Read MUKANDA WANZAMBI Jeremia 4 Bible Online

Jeremia 4 - MUKANDA WANZAMBI bible

Jeremia 4

¹Yehova nindi, Eyi Isarela neyi wukufunta cheŋa, funtaku kudami. Neyi wukufumisha yishimashima yeyi kumesu ami, hiwakatu ntakaku;

²wakasanyika neyi, Chahandayi Yehova kwaamu, nimwa lala, nimuwuŋaji, nimu kuloŋa; ninyuza yakadikiswila nkisu mudi yena, yakadisambila mudiyena.

³Muloŋa Yehova hakuyila akwaYuda nawa kwaYerusalema, nindi, Chipenu mwiha denu, bayi mukuwaŋa mbutu jenu munyiŋa aku.

⁴Enua kwaYuda, ninenu akwakushakama muYerusalema, dadikenu mwikali aYehova, fumishenu nyivumbu yawudima wakunyichima yenu; kuchina kuzuwa kwami kuyilendumukila neyi kesi, kwakocha, chakukaŋanya kujima kudi muntu, nanoyu yatama yimwe laŋa.

⁵Shimunenu muYuda, tiyakeshenu muYerusalema, ilenu nenu, Imbenu mpùŋa mwituŋala, bidikenu nenu, Pompenu, twiŋilenu munyikala yayipaka.

⁶Imikenu mpandelu yitali kuZiyona, temukenu muhandi, bayi mwimaja laku; muloŋa nakayi letela yatama yakafuma kukabeta kakuchimunswa, nikujilumuka kwakweni.

⁷Mutuŋa nanyamuki dehi hakabolototu kindi, mukwa kujilu muna nyuzanaholokeli dehi munjila yindi; nafumi dehi kwindi kwekalayi, kulonda akakisaŋani ituŋa deyi, akabalumuni nyikala yeyi yiikali yihembi yakadi antu.

⁸Vwalenu yike leyi hansaŋu iyi, mudili makumbu, mukaloki nyite ti; muŋa kuzuwa kwaYehova kwasweja saŋa kwa yila, kutufuma nehi.

⁹Yehova nindi, Denodu ifuku muchima wamwanta wakanoŋa mwivumu, ninyichima yawatulamba hamu, atupristu akahayama, niatuprofwetu nawa akahayama.

¹⁰Hinu kwila nami, Ala Mwanta Yehova; chalala imu muwuna yiliawa antu niakwaYerusalema, neyi, Mwakamona kumwena; wunayidimbi chikupu, komana mpoku yakabali iyi yikuhanuka zwa-a nikumu chima iyi.

¹¹Henohu akayila awa antu niakwaYerusalema nawu, Mpepela yasweja iyena yakafuma kuyinaŋanaŋa yankumbu yidi mwisaŋa dawuma, yakatalishahadi mwana kamumbanda wawantu ami, hiyakekala yakupepa hela yakutookeshaku.

¹²Mpepelaya Ŋovu yakafuma kuyu moyu yakenjila nsaŋuyamami. Ichi ninami nawa nukushimuna jakuyisompesha.

¹³Tiyenu, wakakanduka neyi mavu, makálu indi akekala neyi chinjimbi, tuwalu twinditwa kabadika mbu ulu lufuchi. Yayo etu akwawu! Atu pupa dehi.

¹⁴Eyi Yerusalema, kosaku mumuchima weyi mufumi kutama kulonda wakamwinewi. Nyaka yipahi yikushakama yitoŋojoka yeyi yatama mudeyi?

¹⁵Muloŋa izu dakufuma kuDani didi nakushimuna, didi nakufuma kumpidŋa kuEfweremi, didi nakutiyakesha yatama.

¹⁶Tenenu nyuza. Tiyenu, tiyakeshenu nsaŋu yakubayisha Yerusalema, nenu, Kudi nakwinza akwakutalatala, adi nakufuma kwituŋa dakwakulehi, adi nakutiyakesha izu dawudakubayisha nyikala yaYuda.

¹⁷Anamu ku chiki dehi kwi-ndo, neyi akwakuhemba iha, muloŋa yena nadikaŋi nanami. Dimu mwanahoshiyi Yehova.

¹⁸Njila yeyi yiwendapa niyuma yeyi yiwe lapadiyi yinakumweshi yumiyi, diku kutama kweyi; muloŋa kwalula, kunakulemeki zwa-a nikumuchima.

¹⁹O kumu chimo! O kumu chimo! Kukata kunashiki nikumuchima wami chikupu. Muchima wami wudi nakululuta mwivumu. Hinatweshikumwenaku, muloŋa eyi muchima wami wuna tiyi dehi kuvuma kwampùŋa, nikabobobu kanjita.

²⁰Adi nakubidikisha kujilumuna kwakulunjika hakujilumuna; ituŋa dejima apupa dehi. Matenti ami anapupi chakunkasu mwisha hohu, nimahinami nakudekaku chochu, mumpinji yimu hohu.

²¹Nyaka yipahi yina kamonaŋa mpandelu, yinakatiyapa mpùŋa chiyi kuvuma?

²²Muloŋa antu ami abula maana, hiyaŋilu kaku. Hiyanyana asupa, hiyaheta kashinshuku, akweti maana akwila chatama, kwila chachiwahi hiya chilukaku.

²³Namweni maseki komana hiyakweti nimu ya yawuku, amukunkulu; nimawulu nawa, hikwadipi kuchaku.

²⁴Namweni mpidi jamaneni komanajidi nakukanka, nimpidi janyanya jejima jidi nakwenda niniku niniku.

²⁵Namweni komana hikudi muntuku, nitujila twaha luzwizu twejima twatemukadehi.

²⁶Namweni iha dasoŋelaŋa komana dela dehi isaŋa, ninyi kala yadu yejima yahumoka dehi kumesu aYehova, nakuzuwa kwindi kwasweja.

²⁷Muloŋa Yehova nahoshi nindi, Ituŋa dejima dakabalumuka yihembihohu, hela chochu, hina kamani shamu to-o chikupuku.

²⁸Hachumi chidihu hakadi shonena iseti, dihu hakeyilila mawulubwi; muŋa ami nachiho shi dehi, nachifu ukuli dehi, hinabalumuki kwamuku, hela kufunta muhinu kufunta mwokuku.

²⁹Mukala wejima hiwukute muka nepumbadawa kwatuwalu nawa kwamata anyikunji; hiyakwipila mumavunda, hiya kukanda jalaha malola. Nyika la yejima ayishiya dehi, himwa shakama nawa muntuku.

³⁰Indi eyi, chakakupu pawu wakelaŋahi? Hela wukuvwa layi chinana, hela wukudikudeka kudeka yini yengelingeli yawuru, hela wukudi pentatu huwili mesu amalundu, wukudi wahisha tuhu chamuku nkulwayi; atujila tweyi akakudiwula, akafwila kukujaha hohu.

³¹Muloŋa ami natiyi izu didi neyi damumbanda wudi nakuvwala, hakukaba neyi chakabaŋa mumbanda wudi nakuvwala mwanindi wawedi, izu damwana kaZiyona wamumbanda wudi nakwonashana, hakwolola makasindi, nindi, Iyaya minshona lelu! Hinu kuhwidila nawambanji inamoni!