Read MUKANDA WANZAMBI Ezekiele 4 Bible Online

Ezekiele 4 - MUKANDA WANZAMBI bible

Ezekiele 4

¹Ichi dinu eyi mwana kamuntu, nonaku itafwali wuditenteki kumesu eyi, wusonekuhu mukala, yowu Yerusalema.

²Wuwukuchiki, wuwuili mpwembu jakuhata, wuwudimini mukandu; wushuku nawa yilombu, wushimikuku yuma yakusanda nachu mpwembu, kwi-ndo.

³Wunoni chikuŋu chawubasa, wuchiimiki chiikali neyi mbaŋu yachikuŋu, chiika eyi iku, mukala nawa iku, chikuŋu ochu hakachi. Wuwuzamwini mesi wikali wakukuchika, wuwukuchiki kweyi. Hichinjikijilu chakuleja nachi mutaŋa wawaIsarela.

⁴Wakakamini nawa kukabavu keyi kachimunswa, wakashuhu kulukwamutaŋa wawaIsarela. Muwakachindila mafuku lwakakaminaku dimu wakasendela kuluwa kwawu.

⁵Muloŋa nakutwiki dehi nyaka yakuluwa kwawu, kulonda kudeyi yakekali muwakachindila mafuku, wowu mafuku makulakaji asatu, namakumi atanu namakumi awana. Dimu wakasende! kuluwa kwamutaŋa wawaIsarela.

⁶Chiwakela wunawanishi dehi wena mafuku owu, hiwakakamina nawa kukabavu keyi kachidiilu, wakasem kuluwa kwamutaŋa wawaYuda; nakutoŋweli mafuku makumi awana; ifuku mumwaka, ifuku mumwaka.

⁷Oku kwakukuchikawu Yerusalemu wakazamwinuku mesu eyi, wakedishi chikasa cheyi chejima hatooka, waki; profweti nsaŋu jakuyizuwila.

⁸Tiya, hinukukwiŋija munyonji yaditu hiwakela wubalumukila kabavu aka wubalumukila kakwawuku, chini wunawanishi dehi mafuku iwunawukuchiki.

⁹Wakanoni nitidiku, nibali, nimakundi anzeŋa, nimakundi elandi nimasa, nikachayi, wakayishi mwinuŋu yimu. Wakayili mankendi eyi wakayidyi mukwesekela mafuku iwakakamina kukabavu keyi, mafuku makulakaji asatu, namakumi atanu namakumi awana.

¹⁰Yakudya yeyi; yiwakadyaloŋa yakekali yakupezelesha chakupezelesha, jishekeli makuna ayedi mwifuku, makumi ayedi mwifuku. Wakelaŋa hahita kapinji wudya hahita kapinji wudyaa.

¹¹Nimeji wakanwaŋa akweseka chakweseka chesikelu chanswaha chamuchitanu nachimu. Wakelaŋa hahita kapinji wunwa hahita kapinji wunwa.

¹²Wakayidyaŋa neyi chadyaloŋawu mankendi abali, wakayochaŋa natuji tunafumi mwivumu damuntu, iku enda atala chiwi kwocha.

¹³Yehova nindi, Dimu mwamba kadiilaŋawu anyana kalsare yakudya yawu yamajilu, mukachi kanyuza kunakayitemwina.

¹⁴Hinukwila nami, Ala Mwanta Yehova! Tiya, kanda niditamishaŋali dehuku. Kufumisha kuwansi wami kushika nikulelu kanda nidyaŋahu dehi kanyama wakudifwila, hela wamukokaku; mbiji yakanyama watankanda yiŋilaŋahu dehi mukanwa kamuku.

¹⁵Hakuŋila nindi, Talu namutuji twamuntu nakuhiŋishilumu dehi tuji twaŋombi wiluhu yakudi; yeyi.

¹⁶Hakuŋila nawa nindi, Eyi mwana kamuntu, tiya nakakehesi yakudya muYerusalema, akadya yakudya yawu yakupezelesha chakupezi lesha, chakwakama hohu. Nimeji akanwaŋa akweseka chakweseka, chaki hayama hohu,

¹⁷kulonda akabuli yakudya nameji, akadihayami, iwa nakuhayama mukwawu, iwu nakuhayama mukwawu, nyijimba yawu yakanyaloŋa nakuluwa kwawu.