Read MUKANDA WANZAMBI Daniele 12 Bible Online

Daniele 12 - MUKANDA WANZAMBI bible

Daniele 12

¹Hampinji oyu Mikeli wakemana, yowu kalamba muneni wemenaŋa akwamuza wenu muloŋa hakekala mpinji yayihuŋu yakadi kumonaŋahu dehi, kufumisha hadiŋi muza kushika nikumpinji oyu. Hampinji oyu muza wenu wakapuluka, onsu akawanawu anayisoneki mumukanda.

²Amavulu akama mulunkuŋu lwamaseki akatona, amakwawu akatonena wumi wahaya nyaka, amakwawu akatonena nsonyi nakusawuka kwahaya nyaka.

³Akwamaana akatoŋeka neyi chatopekaŋa iwulu; akondolaŋa akwawu amavulu ayi mukuloŋa akatoŋeka neyi tutumbwa haya nyaka nanyaka.

⁴Hakwila eyi Danyeli, jikaku mazu awa, lamikaku mukandiwu, ndo nikumpinji yakukuminina. Amavulu akaya lufuchi niniku niniku, akavulisha kwiluka.

⁵Ami Danyeli natalili, komana kunemani amakwawu ayedi, wumu kuchi kumu chakaloŋa ishinadi idi, mukwawu kuchi kumu chakaloŋa ishinadi di kwawu.

⁶Wumu hakumwila owu muntu wavweli mahina amawahi, wadiŋi hewulu dameji akaloŋa, nindi, Mudi nyaka yiŋahi nakushi ka hakakumishawu yihayamishiyi?

⁷Namutiyili owu iyala wavweli mahina amawahi, wadiŋi hewulu dameji akaloŋa, chanololiyi chikasa chindi chachidiilu nichikasa chindi chachimunswa kwiwulu, hakusanyika wahandaŋa haya nyaka, nindi, Mudi mpinji, ŋijimpinji, nimpinji yachibalu; chakelawu anakumishi dehi kukotola Ŋovu jamuza wajila kotu-kotu, yuma yejimiyi yakamana.

⁸Kutiya natiyili, ilaŋa kwiluka muchaya nehi. Dichi liinukwila nami, Eyi nkaka yami, yumiyi yakamanina mudihi?

⁹Yena nindi, Eyi Danyeli, yaloŋa kweyi; muloŋa mazu awa anayijiki, anayilamiki ndo nikumpinji yakukuminina.

¹⁰Amavulu akaditookesha akatooka to-o, akakoseka; ilaŋa ntu atama akelaŋa chatama; kwosi muntu watama wakeluka mwokuku; chiŋa akwamaana diwu akelukamu.

¹¹Kufumisha kumpinji yakafumishawu himulambu wakushita wahefuku hefuku, yakemikawu chishimashima chaleteshaŋa mahembi, mudi mafuku ikombakaji namakulakaji ayedi, namakumi atanu namakumi awana.

¹²Muntu wukuchiŋilila nakushi ka kumafuku ikombakaji namakulakaji asatu, namakumi asatu natanu, nakooleki.

¹³Eyi kweyi yaloŋa kweyi nichakashika kukuminina; muloŋa eyi wakanooka, wakemana mwiseka deyi kwakakumina mafuku.