Read MUKANDA WANZAMBI Jeremia 40 Bible Online

Jeremia 40 - MUKANDA WANZAMBI bible

Jeremia 40

¹Izu dakudi Yehova denjili kudi Yeremiya, helili mukulumpi wawa tulama Nebuzaradani namuumbuku dehi kuRama, helili anamutwali dehi wakukasa mumalepi, hamu nawantu ejima amuYerusalema naYuda adiŋi nakutwalawu kuBabiloni muwukoli.

²Mukulumpi wawatulama haku mutambika Yeremiya, hakumwila nindi, Yehova Nzambi yeyi diyiwashimwini yumiyi yatama yakeŋa kumona mukala wunu.

³Nino duYehova nachikoŋi dehi, neli mwahosheliyi. Chimuna muvulumuni Yehova nichimunabuli kwovwahila izu dindi, dihu hanayiweni chumichi.

⁴Ichidinu tiya, lelu nakusubuli dehi mumaleŋi adiŋi kumakaseyi. Neyi wunatiyikuwaha kuya nanami kuBabiloni, twatuyi, nukukutalaŋa chachiwahi. Ilaŋa neyi wunatiyi kutama kuya nanami kuBabiloni, dishakamini kweyi. Talaku, ituŋa dejima didi kumesu eyi, kwonsu kuwunamoni kuwaha kunayi muchima weyi kwoku kuwukuya.

⁵Hadiŋa iyi kanda afunti, mukwawuha kumwila nindi, Komana funtaku kweyi kudi Gedaliya mwana kaAhikami, Ahikami mwana kaShafwani, anakunjikuwu kudi mwanta wakuBabiloni kwikala nguvulu wanyikala yawaYuda, wakashakami nindi hamu nawantu. Neyi nehi, yaku tuhu kweyi kwonsu kunayi muchima weyi. Dichi mukulumpi wa awatulama hakumwinka niyakudya nichamukunkulu, hakumuleka.

⁶Yeremiya hakuya kudi mwana kaAhikami Gedaliya kuMizipa, hakushakama nindi hamu nawantu asheli mwituŋa.

⁷Dichi dinu cheliluwu awakulumpi ayendu yadiŋi mumpata, niwena niantu awu, chatiyiluwu nawu, Mwanta wakuBabiloni nakunjiki dehi mwana kaAhikami Gedaliya kwikala nguvulu yetuŋa, namwinki dehi ni amayala, niambanda, nianyana, niatuzweŋi amwituŋakweti abulili kutwalawu kuBabiloni muwukoli;

⁸hiyakwinza kudi Gedaliya kuMizipa, iwu mwana kaNetaniya Ishimeli, awa anyana kaKareya aYohanani najonatani, iwumwana kaTanihu meti Seraya, awa anyana kaEfwayi wakuNetofwati, iwumwana kamu kwaMayakati Yezaniya, niwena niantu awu.

⁹Gedaliya mwana kaAhikami, Ahikami mwana kaShafwani, hakuhoshanawena nawantu awu mazu akusanyika, nindi, Bayi mutiya woma wakuyikalakela aKaladeya ku. Shakamenu mwituŋa, mumukalakelapa mwantawa kuBabiloni, mwakashakami chachiwahi.

¹⁰Hakwila ami nukushakama kuMizipa kulonda kuyikalakelaŋa aKaladeya akenzaŋa kudetu. Kwinza enu kwenu kuŋulenu kwenu nivinyu, ninyikabu yahachilaaka chankanza, nimanji mwakayishi muyuma yenu yakusendela, mwakashakamaŋa munyikalayenu yimunatambuli tambuli.

¹¹NiaYudeya ejima nawa adiŋa nimuMowabi, nimukachi kawanyana kaAmoni, nimuEdomi, niadiŋa mumatuŋa ejima, chatiyiluwu nawu, Mwantawa kuBabiloni nashiyuhu aYuda amakwawu, nayikunjikili dehi Gedaliya mwana kaAhikami, Ahikami mwana kaShafwani, kwikala nguvulu yawu,

¹²wena aYudeya ejima hiyakufumafuma kwejima kwayitemwininuwu, hiyakufunta kwituŋa daYuda, kudi Gedaliya kuMizipa, hiyakukupula vinyunanyikabu yahachilaaka chankanza yayivulu nankashi.

¹³AYohanani mwana kaKareya nawawakulumpi ejima ayendu yadiŋamumasapa, hiyakwinza kudi Gedaliya kuMizipa,

¹⁴hiyakumwila nawu, Eyi kwiluka neyi Bayalisi mwanta wawanyana kaAmoni natemesni dehi mwana kaNetaniya Ishimeli kulonda akujahuku? Ilaŋa mwana kaAhika miGedaliya hayi itiyili kwinduku.

¹⁵Mwana kaKareya Yohanani hakuhosha naGedaliya kuMizipa kumbepu, nindi, Nleki mwani niyi nakamujahi mwana kaNetaniya Ishimeli, kwosi muntu wakachilukaku. Indi yena akujahi tuhukulonda aYudeya ejima anapompi kudeyi akamwaŋali tuhu kwawu, niantu amuYuda anashaluhu akanoŋi tuhu?

¹⁶Mwana kaAhikami Gedaliya hakumwila mwana kaKareya Yohanani, nindi, Bayi wila chumichuku, wudina kumutwambila Ishimeli.