Read MUKANDA WANZAMBI Jonasi 4 Bible Online

Jonasi 4 - MUKANDA WANZAMBI bible

Jonasi 4

¹Ilaŋa Yona kwindi watiyili kutama nankashi, wazuwili.

²Walombeli kudi Yehova, nindi, Eyi Yehova mwani, hidimu nahosheli hinachidiŋi kwituŋa detuku? Dichi chinanyakeli kutemukila kuTarashishi. Muloŋa ami nelukili nami eyi wuNzambi wasweja luwi, wenzala mbe nawushona, hiwazuwaŋaa swayuku, wavulisha nankashi kwanakena, wafuntishaŋa muchima mwivumu, kwila chuma chatama nehi.

³Dichi dinu, eyi Yehova, antambuli mwani wumi wami. Muloŋa chinawahi ami kufwa hohu, hichinawahi kuhandaku.

⁴Yehova welili nindi, Chachiwahi chiwukuzuwa?

⁵Nochu Yona wafumini mumukala, wayili nakushakama kumbadi yamukala yamusela, watuŋili chisolu chindi, washakaminumu muwulelu, kulonda atali chiyakawilawu mukala.

⁶Yehova Nzambi waloŋesheli mutondu watandalaŋa nyoli, wawilili hiwukutandala hewulu daYona, kulonda wili wulelu hewulu danamutu windi, kulonda wumuhandishi hadiyi hatama. Yona watiyili kuwaha nankashi nanowu mutondu.

⁷Neyi kunachi habudidi Nzambi waloŋesheli isenda, daketwili mutondu owu, walepukili.

⁸Chineli itena danyamuka dehi kwiwulu, Nzambi hakuloŋesha mpepela yakumusela yikweti iyena; ninkanza yeteli hanamutu waYona, hakuhwidejela hohu, walombeli nindi afwi, nindi, Chinawahi ami kufwa hohu, hichinawahi kuhandaku.

⁹Nzambi hakumwila Yona nindi, Chachiwahi chiwukuzuwa nansaŋu yamutondu, tahindi? Yena nindi, Eŋa, chachiwahi ami kuzuwa, helakufwa nifwi tuhu.

¹⁰Yehova hakumwila nindi, Eyi wunakeŋi kwanakena mutondu wabulili kukabakenahu, hiyeyi wawukulishiluku; wameneni kwawu wufuku wumu hohu, nikuuma womini wufuku wumu hohu.

¹¹Komana ami nibuli kwanakena Nineve, mukala wuna weneni mwekala antu nkulakaji namakumi ayedi amakombakaji achidi kanda eluki nichikasa chachidiilu nichachimunswaku; mwekala nawa ni ayimuna amavulu?