Read MUKANDA WANZAMBI Hosea 11 Bible Online

Hosea 11 - MUKANDA WANZAMBI bible

Hosea 11

¹Hadiŋiyi Isarela kansi, namukeŋeli, natambikili mwanami weyalaafumi muEjipitu.

²Chinabadikili kuyitambika hiyakubadika kuya mwacheŋi. Hiyakuketwila aBayali yimuna, akishi akusoŋa hiyakuyochela yamavumba amawahi.

³Kutoŋa nalejeli Efweremi kwenda, yami; nayakatili hamakasami; kwinza kwiluka nawu yami nayukili nehi.

⁴Nayikokeli nanyonji yeyala, yonyonji yakukeŋa. Kudi wena nadiŋi neyi chaduwu antu akufumisha mpanda hayibaŋa yawu, nayibandaminini nakuyidiisha.

⁵Hakafunta cheŋi mwituŋa daEjipituku, kaAshuri diyi wakekala mwanta wawu, nanochu chalekeluwu kufunta.

⁶Mpoku yakabali yakazuwila nyikala yindi, yakanoŋesha nyikomenu yindi, yakayivwota hansaŋu jampùŋa jatiyaŋenuwu.

⁷Antu ami ata muchima hakuselumukila hanyima afumi kudami. Hela neyi akuyitúumbakesha kudi wekala mwiwulu, kwosi muntu wakamutúumbakesha yenaku.

⁸Eyi Efweremi, nitweshi ŋahi kukulekela akwankunyi? Eyi Isarela, nitweshi ŋahi kukuhana? Nitweshi ŋahi kukufwikŋa neyi Adima? Nitweshi ŋahi kukukoŋa neyi Zeboyimi? Muchima hiwukubalumuka mwivumu, ami nasweji dehi kutiya wushona.

⁹Hinakakoŋa mwaya kuzuwa kwami kwaswejaku, hinakafunta cheŋi nakujilumuna aEfweremuku; muloŋa ami niNzambi, hinimuntuku, yami Wajila mukachi kenu; hinakenza mumukala nandombuku.

¹⁰Akenda munyima yaYehova, yena wakabuluma neyi mutupa; chakabulumayi anyanindi akafuma kumuji ka, akenza nakuzaala.

¹¹Akafuma muEjipitu, akenza neyi kajila nakuzaala, akafuma kuAshuri neyi katela; nakayishakamisha mumatalawu. Dimu mwanahoshiyi Yehova.

¹²Efweremi hakunnyeŋu mwisha kutwamba, akwamutaŋa waIsarela niwena hiyakunnyeŋumwisha makasu. Ilaŋa Yuda wuchidi kuyula naNzambi yindi, amumona kushinshika kudi Wajila.