Read MUKANDA WANZAMBI Jeremia 42 Bible Online

Jeremia 42 - MUKANDA WANZAMBI bible

Jeremia 42

¹Akulumpi ayendu ejima, ni mwana kaKareya Yohanani, nimwana kaHoshaya Yezaniya, niantu ejima kufumisha kudi akadi kulemakushika nikudi asweja kulema, hiyakukundama kwakwihi,

²hiya kumwila kaprofwetu Yeremiya, nawu, Etŋi mwani namutukulemba, atulombeluku kudi Yehova Nzambi yeyi, alombeluku awa antu ejima anashaluku; muŋatwadiŋi amavulu, tunashali dehi antesha, neyi chiwunamoni namesu eyi;

³Yehova Nzambi yeyi atuleji njila yitukwenda nichuma chitukwila.

⁴Kaprofwetu Yeremiya hakuyila nindi, Natiyi dehi. T iyenu, nukuyilombela kudi Yehova Nzambi yenu munayi mazu enu. Chakela, chonsucha kaya kulayi Yehova nakayileja. Hina kayi jinda chumaku.

⁵Hiyakumwila Yeremiya nawu, Neyi twakabula kwila mwejima mwakaya izu dakakutemeshayi nachu Yehova Nzambi yeyi kudetu, Yehova ekali chinsahu chetu chalala chashinshika.

⁶Hela dakawaha hela dakatama twakovwahilaizu daYehova Nzambi yetu kutukukutemesha; kulonda chitwakovwahila izu daYehova Nzambi yetu chakatuwahili.

⁷Chimuneli munahiti dehi mafuku ikumi, izu daYehova hidikwinza kudi Yeremiya.

⁸Yena hakutambika mwana kaKareya Yohanani niakulumpi yendu adiŋiyi nawu ejima, niantu ejima, kufumisha kudi akadi kulemakushika nikudi asweja kulema,

⁹hakuyila nindi, Kudi Yehova, Nzambi yaIsarela, kumwantemesha anamutuukishi kulembelela kwenu kumesu indi,

¹⁰nahoshi nindi, Neyi mukushakamaŋa mwituŋa dinakayi tupisha, hina kayi sandaku, nakayitumba, hinakayibwitaku, muŋa ami nabalumuki dehi mumuchima nayuma yatama yinayikopeli.

¹¹Yehova nindi, Mwanta wakuBabiloni mwatiyaloŋa woma, bayi mumutiyapa womaku; bayi mumutiyapawo maku, muloŋa ami nidi nenu nakuyamwina, nakuyipulwisha nawa kudiyena.

¹²Nukuyitopwela jawushona kulonda yena akayitiyili wushona, akayifuntishi mwituŋa denwenu aweni.

¹³Ilaŋa neyi mukwila nenu, Etukwetu kushakama mwituŋidi nehi; neyi mwakabula kwovwahila izu daYehova Nzambi yenu,

¹⁴nenu, Nehi, etu kwetu tukuya mwituŋa daEjipitu kutwakabula kumona njita, hela kutiya mpupa jikuvuma, hela kutiyanzala yanshima; twakashakami kwenoku;

¹⁵dichi dinu tiyenu izu daYehova, enu aYuda munashaluku, Yehova wamazaza, Nzambi yaIsarela, nahoshinindi, Neyi mukuta mesu enu chikupu nenu, Tukwipila muEjipitu hohu, himwakaya nakushakama kwenoku,

¹⁶mwakamona, mpoku yakabaliyi munatiyi woma yakayiwana mwenomu mwituŋa daEjipitu, ninzalayimuna akami yakayilamata mbe mwenomu muEjipitu, mwakafwila kwenoku.

¹⁷Dichi chakamonawu antu ejima anati mesu awu nawu, Tukuya muEjipitu twakashakamuku. Akafwa nampoku yakabali, nanzala, nachipupu. Kwosiwa kashalaku hela kupuluka kukutama kunakayiletelaku.

¹⁸Muloŋa Yehova wamazaza, Nzambi yaIsarela, nahoshi nindi, China chinechilili kuzuwa kwami nakulendumuka kwami hadi ashakamini muYerusalema, dichi chinakechila kulendumuka kwami hadenu chimwakeŋa ala muEjipitu. Mwakekala shiŋewa, akuhayama, eshiŋu, asawuka. Henahanuhi mwamba kamona hoku cheŋuku.

¹⁹Enu aYuda munashaluku, Yehova nayiteni nindi, Bayi muya muEjipitu ku. Ilukenu chalala nenu ami nayikonkomweni dehi lelu.

²⁰Chimwantemesheli kudi Yehova Nzambi yenu, nenu, Tulombeli kudi Yehova Nzambi yetu. Nenu, Mwejima mwakahoshayi Yehova Nzambi yetu, wakatulejumu, twakelamu, mwadi mbeni kwenu munyichima yenu.

²¹Ninami nayishimwinumu dehi lelu; enu kwovwahila izu daYehova Nzambi yenu, mukoŋuhuhela chuma chimu chanantemesheliyi kuyile ja, nehi.

²²Ichi dinu ilu kenu chalala nenu mwakafwa nampoku yakabali, nanzala, nachipupu, kwonsu kumukukeŋa kuyanakushakama.