Read MUKANDA WANZAMBI Ezekiele 22 Bible Online

Ezekiele 22 - MUKANDA WANZAMBI bible

Ezekiele 22

¹Izu daYehova denjili kudami,

²nindi, Eyi mwana kamuntu, keŋa wusompeshi, tahindi? Keŋa wusompeshi mukala wamashi, tahindi? Neyi chochu, mwilukishi yishimashima yindi yejima.

³Ilaku neyi, Mwanta Yehova nindi, Mukala wapwekeshaŋa mashi mukachi kawu, kulonda mwaka windi wakashiki, welaŋa akishi akudikaŋesha nachu kulonda kuditamisha!

⁴Wunatanyi dehi namashi eyi wunapwekeshi, wunatami dehi nawakishi eyi iwuneli. Wunakoki dehi mafuku eyi kwakwilii, wunashiki dehi kunyaka yeyi. Dichi nakusawishi dehi kumesu anyuza, nimatuŋa ejima anakusehi dehi.

⁵Niadi kwakwihi niadi kwakulehi akakuseha, eyi wukweti ijina datama, eyi wenzala namapumba.

⁶Tiya, atulamba twawanyana kaIsarela, wejima wawu adiŋi mudeyi nakupwekesha mashi mwashikila Ŋovu jawu.

⁷Adiwililumu atata jawu nawamama jawu, akabishililumu antu afuminaŋa kumatuŋa acheŋi, akabishililumu anshona nawantuluwa.

⁸Eyi wunadiwuli yuma yami yajiia, wunajiloli jisabata jami.

⁹Mudeyi mwadiŋi akwansachi alondelaŋa kupwekesha mashi awakwawu; mudeyi anadiili hamapidi; mudeyi anakoŋelelumu yakubajama;

¹⁰mudeyi anamwekeshelumu maheŋu awatata jawu; anasawishilumu ambanda adi kwitala dikwawu.

¹¹Iwu hakwila yishimashima naŋodamukwawu; iwu nawa hakubajama namuku windi wamumbanda hakumutamisha; mukwawu nawa hakusawishilamu muhelindi, yowu mwana katata yindi.

¹²Anatambwilumu maseleka akupwekesha nachu mashi; mukala wunadyi nŋalanyi nachilunji kunyikudi, wunadyi yuma yawakwenu chatama chakuyikabisha, wunanvulamenami. Dimu mwanahoshiyi Mwanta Yehova.

¹³Tiya dinu, ami neti mumakasa pwa, nayuma yambala yawakwenu yiwunadyi chawukombi, namashi eyi adiŋi mukachi keyi.

¹⁴Mumafuku inakakukoŋa, muchima weyi wakekala naŋovu, nimakaseyi akekala naŋovu, tahindi? Munahoshi ami Yehova, dimu nakakoŋa.

¹⁵Nakakuŋalaŋeshela mukachi kanyuza, nakakumwaŋila mwahita matuŋa, nakanoŋesha mukachi keyi majilu eyi ejima,

¹⁶wakaditamisha eyi aweni kumesu anyuza. Wakeluka neyi yami Yehova.

¹⁷Izu daYehova denjili kudami,

¹⁸nindi, Eyi mwana kamuntu, mutaŋa waIsarela kudami wunabalumuki dehi mazozu, wejima wawu anekali dehi wuneŋu nawufoyu nayikuŋu nansumbu yanashuwu mukachi kaluteŋu; anekali mazozu asiliva.

¹⁹Dichi Mwanta Yehova nindi, Ichi chimunabalumuki dehi wejima wenu mazozu hohu, tiyenu dinu, nakayikumaŋeja muYerusalema.

²⁰Chakumaŋejaŋawu siliva nawuneŋu nayikuŋu nansumbu nawufoyu, hiyakuyisha muluteŋu ayizakasi, ayeŋununi; dichi nawa chinakayikumaŋeja nakuzuwa kwami, nakulendumuka kwami, nakayisha mwenomu nakayeŋununa.

²¹Eŋa, nakayikumaŋeja nakayizakasa nakesi kandombu yami, mwakasuŋunukilamu.

²²Mwakasuŋunukilamu neyi chasuŋunukaŋa siliva mukachi kaluteŋu. Mwakeluka nenu ami Yehova, yami nechila dehi kulendumuka kwami hadenu.

²³Izu daYehova denjili kudami,

²⁴nindi, Eyi mwana kamuntu, kamwili neyi, Eyi wudi ituŋa dákubula kufumisha majilu, dákubula kunokela nvula mwifuku dandombu.

²⁵Atuprofwetu twindi akwatilamu dehi chikuchi, neyi mutupa wudi nakubuluma iku wudi nakuvunya kanyama kindi; wena adya dehi wumi wawantu; anahukuli yozelu niyuma yalema, avulishilamu dehi niantuluwa.

²⁶Atupristu twindi anatamishi nshimbi jami, anajiloli yuma yami yajila. Hiyanaambuli yuma yajiia nayakadi kujilaku, hiyanayishinshikishi antu mwambukila yuma yamajilu nayuma yakadi majiluku, anasweki mesu awu kusabata jami, ananjiloli dehi mukachi kawu.

²⁷Atulamba twawu adi mukachi kawu, adi neyi atuŋiwidi adi nakuvunya tunyama twawu; mudimu wawu wakupwekesha mashi, nakujilumuna wumi wawantu, kulonda adyaloŋa yuma yawukombi.

²⁸Atuprofwetu anayikwiti mpeza, anayimweni yimwenu yakuhemesha, anayihoŋeli yuma yakutwamba, nawu, Tiyenu chanahoshiyi Mwanta Yehova; komana Yehova hanahoshuku.

²⁹Antu amwituŋa anakabishi akwawu, anabuwabuwi akwawu; mwalala anamweshi atuzweŋi nawabula yuma kukala, anakabishi antu afuma mumatuŋa acheŋi chakadi nyiloŋa.

³⁰Nakeŋakeŋeli mukachi kawu iyala wakujikajika ikoli hidinayi nakufwa, aŋimeni mwipwata kulonda kuhemba ituŋa nibuli kudijilumuna. Aka, hinamumwenuku.

³¹Dichi chinechili ndombu yami hadi wena. Nayinoŋeshi nakesi kandombu yami, yuma yelilaŋawu nayishikŋiliyi hanyitu yawu awenawu. Dimu mwanahoshiyi Mwanta Yehova.