Read MUKANDA WANZAMBI Jeremia 31 Bible Online

Jeremia 31 - MUKANDA WANZAMBI bible

Jeremia 31

¹Yehova nindi, Hampinji oyu nakekala Nzambi yayisaka yawaIsarela Ayejima, niwena akekala antu ami.

²Yehova nahoshi nindi, Antu asheluhu kumpoku yakabali aweni luwi mwisaŋa, wowu aIsarela, hana hinayili nakuyinookesha.

³Yehova wamwekeni kudami hanyaka, nindi, Nakukeŋi nakukeŋa kwahaya nyaka; dichi nakukoki naluwi.

⁴Eyi mujiki waIsarela nakakutuŋa cheŋi, wakekali wakutuŋa dehi wakaleŋumuka nandimbajeyi, wakedi kana kuhaŋananawa kwenu akuzaŋajala.

⁵Wakadima cheŋi matempa anyivinyu hampidi jakuSamariya. Akwakudima akadima, akadya.

⁶Muloŋa kwakekala ifuku dakabidikayi mukwakutalatala hampidi jaEfweremi nindi, Nyamukenu, tuyenu kuZiyona kudi Yehova Nzambi yetu.

⁷Muloŋa Yehova nahoshi nindi, Imbenu tumina twakutiya kuwaha nansaŋu jaYakoba, dikuwenu nansaŋu jamukulumpi wanyuza. Tiyakeshenu, hamekenu, ilenu nenu, Eyi Yehova, amwinaku antu eyi aIsarela anashaluku.

⁸Tiyenu, nakayifumisha kwituŋa dakukabeta kakuchimunswa hinakayileta, nakayikuŋula kunsa jeseki, hamu nawamputamesu nawabalakataŋa, niambanda adi namavumu hamu nawadi nakufunyisha nyisoŋu yakuvwala. Kwakafunta chendu chacheni.

⁹Akenza nakudila, nakayilombola chakuyilembejeka. Nakayendeshela kutuloŋa twameji munjila yaloŋa yakadi kuhukana. Muloŋa ami naIsarela nitata yindi, niEfweremi hiwedi wami.

¹⁰Enu nyuza, tiyenu izu daYehova, dishimunenu muyitutu yakwakulehi, nenu, Wapalagesheli aIsarela wakayipompesha, wakayihemba, neyi chelaŋayi kabiŋa nanyikoku yindi.

¹¹Muloŋa Yehova diyi nakuuli Yakoba, diyi namukuuli kudi ona wamubadikili ŋovu.

¹²Akenza nakwimba tumina hamukandu waZiyona, akahwila kukuwaha kwaYehova, nikutidiku, niku vinyu, nikumanji, nikunyana kanyikoku, nikunyana kaŋombi; nyichima yawu yakekala neyi matempa akutukumwina meji; hiyakamona nawa cheŋi kukalaku.

¹³Ajiki akazaŋalala nakuhaŋana, nianyikwenzi niamapala hamu. Muloŋa nakabalvununa kudila kwawu kwakekala hikuluŋa, nakayikundeja, mwamwenenenaŋawu yihuŋu nakayitiyishilamu kuwaha.

¹⁴Nyichima yawatupristu nakayiikutisha nayamanji, niantu ami akekuta nakuwaha kwami. Dimu mwanahoshiyi Yehova.

¹⁵Yehova nahoshi nindi, MuRama atiyili izu dakutumpa, nimakumbu alula, Racheli hakudila anyanindi; kwonti kwindi kumukundeja nansaŋu yawanyanindi, muloŋa anyanindi kwosi.

¹⁶Yehova nahoshi nindi, Izu deyi dilekeshi kudila, nimesu eyi yilekeshi madilu. Muloŋa mudimu weyi akakufweta. Dimu mwanahoshiyi Yehova. Akafuma cheŋi kwituŋa dachilumbu.

¹⁷Yehova nindi, Kudi chikuhwelela chakukuhwelela nyaka yeyi yakukuminina; anyaneyi akenza cheŋi muŋinza yawu awenawu.

¹⁸Chalala namutiyi Efweremi hakudishonasina, nindi, Wunageti kweta kudi neyi kwakwetaŋawu mwana kaŋombi wuchidi kanda adimi. Mbalumuni nibalumuki, muloŋa yeyi Yehova Nzambi yami.

¹⁹Chalala chinelili anambalumuni dehi, hinukubalumuka mumuchima. Chinelili nafumbiki dehi, hinukweta mucnikasa. Natiyili nsonyi, hinukukwata kukanwa nanichi chinasendeli kusawuka kwahawukwenzi wami.

²⁰Efweremi himwa-nami nakeŋa, tahindi? Himwana wakutiyisha kuwaha, tahindi? Muloŋa chonsu chinamutenaŋa chakumuzuwila namwanukaŋa nankashi nihanu. Kumutogoioka yena muchima wami mwivumu hiwukwenda. Chalala nakamutiyila wushona. Dimu mwanahoshiyi Yenova.

²¹Sesaku luteta, shimekaku nyitondu yakuleja nachu njila. Shaku muchima weyi kumukwakwa, kunjila yiwahitilili. Eyi mujiki waIsarela, funtaku cheŋi, funtaku cheŋi wuyi kunyikala yeyi iyi.

²²Eyi mwana wamumbanda waselumukilaŋa hanyima, nyaka yiŋahi yiwakakimbukaŋa niniku, niniku? Muloŋa Yehova naleŋi dehi chuma chachiha hanu heseki, mumbanda hakunyeŋumwisha iyala.

²³Yehova wamazaza, Nzambi yaIsarela, nahoshi nindi, Tiyenu chihosha chakahoshawu cheŋi mwituŋa daYuda nimunyikala yawu, hinakafuntisha cheŋi akwawu ayili muwukoli, akahosha nawu, Eyi wushakaminu wawuŋaji, eyi mpidi yakujila, Yehova akukiswili nkisu.

²⁴NiaYuda ninyikala yawu yejima akashakaminamu hamu; niakwakudima, niakimbukaŋa nayimuna.

²⁵Muloŋa ami nekutishi dehi muchima wamuntu wazeyeli, nyichima yawantu ejima yadiŋi nakuneŋaneŋa nayiwanishila dehi yabuliluwu.

²⁶Kushika henohu nipwapuka ninamutulu, nami nitali, komana tulu twami twadiŋi twantowela.

²⁷Yehova nindi, Tiyenu, kwakenza mafuku inakakuwa mbutu yamuntu nimbutu yawanyama mumutaŋa waIsarela, nimumutaŋa waYuda.

²⁸Chinemani hadi wena kulonda kuyibwita, nikuyihumona, nikuyisandola, nikuyijilumuna, nikuyikabisha, dichi nawa chinakayiimena nakuyituŋa nakuyitiimba. Dimu mwanahoshiyi Yehova.

²⁹Hamafuku owu hiyamba kahosha nawa cheŋi nawu, Atata jawantu anadyi nyikabu yavinyu yabatuka anyana anatiyi ŋaŋanyi kumajuku;

³⁰ilaŋa antu ejima akafwila kuluwa kwawu awenawu, iwu nakufwila kuluwa kwindi, iwu nakufwila kuluwa kwindi. Antu ejima akudya nyikabu yavinyu yabatuka diwu akatiya ŋaŋanyi kumaji.

³¹Yehova nindi, Tiyenu, kwakenza mafuku inakatiyaloŋana chitiyaŋenu chachiha namutaŋa waIsarela, namutaŋa waYuda.

³²Hichakaya mwaya chitiyaŋenu chinatiyaŋeni nawankakulula jawu, ifuku dinayikwatili kuchikasa hinukuyifumisha mwituŋa daEjipituku; chena chitiyaŋenochu achijahili, kutoŋa ami nadiŋi nfumwawu. Dimu mwanahoshiyi Yehova.

³³Yehova nindi, Tiyenu chitiyaŋenu chinakatiyaloŋana namutaŋa waIsarela hakamana mafuku owu; nakasha nshimbi jami muyitoŋojoka yawu, nakajisoneka munyichima yawu. Nakekala Nzambi yawu, niwena akekala antu ami.

³⁴Yehova nindi, Hiyakadilejaleja nawa cheŋi, iwu nakuleja mukwawu, iwu nakuleja mana kwindi, nindi Ilukaku Yehovaku. Muloŋa akaŋiluka wejima wawu, kufumisha kudi wakadi kulema ndo nikudi wasweja kulema. Muloŋa ami nakayanakena kuluwa kwawu, ninshidi yawu hinakayanuka nawa cheŋuku.

³⁵Yehova wahanaŋa itaŋwa kulonda dimunyikaŋa namwaana, ninshimbi jakuyulaŋa kakweji natutumbwa tumunyikaŋa nawufuku, wasaŋumunaŋa kaluŋalwiji mwaka mankanda avumaŋa, ijina dindi Yehova wamazaza,

³⁶nahoshi nindi, Nshimbiji neyi jamba kafuma kumesu ami, komana nianyana kaIsarela nawa amba kamana, kwikala nawa cheŋi muza kumesu ami nehi, haya nyaka. Dimu mwanahoshiyi Yehova.

³⁷Yehova nindi, Neyi anatweshi kweseka mawulu adi mwiwulu, hela neyi anatweshi kuhehula yikuku yamaseki yidi mwishina, komana ninami nawa nakanata anyana kaIsarela ejima nansaŋu yayuma yejima yanakoŋuwu. Dimu mwanahoshiyi Yehova.

³⁸Yehova nindi, Tiyenu, kwakenza mafuku akanamutuŋilawu cheŋi Yehova mukalowu, kufumisha kukaposhi kaHananeli ndo nikuchisu chakwiwombu dampwembu.

³⁹Mwonji wakweseka nachu wakemakana zwa-a nikumpidi yaGarebi, wakabalumuka hiwakaya kuGowa.

⁴⁰Chinekineki chayibimbi chejima, nichamawuti, chakekala chajila chakumujilila Yehova, nimaha ejima ndo nikukakaloŋa Kidironi, nikwiwombu dampwembu dakuchisu chawatuwalu chatala kumusela. Hiyamba kachitupula hela kuchishikumuna nawa cheŋuku, haya nyaka.