Read MUKANDA WANZAMBI Jeremia 6 Bible Online

Jeremia 6 - MUKANDA WANZAMBI bible

Jeremia 6

¹Enu anyana kaBenjamini, temukenu muYerusalema muhandi, imbenu mpùŋa muTekowa, imikenu chinjikijilu haBetihakeremi. Muloŋa katama kadi kukabeta kakuchi munswa kadi nakutala kunu, nikujilu mukakwa kweni.

²Mumbanda walubanji wadishitula, mwana kaZiyona, nakamufumishahu.

³Atubiŋa akenza kudi yena nayendu yawu yayimuna; akalema matenti awu kwadiyi kwi-ndo; wejima wawu akadya iwu nahindi, iwu nahindi.

⁴Muloŋeshelenu njita; nyamukenu tukandukenuku hakachi kamwaana. Yayo etu akwawu! Muloŋa itagwa hidikuya nakuhuma, ninyevulu yamelela yinalehi dehi.

⁵Nyamukenu, tukandukenuku nawu-fuku, twakakisaŋani matalindi amaneni.

⁶Muloŋa dimu mwanahoshiyi Yehova wamazaza, nindi, Temenu nyitondu, kamudiminenu Yerusalema mukandu; himukala watelela kuhempula, mukachi kawu wadinka kumudimu wakukabisha akwawu hohu.

⁷Chasefukaŋa ishima meji adu, dichi chasefukaŋa kutama kwindi niyena; mukachi kindi atiyaloŋamu jamadombu nakubuwana. Mafuku ejima namonaŋa yikatu nayitu.

⁸Eyi Yerusalema babalaku, kuchina ami kuhila naneyi; nakenda kakubalumuna kwikala yihembi, ituŋa dakadi antu.

⁹Yehova wamazaza nahoshi nindi, Anashali muYerusalema akayihuhujola chachiwahi neyi chahuhu jola ŋawu nyikabu kumuvinyu. Funtishenu cheŋi chikasa chenu mumabaŋu, neyi chelaŋayi mukwakukumuna nyikabu yavinyu.

¹⁰Nukuhosha nanyi nishimuni wunsahu kulonda akatiyi? Tala, matu awu awudima hohu, hiyanatweshi kutiyililaku; tala, izu daYehova kudi wena dabalumuka dehi dakusawuka nachu, hiyanatiyilumu kuwahaku.

¹¹Dichi mudami munenzali kulendumuka kwaYehova, nazeya dehi nakudilekesha; kwichili hadi anyana adi munyikalakala yamatala, nihadi anyikwenzi anapompi hamu. Muloŋa kakwata iyala niŋodindi kumu, nikashinakaji hamu namuntu wamafuku amavulu.

¹²Matalawu akabalumuka awantu acheŋi, nimahawu niaŋodi jawu kumu. Muloŋa ami nakolwela eni ituŋa chikasa chami. Dimu mwanahoshiyi Yehova.

¹³Muloŋa kufumisha kudi mwinawu wakehelamu nakushika kudi mwinawu wasweja kulema, wejima wawu aditwala dehi kwamulwisu hohu. Kufumisha kudi kaprofwetu nakushika kudi kapristu, wejima wawu akoŋaŋa mwakutwamba ho-o.

¹⁴Hanadikatishuwu antu ami anakuswishuhu chanti, nawu, Kwamwena, kwamwena; kutoŋa hikwamwenaku.

¹⁵Chakoŋeluwu yishimashima atiyili nsonyi tahindi? Nehi; hiyatiyili nsonyi nihantuku, hela kunoŋama he-te-te kutwesha nehi. Dichi akadimbuka mukachi kawakwakudimbuka. Hampinji yinakayihempula akadimbuka. Dimu mwanahoshiyi Yehova.

¹⁶Yehova nahoshi nindi, Imanenu mumajila mutali, mwihujoli njila lu, kwonsu kudi njila yayiwahi, mwendumu, kulonda mwakamoni ka kwakuno O kesha nyichima yenu; wena kwawu nawu, Etu kwetu wenda mwokuku.

¹⁷Ami nayishila dehi akwakutala, akela nawu,

¹⁸lumpùŋa yikuvumoyu. Wena kwawu nawu, Etu kwetu hitukutiya kuchi enu nyuza, tiyenu, ninenu akwachipompelu, ilukenu chuma chidi chi kawu.

¹⁹Eyi iseki tiyaku. Tala, ami nakayiletela antu awala, yonyikabu yayitoŋojoka yawu, muloŋa wena hiyatiyililaŋa mumazu helanshimbŋa mianaji leki kwawu.

²⁰Indi libona yidina kufumaba yidi nakwinza kudami, ninyisachi yevumba dadiwahi yidi nakufuma kwituŋa dadilehi, yanka? Nyilambu yenu yakushita hiyatelela kuyitambulela yimuna yenu hiyantiyishaŋa kuwahaku.

²¹Dichi Yehova nahoshi Tiyenu, antu awa nukuyishila kumesu awu yuma yakuyidimbwisha, niatata jawantu nianyana amayala akadimbukilaku hamu; nintuŋi kwawu niibwambu dindi akanoŋa.

²²Yehova nahoshi nindi, Tiyenu, kukabeta kakuchimunswa kudi nakwinza wawantu. Muza weneni akawusaŋumuna kunsa jeseki.

²³Akwataŋaja wamukunji nikwiyoŋa. Akweti wukatu, hiyakweti wushonaku awu davumaŋa neyi kaluŋalwiji, endaŋa hatuwalu. Wejima wawu idamina nyisululu nyisululu neyi antu adi nakuya kunjita, kulonda i, eyi mwana kaZiyona wamumbanda.

²⁴Tunatiyi dehi mpuhu michi. Nimumakasa lehu, yikatu yatuwana dehi neyi mumbanda nakuvwala mwana.

²⁵Bayi muya kumahaku, bayi mwendelaŋa aku, muloŋa mbadi jejima kudi mpoku jatubali jawayilumbu hohu, entu.

²⁶Eyi mwana kawantu ami wamumbanda, vwalaku yikeleyi, laku mumawuti; ilaku yakudila nachu, neyi chakudila mwana weyala luka kanka windi, kudila kwakweni kwalula; muloŋa mukwakubuwa nukasumwishi.

²⁷Nakwinki dehi mudimu wakwikala kaposhi nichipaka chakudi kaŋilahi kawantu ami; kulonda wakeluki mwakwilawu, wakesekumu.

²⁸Wejima wawu aletaŋa winyi watama, akimbukaŋa nansachi. Hiwuneŋu iŋu kwawu, wejima wawu akoŋaŋa mwakutokesha yitoŋojoka yawakawu.

²⁹Mwanzu wudi nakupepa naŋovu, nsumbu yinanoŋi dehi, adi nakudikabisha tuhu nakusuŋununa, muloŋa anabuli kukokamu atama.

³⁰Antu amba kayitenaŋa nawu, Hisiliva yakunata tuhu. Mulona Yehova nayileki dehi.