Read MUKANDA WANZAMBI Ezekiele 7 Bible Online

Ezekiele 7 - MUKANDA WANZAMBI bible

Ezekiele 7

¹Izu daYehova denjili kudami,

²nindi, Eyi mwana kamuntu, tiya ishiyi Mwanta Yehova netuŋa daIsarela, nindi, Kukuma, wani dehi mbaŋu jetuŋa jiwana.

³Kukuma kunakuwani esha kuzuwa kwami kwakakuwani. Nakakusompesha mwaya ayaloŋa. Nakakushikŋila yishimashima yeyi yejima.

⁴Disu dami hidakwanakenaku, hinakekala naluwuku. Nakakushikŋila njila ashima yeyi yakekala mukachi keyi. Mwakeluka nenu yami.

⁵Mwanta Yehova nindi, Kutama, kutama kumu! Tala, hikukwinza.

⁶Kukuma hikukwinza, kukuma hikukwinza, kunakutoneni. Tala, hikukwinza.

⁷Eyi washakama mwituŋa, jiwukumona jinashiki dehi. Mwaka ifuku hididi kwakwihi; ifuku depumba, hiifuku dakuzaŋajala nakudikuwaku, dinenzi hamapidi.

⁸Ichi dinu keŋa nikwichili kulendunikumanishili kuzuwa kwami, nikusompeshi mwaya njila nikushikŋili yishimashima yeyi yejima.

⁹Disu dami hidikwanakenaku hinukwikala naluwuku. Nukukushikŋila jeseka nanjila jeyi limashima yeyi yikwikala mukachi keyi. Wakeluka neyi yami nidi nakukweta.

¹⁰Tala ifuku, tala hidikwinza; jinakuwani dehi. Mbwechi yakenuka wanta kunameni dehi nyitombu.

¹¹Ndombu yinemani dehi, vechi yakutama; hosi wakashala hoku, hela asweja kuvula, iheta. Hosi wakayidilaku.

¹²Mwaka wunashiki dehi, ifuku rakwihi. Mukwakulanda bayi azaŋalalaku, mukwakulandisha ku, muloŋa ndombu yinayiwani dehi izaza dawu dejima.

¹³Mukwakulandisha hakafuntila cheŋi chuma chalandishayi dehuku, hela nomi. Muloŋa chimwenu chinateni dehi izaza dawu dejima isi wakafuntaku; hosi wakadikolesha nakuluwa kwahamafuku akahandayuku.

¹⁴Emba dehi mpùŋa, aloŋesha loŋesha dehi yuma yejima; hela chochu, unjitaku; muloŋa ndombu yami yinayiwani dehi izaza dawu dejima.

¹⁵Hanzi hadi mpoku yakabali, mukachi mudi chipupu ninzala. Wùdi nampata wakafwa kumpoku yakabali, wudi mumukala akamudya achipùpu.

¹⁶Akwakupuluka akapuluka, akekala hamapidi twamuyinekineki, wejima wawu nakudishonashona hohu, kwindi, iwu nakuluwa kwindi.

¹⁷Makasawu ejima akela imanuŋu ejima mwakela kwa-zo neyi meji.

¹⁸Akakasa yikeleyi mumbunda, akavwala mutentu, nsonyi yakabuta mesu awu ejima, yejima hakekala kwamabala hohu.

¹⁹Siliva yawu akayinatila iwuru wawu wakekala tuhu neyi chuma chamajilu. Siliva yawu niwuru wawu hiyakatwesha kuyipulwisha mwifuku dandombu yaYehovaku. Hiyakwikuta hela kwinzesha mavumu awuku, muloŋa yadiŋi chuma chakuyidimbwisha mukuluwa kwawu.

²⁰Kwinza lubanji lwindi lwakudiwahisha nachu, walushililumu nindi lwikali lwawuyaji nawukeleŋi; ilaŋa wena hiyakwililamu akishi ayishimashima yawu, niyuma yawu yawunyeŋu. Dichi chinalubalumuni dehi lwikali neyi chuma chawu chamajilu.

²¹Hinukuluhana nikudi antu akwacheŋi alupupi tuhu kwawu, hinukuluhana kudi antu aheseki atama alupupi tuhu kwawu; akalutamisha kwawu.

²²Nakabalumuna mesu ami nakuyifutalela, akatamisha kwami kwaswamana; akwakubuwa akeŋilamu, akatamishamu.

²³Fulenu ileŋi, muloŋa ituŋa dinenzali dehi nyiloŋa yamashi, nimukala wunenzali dehi madombu.

²⁴Dichi nakaleta antu amunyuza asweja kutama, akatambula matalawu. Wanta wadinkawu akwaŋovu nakawukumisha; nakajilola malalawu eŋi na eŋi.

²⁵Kujilumuka hikukwinza. Akakeŋakeŋa kumwena, hiyakakumonaku.

²⁶Kwakenza yuma yakala, vakwila mwinziyi, mwinziyi; kwakenza nsaŋu yanáwunáwu, yakwila mwinziyi, mwinziyi. Akakeŋakeŋa chimwenu kudi kaprofwetu; atupristu hiyakamona nawa cheŋi nshimbuku, awakulumpi hiyakamona nawa cheŋi mpùŋaku.

²⁷Mwanta wakadila, mulopu wakavwala wumwaŋaji, makasa awantu amwituŋa akamona ihuŋu. Nakayikoŋa mwaya njila yawu yendeluwu, nakayisompesha mwatelela yuma yawu yakoŋeluwu. Akeluka nawu yami Yehova.