Read MUKANDA WANZAMBI Ezekiele 17 Bible Online

Ezekiele 17 - MUKANDA WANZAMBI bible

Ezekiele 17

¹Izu daYehova denjili kudami,

²nindi, Eyi mwana kamuntu, tenaku chuma chakudijimbisha, wuyitili akwamutaŋa waIsarela chishimu;

³neyi, Mwanta Yehova nindi, Mbúulu yeneni yikweti mpuula jamaneni, ninyona yayileni, wejima wela kwamavuji hohu, mavuji awulombu wepi nawepi, wenjili kuLebanoni, wanoneni mutayi wamusida wakuma kwiwulu,

⁴kutunyitayi twatwovu waketwiluku kakuma kwiwulu, haku kasenda, hakukatwala mwituŋa dawakwakulandulula; hakukasha mumu kala wawakwakulandujola.

⁵Hakunona mbutu yamwituŋa, hakuyitumba heseki dawushi, hakuyisha kuchimeji chachivulu, hakuwutumbaku neyi musombu.

⁶Hiwukukula, hiwukwikala muvinyu watandalaŋa, wawihi, nyitayi yawu yatala kudi yena, nyiji yawu yidi mwishina dayena. Dichi hiwukwikala muvinyu, hiwukusema nyitayi, himukumena nitunyitayi twatwovu.

⁷Kwadipi nawa mbuulu yikwawu yeneni, yikweti nawa mpuula jamaneni nimavuji amavulu. Kutala muvinyu iwu, oku kunyihaŋa yawu kwawutumbiluwu, hakuzemba nyiji yawu, hakutalisha kudi yena, hakutalisha ninyitayi yawu kudi yena, kulonda awutukumwini meji.

⁸Awutumbili kwiseki dawushi kuchimeji chachivulu, kulonda wakasemi nyitayi yayivulu, wakasopi nawa nyikabu, wakekali nawa muvinyu wasweja kuwaha.

⁹Neyi, Mwanta Yehova nindi, Wakamona kushakama chachiwahi kwaamu? Yena hakawubwitaku? Hakawuketula nyikabu yawu, kulonda wakalepukuku? kulonda nitumafu twawu twejima tutúuta tudi nakumena twakalepukuku? Akawubwita tuhu chakadi hela Ŋovu yalala, hela antu amavulu.

¹⁰Mwalala, tiya, hela awutumba dehi, wakamona kuwaha, tahindi? Mpepela yakumusela chiyakakunkaku hiwakalepuka chikupuku? Wakalepuka munyihaŋa yawu muwakulilili chi.

¹¹Izu daYehova hidikwinza kudami,

¹²nindi, Kawili mutaŋa wadikaŋa, neyi, Himuneluki mwaya yumiyuku? Yileji neyi, Tiyenu, mwanta wakuBabiloni diyi wenjili kuYerusalema, hakukwata mwanta wawu niatulamba twawu, hakuyitwala kwayena kuBabiloni;

¹³hakukwata mwana kamwanta wumu, hakutiyaloŋana nindi chitiyaŋenu, hakumusanyikisha, hakufumishaku atohela mwituŋa.

¹⁴Kulonda ituŋa damwanta dizeyi, dakabuli kuhinduka cheŋi, kumona kushimata chiŋa dakahemba chitiyaŋenu chindi hohu.

¹⁵Hakwila yena hakudikaŋa nindi, hakutemesha atuŋanda muEjipitu kulonda akamwinki atuwalu nawantu amavulu. Yena wakamona kwaamu? Wukwila yuma yidi chochochu wakapuluka, tahindi? chitiyaŋenu apuluka?

¹⁶Mwanta Yehova nindi, Chalala china! kwaamu, mwenomu mwekala mwanta wamudiishili wanta, wukwe nyika kwadiwiliyi, wukweti chitiyaŋenu chajahiliyi, mwomwenomu muBabiloni mwekala yenowu dimu mwakafwilayi.

¹⁷Chakadimawu ninakutupilaku yiŋaka kulonda ajahi antu amavulu, Fwaro hakami nanjita yindi yasweja Ŋovu, hela nachendu chindi chabadikaku.

¹⁸Muloŋa yena nadiwuli dehi kusanyika kwasanyikiliyi, nanochu chanajahiyi chitiyaŋenu. Tiya, yena waheni dehi chikasa chindi, lelu akoŋi yuma yejimiyi hakapulukaku.

¹⁹Dichi Mwanta Yehova nindi, Chalala chinahandichi kwaamu, kusanyika kwami kwanadiwuliyi, nichitiyaŋenu chami chanajahiyi, nakamushikijilayu hanamutu windi.

²⁰Nakamuta wanda wami, wakafwamumuhetu wami, nakamutwala kuBabiloni, diku nakamusompeshela loŋa windi wananmotokiyi nshimbi jami.

²¹Antu indi ejima! yindi yejima akatemuka, akadimbuka nampoku yakabali, awa aka, akayiŋalapeshela mwahita mpepela jejima. Mwakeluka nenu ami yami inachihoshi.

²²Mwanta Yehova nindi, Ami nawa nakanona mutayi wamusida kwiwulu, nakawutumba. Kutunyitayi twandendela twakuma nakaketulaku kakovu kamu, nakakatumba hampidi yanyuŋa;

²³Nakakatumba hampidi yamuIsarela yanyuŋa. Wakasema wakasoŋa nyikabu, wakekala musida wawuwahi. Mwishina dawu shakama atujila ejima anyitundu yejima. Akashakama muwulelu wanyitau yawu.

²⁴Nyitondu yejima yamumpata yakeluka nawu ami Yehova nehihishi dehi mutondu wadipi wawulehi, naleheshi dehi mutondu wawihi, nomishi dehi mutondu wadipi wutuuta, nasopeshi dehi n wadipi wawuma. Ami Yehova yami inahoshi, yami inachikoŋi nawa.