Read MUKANDA WANZAMBI Jeremia 25 Bible Online

Jeremia 25 - MUKANDA WANZAMBI bible

Jeremia 25

¹Izu denjili kudi Yeremiya dakutena antu ejima amuYuda, mumwaka wamuchiwana waYehova kimi mwana kaYosiya mwanta wawaYuda, wowumwakawa mwanta wa kuBabiloni Nebukane zawakusambila;

²dodizu dahosheli kaprofwetu Yeremiya nawantu ejima amuYuda, nawantu ejima ashakamini muYerusalema,

³nindi, Kufumisha mumwaka wekumi nakasatu waYosiya mwana kaAmoni, mwanta wawaYuda, nakushika kwifuku dalelu, nyaka iyi makumi ayedi nayisatu, izu daYehova saŋa denjila kudami, ninami saŋa nahoshela nenu chakumenekaŋa budidi nakuhosha, ilaŋa enu kwenu kutiyililaŋa nehi.

⁴Yehova nayitemesheli temesheli ambuŋindi atuprofwetu ejima, chakumenekaŋa budidi nakuyitemesha, ilaŋa enu kwenu kutiyililaŋa nehi, hela kutegelekaku itu denu nenu mutiyi, nehi.

⁵Yena nindi, Munjila jenu jatama nimukutama kumwelaŋa, funtenumu wejima wenu, mushakami mwituŋa dayinkeliyi Yehova ninenu niankakulula jenu, kufumisha kunyaka kutwala nikunyaka yahaya nyaka.

⁶Bayi mulondela mwaya akishi nakuyipesha nakudifukula kudi wena munvuloki nizuwi nanyidimu yakumakasenuku; kulonda nakabuli kuyitamisha.

⁷Yehova nindi, Hela chochu, enu kuntiyililaŋa nehi, kulonda munvuloki nizuwi nanyidimu yakumakasenu mumonaŋa kuyitamisha.

⁸Dichi Yehova wamazaza nahoshi nindi, Chimunabuli kutiya mazu ami,

⁹tiyenu, Yehova nindi, Nakatemesha mazu akufumba yisaka yejima yakukabeta kakuchimunswa, nikambuŋami mwanta wakuBabiloni Nebukaneza, nakayileta kulonda akalwi netuŋidi, nawantu ashakamamu, nanyuziyi yejima yanyeŋumukaku kwi-ndo. Nakayijilumuna chikupu, akekala akuhayama, akuyiŋila, kwamahembi ahaya nyaka.

¹⁰Nakayifumisha izu dakuzaŋajala niizu dakutiya kuwaha, niizu dansumbuli, niizu dansumbuki nimushindu weyanda, nichejeji chenoŋu.

¹¹Niituŋidi dejima dikwikala kwamahembi hohu, dakuhayama hohu. Nyuza iyi yakamukalakela mwanta wakuBabiloni nyaka makumi atanu nayedi.

¹²Yehova nindi, Chiyakamana nyaka makumi atanu nayedi nakababesha mwanta wakuBabiloni nimuzowu nakuluwa kwawu, niituŋa dawaKaladeya kumu; nakadibalumuna kwikala kwamahembi hohu ahaya nyaka.

¹³Ituŋodu nakadishikŋila mazu ami ejima inadihosheli, wowu mazu ejima anasonekuwu mumukandiwu, aprofweteliyi Yeremiya chakuzuwila nyuza yejima.

¹⁴Muloŋa nyuza yayivulu nianyanta amaneni akayibalumuna kwikala anduŋu jawu niwena. Ninami nakayifwetesha mwaya yuma yelaŋawu, nimwaya nyidimu yakumakasawu.

¹⁵Muloŋa Yehova Nzambi yaIsarela naŋili nindi, Tambula kuchikasa chami lupasa lwavinyu lwakulendumuka iku, wakanwishi nyuza yejima kunakakutemesha.

¹⁶Akanwa, akatedaŋila teda teda, akazaluka, nampoku yakabali yinakatemesha mukachi kawu.

¹⁷Hinukutambula lupasa kuchikasa chaYehova, hinukunwisha nyuza yejima kwantemesheliyi Yehova;

¹⁸niYerusalema, ninyikala yamuYuda, nianyanta jawu, nitulamba twawu, kulonda kuyibalumuna kwikala mahembi, ekali akuhayama, akuyiŋila, akushiŋa, neyi chanamonuwu lelu.

¹⁹Nimwanta wakuEjipitu Fwaro, niambuŋindi, nitulamba twindi, niantu indi ejima;

²⁰niantu akubombabomba ejima, nianyanta amwituŋa daUzi ejima, nianyanta ejima amwituŋa dawaFwilistinu, niAshekeloni, niGaza, niEkeroni, niamuAshidodi anashali;

²¹niEdomi, niMowabi, nianyana kaAmoni;

²²nianyanta akuTira ejima, nianyanta akuZidoni ejima, nianyanta amuchitutu chamwishinadi dakaluŋalwiji;

²³niDedani, niTema, niBuzi, niantu ejima atewulaŋa nsuki jawu mumawombu;

²⁴nianyanta akuArabiya ejima, nianyanta awantu akubombabomba, ejima ashakama mwisaŋa;

²⁵nianyanta akuZimiri ejima, nianyanta akuElami ejima, nianyanta awaMediya ejima;

²⁶nianyanta akukabeta kakuchimunswa ejima, hela akwakulehi hela akwakwihi, hela awa hela awa; nianyanta amunu mwishina ejima ekala hewulu deseki. Mwanta wakuSheshaki niyena wakanwa chakukumishaku.

²⁷Wakayili neyi, Yehova wamazaza, Nzambi yaIsarela, nahoshi nindi, Nwenu, musheti, musanzoli, mudimboki chakubula kunyamuka, nampoku yakabali yinakatemesha mukachi kenu.

²⁸Neyi akabula kutambula lupasa kuchikasa cheyi nakunwamu, wakayila neyi, Yehova wamazaza nahoshi nindi, Chiŋa munwa hohu.

²⁹Muloŋa tiyenu, kumukala waten; nawu ijina dami, kwoku nukutachikila kukoŋa katama, enu yenu mukushalahu kwaamu kubula kuyibabesha nihanti, tahindi? Himwakashalahu kubula kuyibabeshaku; muloŋa ami nakatambika mpoku yakabali yakenzi hadi antu ejima ashakama heseki. Dimu mwanahoshiyi Yehova wamazaza.

³⁰Dichi kayiprofweti mazu awa ejima, wakayili neyi, Yehova wakabuluma mwiwulu, izu dindi dakahosha mwindi mwajila; wakabulumina iyinda dindi naŋovu; wakadikuwa chakuzuwila antu ejima aheseki, neyi chadikuwaŋawu adatolaŋa nyikabu yavinyu.

³¹Ipumba dakashika nikunsa yeseki; muloŋa Yehova wukweti nsaŋu yakuhosha nanyuza, wakasompa muloŋa nawantu ejima; hakwila akwaku koŋa chatama wakayihanakumpo kuya kabali. Dimu mwanahoshiyi Yehova.

³²Yehova wamazaza nahoshi nindi, Tiyenu, katama kakela kafuma kumuza iwu kaya kumuza wukwawu, akasaŋumuna mpepela yasweja Ŋovu yakafuma kunsa jeseki.

³³Akajahawu kudi Yehova ifuku odu akekala heseki dejima, kufumisha kunsa yeseki yimu ndo nikunsa yeseki yikwawu. Hiyakayidila, hela kuyikuŋula, hela kuyijiikaku. Akekala wushi wahewulu deseki.

³⁴Enu atubiŋa, kalokenu mudili; enu awakulumpi amumukanka wanyikoku, alaŋanenu mumawuti; muloŋa mafuku enu akuyŋahola anashiki dehi chikupu, nukuyikotola kotu kotu, mwakaholoka neyi nsaba yayiwahi.

³⁵Atubiŋa hiyakamona njila yakutemukilaku, awakulumpi ahamukanka wanyikoku hiyakamona hawupulukiluku.

³⁶O chakadilawu atubiŋa! O chakakalokawu awakulumpi ahamukanka wanyikoku! Muloŋa Yehova hakutamisha hawudiilu wawu.

³⁷Mumayinda mwadiŋi mwamwena munanoŋi dehi nakuzuwa kwaYehova kwasweja.

³⁸Naleki dehi hakabolototu kindi, neyi chikwa namutupa. Muloŋa ituŋa dawu dabalumuka dehi dakuhayama hohu, nanochu chaswejayi dehi mukwakukabisha, nakuzuwa kwindi kwasweja.