Read MUKANDA WANZAMBI Ezekiele 5 Bible Online

Ezekiele 5 - MUKANDA WANZAMBI bible

Ezekiele 5

¹Eyi mwana kamuntu, nonaku mpoku yakabali yatwa, wuyinoni nechanonaŋayi mukwakutewula ntewula yindi, wuyihitishi nikumuli weyi nikuwevu weyi. Wunoni pezu yakupezelesha nachu, wambuli nadi nsuki, maseka asatu.

²Iseka dimu wakadochi mukesi mukachi kamukali hakela mafuku akukuchika mukala anawani dehi. Kwiseka dikwawi wakatapoluku nampoku yakabali niniku, niniku. Iseka dikwawu waki dikuwili mumpepela, ami nakasomona mpoku yakabali nakayilondesi mwakuyawu.

³Wakanonumu jantesha, wakajikasili kumahineyi.

⁴Hekweniku nawa wakanonuku, jikwawu wakajinatili mukachi kakesi, wakajochi mukesi; kwenoku diku kwakafuma kesi kakashika mumutaŋa wawaIsarela wejima.

⁵Mwanta Yehova nindi, Iwu diyi Yerusalema. Namushi dehi mukachi kanyuza, nimukachi kamatuŋa anamunyeŋumuki.

⁶Yena kwindi nadika dehi nawuŋaji wami nakutamisha chakubadika nyuza, nadikaŋi nayidili yami chakubadika matuŋa anyeŋumukaku; muloŋa wena wuŋaji wami, nákubula kwenda muyidika yami.

⁷Dichi Mwanta nindi, Muloŋa munaswejeshi dehi chakubadika nyuza yayi munshimbi jami kwendamu nehi, wuŋaji wami kuwuhemba ne kwila mwaya yijila yanyuza yayinyeŋumuka nehi.

⁸Dichi Yehova nindi, Tiyenu, yamowu! Nidi neyi nandombu mukachi keyi mwaya wuŋaji wami, nyuza yejima yitalaŋa.

⁹Nakona mudeyi munabulahu dehi kuyikoŋa, hela kumbidi hinamba kai nansaŋu jayishimashima yeyi yejima.

¹⁰Dichi atata jawi anyanawu mukachi keyi, anyana niwena akadya atata jawu mudeyi mwaya wuŋaji, antu amudeyi anashaluhu ejima i mumpepela.

¹¹Dichi Mwanta Yehova nindi, Chalala, chinahandichi kwa najiloli malalami nayuma yeyi yejima yikweti niwunyeŋu, nay yeyi yejima, ami nakakukehesha, disu dami hidaka anakeni hinakekala nawa naluwuku.

¹²Iseka deyi dimu dakafwa akanoŋela nawa mukachi keyi nanzala. Iseka dikwawu champoku yakabali kwakwihi naneyi kwi-ndo. Iseka dikwawu mumpepela jejima, ami nakayisomwena mpoku yakabali kwaku.

¹³Dimu mwakamanina kuzuwa kwami, dimu munakanookeshi muka kwami kuna kayilendu mukila, nakatiya nihi-i. Akeluki; Yehova nahoshi dehi neyena dakumuchima wami, hinakelana ikulendumuka kwami kwakuyilendu mukila.

¹⁴Nakakubalumuna kwikala ihembi, nakakusawisha muka yakunyeŋumuka kwi-ndo, kumesu awantu ejima akahitahitaŋaku.

¹⁵Chake kala chuma chakusawuka nachu, chakukuhoshola nachu, chaku maana, chakuhayama kudi nyuza yakunyeŋumuka kwi-ndo, mudeyi mwaya wuŋaji chakuzuwa nakulendumuka, nakuyihosha yilendumukila. Ami Yehova yami inachihoshi.

¹⁶Chinaki; mukachi kenu nsewu jatama janzala, jakuyijilumuna nachu, jinaki kulonda kuyijilumuna; chinakayiswejeshela nzala, chinakakehe yenu.

¹⁷Nakayitemeshela ninzala, nianyama atama, akayiboni wenu; mweyi mwakahitahita niyipupu nimashi. Nakakule yakabali. Ami Yehova yami inachihoshi.