Read MUKANDA WANZAMBI Jeremia 52 Bible Online

Jeremia 52 - MUKANDA WANZAMBI bible

Jeremia 52

¹Hatachikili kushakamayi Zedekiya muwanta wadiŋi wanyaka makumi ayedi namwaka wumu. Washakamini muwanta muYerusalema nyaka ikumi nawumu. Mama yindi ijina dindi Hamutali mwana kaYeremiya wakuLibina.

²Welili chatama kumesu aYehova, mwomwelilaŋa Yehoyakimi mwejima.

³Nakuzuwa kwaYehova kwakwila zuwe-e nichakuyifumishayi kumesu indi, hiyakuchimona muYerusalema namuYuda; Zedekiya hakudikaŋa namwanta wakuBabiloni.

⁴Mumwaka wamuchitanu nachiwana wawanta windi, mukakweji kekumi, mwifuku dakakweji dekumi, mwanta wakuBabiloni Nebukaneza, hakwinza nakudasa naYerusalema, niyena ninjita yindi yejima, hakuwutuŋila chimba; mukala hiyakuwutuŋila mpwembu jakuhata kwi-ndo.

⁵Hiyakukuchika mukala kuchike-e nikumwaka wamwanta Zedekiya wekumi nakamu.

⁶Mukakweji kamuchiwana, mwifuku dakakweji damuchitanu nachiwana, nzala yisweja nimumukala, himwadiŋi nawa kudya kwakudya antu amwituŋaku.

⁷Alokola nimpwembu yamukala, akwanjita ejima hiyakutemuka, hiyakufuma mumukala nawufuku, njila yachisu chamukachi kampwembujiyedi, chadiŋi kwakwihi netempa damwanta. Henohu aKaladeya saŋa akuchikilawu mukala kwi-ndo. Hiyakuyila njila yachana.

⁸Njita yawaKaladeya hiyikumuhaŋa mwanta, hiyikumuwana Zedekiya muyana yakuYeriku; njita yindi yejima yimumwaŋala nikumumwaŋa ala ndu-ndu.

⁹Hiya kumukwata mwanta, hiyakumutwala kudi mwanta wakuBabiloni kuRibila mwituŋa dakuHamati. Hiyakumusompesha.

¹⁰Mwanta wakuBabiloni hakujahila anyana kaZedekiya amayala kumesu indi. Hakujahanawa niatulamba amuYuda ejima kuRibila.

¹¹Hakulokola mesu aZedekiya; mwanta wakuBabiloni hakumukasa mumaleŋa, hakumutwala kuBabiloni, hakumusha mukaleya ndo nikwifuku dakufwa kwindi.

¹²Mukakweji kamuchitanu, hefuku dakakweji dekumi, mwaka wekuminakatanu nakawana wariwanta Nebukaneza mwanta wakuBabiloni, Nebuzaradani mukulumpi wawatulama, wemenaŋa kumesu amwanta wakuBabiloni, hakwinza kuYerusalema;

¹³hakwocha itala daYehova, niitala damwanta; matala amuYerusalema ejima, wowu matala amaneni ejima, wayocheli nawanakesi.

¹⁴Njita yawaKaladeya yejima yadiŋi namwanta wawatulama ahumunani mpwembu jaYerusalema jejima kwi-ndo.

¹⁵Mwanta wawatula maNebuzaradani hakutwala muwukoli antu adiŋi asweja wuzweŋa, niantuahitili nakushalashala mumukala, ninawa alembeli, adimbukili kudi mwanta wakuBabiloni, niantu akwizaza asheluhu.

¹⁶Mukulumpi wawatula maNebuzaradani hakushiya antu amwituŋa makwawu aswejeli wuzweŋi, kulonda ekali akwakuloŋesha loŋesha nyivinyu, niakwakudima.

¹⁷Yishimi yawuneŋu yadiŋa mwitala daYehova, nimatentaminu niŋiyadawuneŋu, yadiŋi mwitala daYehova, aKaladeya aketoleli, hiyakutwalawuneŋu wejima wayu moyu kuBabiloni.

¹⁸Manuŋu namafwosholu nayu maya kujima nachu manoŋu, nimbashila, nitutuwa, niyuma yawuneŋu yeji maya diŋi nakukalakalawu nachu, ayitweli.

¹⁹Nimpasa, niyifoyu yakesi, nimbashila, nimanúŋu, nimanoŋu, nitutuwa, niyitasu; yawuru yawuru, yasiliva yasiliva, mukulumpi wawatulama wayitweli.

²⁰Niyishimi yiyedi, niŋiya dimu, niaŋombi awuneŋu ikumi nayedi adiŋi mwishina damatentaminu, awumbililiyi Solomoni itala daYehova; wuneŋu wyuma yeji miyi wadiŋi wakadi kupezelesha.

²¹Hakwila yoyishimi, kuleha kwachishi michimu kwashi kili munkotweli jachikasa ikumi najitanu najisatu; chaku nyeŋumwisha mwonji wamunkotweli ikumi najiyedi; mudita wachu wamunyinuyiwana, chi kweti mpaku mukachi.

²²Chadiŋa nanamutu wawuneŋu hewulu. Kuzandama kwanamutu wumu kwamunkotweli jitanu, kudi niyuma yamesumesu yidi neyi kaleŋa nimabula hanamutu kwi-ndo, yejima yawuneŋu hohu; chishimi chamu chiyedi nichina nawa chadiŋi nayuma yidi neyiyi, nimabulanawa.

²³Kwadiŋa mabula makumi atanu nawana namabula atanu nadi muhambavu. Mabula ejima, adiŋa hachuma chamesu mesu chidi neyi kaleŋi kwi-ndo, ashikili munkulakaji.

²⁴Mukulumpi wawatulama hakukwata kapristu muneni Seraya, nikapristu wamuchiyedi Zefwaniya, niakwakuhemba kuchisu mwasatu wawu;

²⁵mumukala hakukwatamu kalala enkeluwu wuawakulumpi wawakwanjita, niantu atanu nayedi adiŋa nakudimona namwanta kumesu, awenuwu mumukala, ninsoneki yamukulumpi wanjita wapompeshelaŋa antu amwituŋa, ni amayala makumi atanu nadimu ahadi antu amwituŋa, awenuwu mumukala,

²⁶Nebuzaradani mwanta wawatulama hakuyikwata, hakuyitwala kudi mwanta wakuBabiloni kuRibila.

²⁷Mwanta wakuBabiloni hakuyitapa, hakuyijaha kuRibila mwituŋa dakuHamati. Mwenimu dimu mwafumishililuwu aYuda mwituŋa dawu, hiyakuyitwala muwukoli.

²⁸Tiyenu antu atweliyi Nebukaneza muwukoli. Mumwaka wamuchitanunachiyedi watweli aYudeya makombakaji asatu nawantu makumi ayedi nasatu.

²⁹Mumwaka waNebukaneza wekumi nakatanu nakasatu watwelimnwukoli akufumisha muYerusalema makulakaji atanu nasatu, namakumi asatu nawantu ayedi.

³⁰Mumwaka waNebukaneza wamakumi ayedi nakasatu, mukulumpi wawatulama Nebuzaradani watweli muwukoli aYudeya makulakaji atanu nayedi, namakumi awana nawantu atanu. Antu ejima ashikili mumakombakaji awana namakulakaji atanu nadimu.

³¹Mumwaka wawukoli wamwanta wawaYuda Yehoyakini wamakumi asatu nakatanu nakayedi, mukakweji kekumi nakayedi, hefuku dakakwejida makumi ayedi nakatanu, mwanta wakuBabiloni Evili merodaki, hamwaka wakusambila wawanta windi hakuhindwisha mwanta wawaYuda Yehoyakini kunamutu, hakumufumisha mukaleya;

³²hakuhosha nindi mazu amawahi, itanda dindi dawanta hakudibadisha itanda dawanyanta adiŋiyi nawu kuBabiloni.

³³Hakuvúula mahinindi amukaleya. Hakudyaloŋa kumesa yamwanta hefuku hefuku, mafuku ejima adiŋiyi wamumi.

³⁴Nsapu yamposu yindi amwinkelapa kudi mwanta wakuBabiloni mposu yahefuku hefuku, mafuku ejima adiŋayi wamumi, ndo nikwifuku dakufwa kwindi.