ami, afumuku.

²Chakakwilawu nawu, Tufumuku tuyi kudihi? wakayileja neyi, Yehova nindi, Akwakufwa ayi kukufwa; akwampoku yakabali ayi kumpoku yakabali; akwanzala ayi kunzala; akwawukoli ayi muwukoli.

³Yehova nindi, Nukuyitoŋwela nyitu nduyi wana, wumu wampoku yakabali kulonda kujahana, wumu wawatu wakulonda kutabolaŋa, wumu wawatujila ahaluzwizu, wumu wawanyama amumpata, kulonda kudyaloŋa nakukisaŋanaŋa.

⁴Nukuyizukumonaŋa mwahita mawanta ahanu hamaseki ejima, muloŋa waManase mwana kaHezekiya mwanta wawaYuda, nayuma yakoŋa eliyi muYerusalema.

⁵EyiYerusalema, wuku kutiyila luwihinyi? Wuku kudila hinyi? Wukufuma munjila akwihuli chiwashakama hinyi?

⁶Yehova nindi, Wunanleki dehi, wuna funti munyima; dichi chinakwolweli chikasa chami, hinukukujilumuna. Muna kwatabalu muke-e, jinakumi.

⁷Nayipepi dehi nalwalumuyisu yampwembu jamwituŋa. Nayibondi dehi nyana, najilumuni dehi antu ami; hiyana funti cheŋa kwa yaloŋawuku.

⁸Antuluwa jawu awambanda anasweji kunvu lila kubadika wusekulula wakukaluŋalwiji. Mama yawanyikwenzi namuleteli mukwakubuwa hakachi kamwa ana. Namuleteli nikukaba, nimutentu chakumukasu mwisha hohu.

⁹Mumbanda wavwala anyana atanu nayedi hakuze-elaze-ela; natuli dehi wumiwindi, itaŋwa dindidaholoka dehi kuchidi nimwaana; natiyi dehi kwindi nsonyi, nabayi dehi kwindi. Anashaluku nukuyihana kumpoku yakabali kumesu awayilumbujawu. Dimu mwanahoshiyi Yehova.

¹⁰Iyayami nshona, eyi mamawanvwelelelidi niikalaŋa muntu wakumona madombu, muntu wakumona yikonkojola mwahita iseki dejima! Ami kusondamisha akwetu yuma chakudiilamu ngalanyi nehi, hela akwetu kunsondamisha yuma yawu chakudiilamu ngalanyi nehi. Hela chochu, antu ejima kwakunshiŋa hohu.

¹¹Yehova nindi, Chalala nukukukolesha wumoni yayiwahi. Chalala nukukufwomwena chilumbu alembeleli kudeyi mumwaka wakumona yatama, nimumwaka wakumona ikabi.

¹²Muntu atweshi kukotola chikuŋu, chikuŋu chikufuma kukabeta kakuchimunswa, hela wuneŋu, tahindi?

¹³Nimaheteyi, niyuma yeyi yalemanakayihana yakekali yaku buwa chakadi wuseya, nanshidi jenu jejima muŋinza jenu jejima.

¹⁴N uku yihitisha hamu nawayilumbu jenu mwakayi mwituŋa dimwabula kwiluka. Muloŋa mukuzuwa kwami munabutuki kesi, kakayochaŋa.

¹⁵Eyi Yehova yeyi welukaŋa nuki, hempuli, wunten di hadi akwakunkabisha. Chiwabulaŋa kuzuwa swayi bayi wunfumishaku. Iluka kuchina kusa wukilaŋa.

¹⁶Mazu eyi ayiweni, ninami nayidiili. Mazu eyi anluŋishili, antiyishili kuwaha mumuchima wami. Muloŋa antenena dehi ijina deyi, eyi Yehova Nzambi wamazaza.

¹⁷Hinashakamini muchipompelu chawakwa kuzaŋa jalaku, hela kuzaŋalala hinazaŋaleluku. Nashakamini kwakanka wami muloŋa wachikasa cheyi, muloŋa eyi wunapinzeshi dehi nandombu mbe.

¹⁸Kukata kwami kwayeŋe laŋadi chakadi kumwena? Chitu chami akaŋenyaŋadi kuchuka? Kwonti kwachu kukusuka. Komana keŋa wikali kudami neyi kana kakaloŋa kadimbanaŋa, komaŋa meji, tahindi?

¹⁹Dichi Yehova nahoshi nindi, Neyi wukufunta nukukuleta cheŋi kulonda wimanaŋa kumesu ami. Neyi wukufumishana yalema mukachikyuma yabula kulema, wakekala neyi wukanwa kami. Wena akafuntaŋa akudi eyi, eyi kufuntaŋa kudi wena nehi.

²⁰Nakakubalumuna kudi antu awa kwikala mpwembu yawuneŋu yakuhatisha. Wena akalwa naneyi, akakukaŋanya. Muloŋa ami nidi neyi kulonda kukwamwinaŋa nakukupulwishaŋa. Dimu mwanahoshiyi Yehova.

²¹Nakakupulwishaŋa kudi atama; nukukukuulaŋa kudi atiyawu woma.