Read MUKANDA WANZAMBI Jeremia 16 Bible Online

Jeremia 16 - MUKANDA WANZAMBI bible

Jeremia 16

¹Izu daYehova denjili nawa kudami,

²nindi, Bayi wusumbulaku, bayi wakavwalila mwenamunu anyana amayala hela awambandaku.

³Muloŋa Yehova nateni dehi anyana amayala nawanyana awambanda akuvwalikila mwenamunu, niamama jawu akuyivwala, niatata jawu akuyivwala mwituŋa dinu,

⁴nindi, Akafwa kufwa kwakala nankashi. Hiyakayidila, hela kuyijiikaku. Akekala neyi tuji hewulu deseki. Akayinoŋesha nampoku yakabali nanzala. Yibi mbiyawu yakekala mbiji yawatujila ahaluzwizu nawanyama ahamaseki.

⁵Muloŋa Yehova nahoshi nindi, Bayi wiŋila mwitala dadi nakudililawu mafuku, hela kuyid ila hela kudihuŋisha kunamutu nansaŋu yawuku; muloŋa ami nafumishi dehi kumwena kudi antu awa, niluwi niwushona. Dimu mwanahoshiyi Yehova.

⁶Nialema niakadikulema akafwila mwituŋa dinu. Hiya kayijiikaku, hiyakayidila kudi antuku, hiyakadicha ataku, hiyakayitewilaku.

⁷Antu hiyakayihumwina mankendiakudila nachu kulonda kuyikundeja nawa afu jawuku; antu hiyakayinwisha lupasa lwakuyikundeja nachu hakufwa kwawatata jawu hela amama jawuku.

⁸Bayi wiŋila mwitala dachawija nakushakama nawu nakudya nakunwaku.

⁹Muloŋa Yehova wamazaza, Nzambi yaIsarela, nahoshi nindi, Tiyenu, izu dakuzaŋa ajala niizu dakutiya kuwaha, niizu dansumbuli niizu dansumbuki, nakayimwenesha mwenamunu, mesu enu atalaŋa, mumafuku enu.

¹⁰Chakela neyi wuna leji dehi antu awa mazu awa ejima, niwena anakwili dehi nawu, Yehova natutenenidi yuma yejimiyi yasweja kutama? Indikuluwa kwetu kwanka? Indi nshidi yetu yanka yitu namuvu lumu ni Yehova Nzambi yetu?

¹¹eyi hiwakayila neyi, Yehova nindi, China fumi hakunlekakudi ankakulula jenu, hiyakwenda mwayaloŋa akishi, hiyakuyipesha hiya kudi fukula kudi wena, hiyakunlekami nákubula kuhemba nshimbi jami.

¹²Enu munabadiki ankakulula jenu kukopa chatama; tala ntahi chimukwenda wejima wenu mwaya kuchinchika kwanyi chima yenu yatama, kulonda mubuli kutiyilila kudami.

¹³Dichi nakayinata mwituŋidi, nakayi natila mwituŋa dimwabula kw ilu ka, hela enu hela ankakulula jenu. Kwenoku mwakapeshaŋa akishi nimwaana niwufuku, muloŋa ami hina kayi mwekeshela wusele waku.

¹⁴Yehova nindi, Tiyenu dinu, kwakenza mafuku akabula kuhoshawucheŋa nawu, Chahani yi Yehova wafumishili anyana kaIsarela mwituŋa la daEjipitu;

¹⁵ilaŋa akela nawu, Chahani yi Yehova wafumishili anyana kaIsarela mwituŋa dakukabeta kakuchimunswa nimumatupa ejima ayihaŋililiyi. Nakayileta cheŋi mwituŋa dawu dinenkeli ankakulula jawu.

¹⁶Tiyenu, Yehova nindi, Ami nakatambeka akwakulowa anshi amavulu, akayilowa. Nakalondeshamu ayibinda amavulu, akayizombazomba kumpidi jamaneni jejima, nikumpidi janyanya jejima, nimumpaku jamumalola.

¹⁷Muloŋa mesu ami adi munjila jawu jejima. Hiyanabatami kumesu amuku, nikuluwa kwawu hikwajindika kumesu amuku.

¹⁸Nakasambila kuyifwetesha kuluwa kwawu nanshidi yawu kayedi, muloŋa anatamishi ituŋa dami nanyijimba yayuma yawu yikweti niwunyeŋu, anenzeshi wuswana wami mbe nayishimashima yawu.

¹⁹Eyi Yehova, Ŋovu jami, munadikaŋila, munatemu ilaŋa mwifuku ina onaŋa ikabi, nyuza yakafuma kunsa jeseki yakenza kudeyi, yakahoshanawu, Anakakulula jetu anaswani yakutwamba, yakuhemesha, niyumayabulaŋa kuwahisha muntu.

²⁰Muntu asoŋa akishi akadi kwikala Nzambi, tahindi?

²¹Dichi tiyenu, nakayilukisha, kamu aka nakayilukisha chikasa hami nikunyiŋa kwami. Akelu ka nawu ijina dami yami Yehova.