Read MUKANDA WANZAMBI Ezekiele 40 Bible Online

Ezekiele 40 - MUKANDA WANZAMBI bible

Ezekiele 40

¹Mumwaka wawukoli wetu wamakumi ayedi nakatanu, hakutachika mwaka, hefuku dakakweji damwikumi, mumwaka wekumi nakawana nanaha hatapiluwu mukala, hadena ifuku odu, chikasa chaYehova hichikwikala hadami, hakuntwala kwenoku.

²Hakuntwala mwituŋa daIsarela muyimwenu yaNzambi, hakuntenteka hampidi yasweja kuleha, hambadi yayu yakukabeta kakuchidiilu hadiŋi neyi hakutuŋila matala amukala.

³Hakunshikŋa kwenoku. Nami nitali, hikudi iyala, chamwekanayi wudineyi chamwekanaŋa wuneŋu, kuchikasa chindi kudi mwonji wambalawandaniiteti dakweseka nachu; nemani muchisu.

⁴Owu iyala hakuŋila nindi, Eyi mwana kamuntu, talaku namesu eyi, tiyaku namatu eyi, shaku muchima weyi kuyuma yejima yinukukuleja. Chanakuletuwu kunu analondi niku-leji. Yuma yejima yiwukumona wakayishimunaŋa kudi akwamutaŋa waIsarela.

⁵Nami nitali, kwitala kwanyeŋumuka chipaŋu chamalola kwi-ndo, muchikasa chanowu iyala mudi iteti dakweseka nachu, kuleha kwadu kwashika munkotweli jachikasa jitanu nayimu, nkotweli oyu yakunuŋaku nimukutoha kwachikasa chamuntu. Hakweseka mwatuŋawu, mukutoha iteti dimu, mukuleha kwiwulu iteti dimu nawa.

⁶Hakwinza kuchisu chatala kumusela, hakukandama kuwukandaminu wachu. Hakweseka iluŋa dakuchisu, mukutoha iteti dimu; iluŋa dikwawu dakuchisu, mukutoha iteti dimu.

⁷Tumatala twejima, mukuleha iteti dimu, mukutoha iteti dimu, ejima chochu ho-o. Iluŋa didi hakachi kamatala dashikili munkotweli jitanu. Iluŋa dakuchisu chakwikeki dachisu chatala kwitala, iteti dimu.

⁸Hakweseka nawa ikeki dachisu chatala kwitala, iteti dimu.

⁹Hakweseka ikeki dachisu, nkotweli jitanu najisatu; niyishimi yachu, nkotweli jiyedi; niikeki dachisu chatala kwitala.

¹⁰Tumatala twakuchisu chatala kumusela twadiŋi mbadi iyi tusatu, mbadi yikwawu tusatu nawa; mwatusatu twesekana hohu. Yishimi nawa yadiŋi nihambadi iyi, nihambadi yikwawu yesekana hohu.

¹¹Hakweseka kutoha kwakuwiŋililu wakuchisu nkotweli ikumi; kuleha kwachisu nkotweli ikumi najisatu;

¹²nimukinkita wakumesu atumatala nkotweli yimu; nimukinkita wakumbadi yikwawu nkotweli yimu nawa; tumatala twadiŋi mbadi iyi nkotweli jitanu nayimu, mbadi yikwawu nawa nkotweli jitanu nayimu.

¹³Hakweseka chisu, kufumisha kumusoŋa wakatala kamu nakushika kumusoŋa wakatala kakwawu, mukutoha nkotweli makumi ayedi najitanu, chisu chatalaŋana nachisu.

¹⁴Welili nawa yishimi, nkotweli makumi atanu nayimu, ndo nikuchishimi chamuchipaŋu chanyeŋumuka kuchisu.

¹⁵Kufumisha kumesu akuchisu, kuwiŋililu waktunesu ekeki dachisu damukachi, kwadiŋi nkotweli makumi atanu.

¹⁶Kutumatalotu nikuyishimi yanyeŋumuka mukachi kachisu, nikumapwata awujiya, kwadiŋi njanina jakwenzela; mukachi mwanyeŋumuka njanina; hayishimi yejima hadiŋi nyikoma.

¹⁷Hakuntwala muchipaŋu chakunsa, nami nitali, hikudi tumatala, nichisesa chamalola chakutuŋila chipaŋu kwi-ndo; hachisesochu hadiŋi matala makumi asatu.

¹⁸Chisesa chadiŋi kumbadi jayisu, kuleha kwachu kweseka nakuleha kwayisu, chochisesa chakwishina.

¹⁹Hakweseka kutoha kwakufumisha kumesu akuchisu chakwishina, ndo nikumesu akuchipaŋu chamukachi kunzi, nkotweli nkulakaji, nikumusela nikukabeta kakuchimunswa.

²⁰Chisu chakuchipaŋu chakunsa chatala kukabeta kakuchimunswa, wesekeli nikuleha kwachu nikutoha kwachu.

²¹Tumatala twachu twadiŋi mbadi iyi tusatu, mbadi yikwawu tusatu. Yishimi yachu nimapwatachu awujiya eseka mwomuchesekelu chachisu chakusambila, kuleha kwachu kwashika munkotweli makumi atanu, mukutoha nkotweli makumi ayedi najitanu.

²²Ninjanina jachu, nimapwatachu awujiya, ninyikoma yachu, yeseka hamu nachisu chatala kumusela. Akandaminaŋaku yimaŋu yitanu nayiyedi; mapwatachu awujiya adiŋi kumesu awu.

²³Kuchipaŋu chamukachi kwadiŋi chisu chatalaŋana nachisu chikwawu, nikukabeta kakuchimunswa nikumusela; hakweseka kufumisha kuchisu chimu nakutwala kuchisu chikwawu, nkotweli nkulakaji.

²⁴Hakuntwala kukabeta kakuchidiilu, kutala hikudi chisu chatala kukabeta kakuchidiilu. Hakweseka yishimi yachu nimapwatachu yeseka hamu nayikwawu.

²⁵Nimuchisu ochu nimumapwatachu awujiya, mwadiŋi njanina jidi neyi njanina jikwawu kwi-ndo; kuleha kwashikili munkotweli makumi atanu, mukutoha nkotweli makumi ayedi najitanu.

²⁶Kwadiŋi yimaŋu yakukandaminaku yitanu nayiyedi, mapwatachu awujiya adiŋi kumesu awu; chadiŋi nanyikoma hayishimi yachu, mbadi iyi wumu, mbadi yikwawu wumu.

²⁷Kuchipaŋu chamukachi kwadiŋi chisu chatala kukabeta kakuchidiilu. Wesekeli kufumisha kuchisu chimu nakutwala kuchisu chikwawu, kutalisha kukabeta kakuchidiilu, nkotweli nkulakaji.

²⁸Hakuntwala kuchipaŋu chamukachi kuchisu chakukabeta kakuchidiilu. Hakweseka chisu chakuchidiilu mwomwesekeliyi yikwawu.

²⁹Nitumatala twachu, niyishimi yachu, nimapwatachu awujiya, mwomwesekeliyi yikwawu. Nimuchisu ochu nimumapwatachu awujiya mwadiŋi njanina kwi-ndo. Mukuleha chashikili munkotweli makumi atanu, mukutoha nkotweli makumi ayedi najitanu.

³⁰Kwadiŋi mapwata awujiya kwi-ndo, mukuleha nkotweli makumi ayedi najitanu, mukutoha nkotweli jitanu.

³¹Mapwatachu atalili kuchipaŋu chakunsa. Hayishimi yachu hadiŋi nyikoma. Hawukandaminu wachu hadiŋi yimaŋu yitanu nayisatu.

³²Hakuŋiŋŋa muchipaŋu chamukachi chakumutamba wakumusela. Hakweseka chisu mwomwesekeliyi yikwawu;

³³nitumatala twachu, niyishimi yachu, nimapwatachu awujiya, mwomwesekeliyi yikwawu. Nimuchisu nimumapwatachu awujiya mwadiŋi njanina kwi-ndo. Mukuleha chashikili munkotweli makumi atanu, mukutoha nkotweli makumi ayedi najitanu.

³⁴Mapwatachu awujiya atalili kuchipaŋu chakunsa. Hayishimi yachu hadiŋi nyikoma, mbadi iyi wumu, mbadi yikwawu nawa wumu. Hawukandaminu wachu hadiŋi yimaŋu yitanu nayisatu.

³⁵Hakuntwala kuchisu chakukabeta kakuchimunswa. Hakweseka mwomwesekeliyi yikwawu;

³⁶nitumatala twachu, niyishimi yachu, nimapwatachu awujiya; mwadiŋi njanina kwi-ndo. Mukuleha chashikili munkotweli makumi atanu, mukutoha nkotweli makumi ayedi najitanu.

³⁷Yishimi yachu yatalili kuchipaŋu chakunsa. Hayishimi yachu hadiŋi nyikoma nimbadi iyi nimbadi yikwawu nawa. Hawukandaminu wachu hadiŋi yimaŋu yitanu nayisatu.

³⁸Kuyishimi yakuyisu kwadiŋi katala kakweti chenzelu. Kwenoku diku kwakoselaŋawu nyilambu yakushita.

³⁹Kwikeki dachisu kwadiŋi mbadi iyi jimesa jiyedi, mbadi yikwawu jimesa jiyedi nawa, kulonda kujahilaŋahu nyilambu yakushita, ninyilambu yahanshidi, ninyilambu yakutanya.

⁴⁰Mbadi yahanzi yimu yakuya kuwiŋililu wakuchisu chatala kukabeta kakuchimunswa kwadiŋi jimesa jiyedi. Kumbadi yikwawu yekala kwikeki dachisu kwadiŋi jimesa jiyedi nawa.

⁴¹Mbadi iyi jimesa jiwana, mbadi yikwawu nawa jimesa jiwana, kumbadi yachisu; jimesa jitanu najisatu jakujahilaŋa yimuna.

⁴²Kwadiŋi jimesa jamalola akubalula jiwana, janyilambu yakushita, mukuleha nkotweli yimu nachiketu, mukutoha nkotweli yimu nachiketu, mukuzandama nkotweli yimu. Dihu hashilaŋawu yuma yakujaha nachu nyilambu yakushita nayimuna.

⁴³Mwitala aŋataŋatamu malonda kwi-ndo, malondowu kuleha kwawu kweseka mukutoha kwachikasa chamuntu. Hajimesa hakushaŋa mbiji janyilambu.

⁴⁴Hanzi yachisu chamukachi hadiŋi matala awakwakwimba tumina, muchipaŋu chamukachi chadiŋi kumbadi yachisu chakukabeta kakuchimunswa. Matalowu atala kukabeta kakuchidiilu. Kumbadi yachisu chakumusela kwadiŋi dimu datala kukabeta kakuchimunswa.

⁴⁵Hakuŋila nindi, Idi itala datala kukabeta kakuchidiilu, dawatupristu akwakuhemba lushiiku lwakwitala.

⁴⁶Itala datala kukabeta kakuchimunswa, dawatupristu akwakuhemba lushiiku lwakukameŋa. Wowu anyana kaZadoki, wowu anyana kaLevi akundamaŋa kwakwihi naYehova kulonda kumukalakela.

⁴⁷Wesekeli chipaŋu, mukuleha nkotweli nkulakaji, mukutoha nkotweli nkulakaji, chesekana mbaŋu jejima jiwana. Kameŋa kadiŋi kumesu etala.

⁴⁸Hakuntwala kwikeki dakwitala, hakweseka yishimi yakwikeki yejima, chimu mbadi yimu nkotweli jitanu, mbadi yikwawu nkotweli jitanu nawa, yejima hohamu. Mukutoha kwachisu mwadiŋi mbadi iyi nkotweli jisatu, mbadi yikwawu nawa nkotweli jisatu.

⁴⁹Kuleha kwekeki kwashikili munkotweli makumi ayedi, mukutoha nkotweli ikumi nayimu, kwokuyimaŋu yakukandaminaku. Kuyishimi kwadiŋi yishimi, mbadi iyi chimu, mbadi yikwawu nawa chimu.