Read MUKANDA WANZAMBI Numere 10 Bible Online

Numere 10 - MUKANDA WANZAMBI bible

Numere 10

¹Yehova wahosheli naMosi,

²nindi, T uŋaku mpuŋa jasiliva jiyedi, wakajituŋa jakuchila chakuchila, jeyi jakutambikaŋa nachuchipompelu, kulonda kunyamwishaŋa nachu yilombu.

³Chakajimbawu, chipompelu chejima liichakapompa kudeyi kuchisu chetenti dakubulakena.

⁴Chakwimbawu yimu, atulamba, wowu anyanta amakombakaji awaIsarela, akapompa kudeyi.

⁵Chimukwimba pu-u-u, yilombu yidi kumutambawamusela hiyakunyamuka hiyakuya munjila yawu.

⁶Chimu kwimbaka muchiyedi pu-u-u, yilombu yidi kumutamba wakabeta kakuchidiilu yakanyamuka, hiyakaya munjila yawu; hakanyamukawu akemba pu-u-u.

⁷Neyi munakeŋi kupompesha antu ejima mwakembaŋa, ilaŋa kwimbachawoma nehi.

⁸Anyana kaAroni, wowu atupristu diwu akembaŋampinja, jalushimbi lwenu lwahaya nyaka nimwamba kavwalikaŋa anyanenu.

⁹Chimwamba kayaŋa nakwasa njita nawakwankunyi nenu akayikabisha mwituŋa denu, mwakembaŋa mpùŋa pu-u-u; hiyakayanukaŋa kumesu aYehova Nzambi yenu, akayamwina kudi ayilumbu jenu.

¹⁰Nimwifukudenu dachiseki, hela hayawŋa yenu yayishiikawu, hela hatachikilaŋa tukwejitwenu, hela hanyilambu yenu yakusnita, hela hayimuna yanyilambu yenu yakuwunda, mwakembaŋa mpùŋa, jakekalaŋa jakuyanuka nachu kumesu aNzambi yenu; yami Yehova Nzambi yenu.

¹¹Woho, mumwaka wamuchiyedi, mukakweji kamuchiyedi, mwifuku dakakweji damakumi ayedi, ivu hidikunyamuka hatabanaka yawunsahu hidadiŋi.

¹²Anyana kaIsarela anyamukili mwomwendelelaŋawu, afumini mwisaŋa dakuSinayi; ivu hidikushakama mwisaŋa daParani.

¹³Atachikili kwenda njila yawu, mwomwayilejeluwu kudi Yehova kukanwa kaMosi.

¹⁴Mpandelu yachilombu chawanyana kaYuda diyi yasambililaŋahu dehi kunyamuka, yanyamukili mwomwendelelapa yendu yawu; Nahashoni mwana kaAminadabi diyi mwanta wachendu chindi.

¹⁵Wadiŋi mwanta wachendu chamuchidi wawanyana kaIsakari diyi Netaneli mwana kaZuwari.

¹⁶Wadipi mwanta wachendu chamuchidi wawanyana kaZebuluni diyiEliyabi mwana kaHeloni.

¹⁷Hiyakulemuna nitabanaka, nanyana kaGereshoni, nanyana kaMeraŋa sendelaŋa tabanaka hiyakunyamuka.

¹⁸Mpandelu yachilombu chaRubeni hiyikunyamuka hiyikwenda mwomwendelelaŋa yendu yawu; Elizuri mwana kaShedeyuri diyi mwanta wachendu chindi.

¹⁹Wadiŋi mwanta wachendu chamuchidi wawanyana kaSimeyona diyi Shelumiyeli, mwana kaZurishadayi.

²⁰Wadiŋi mwanta wachendu chamuchidi wawanyana kaGadi, diyi Eliyasafwi, mwana kaDeyuweli.

²¹AKohati niwena hiyakunyamuka asenda malala; akwawu hiyakulemaŋahu dehi tabanaka wena kanda ashiki.

²²Mpandelu yachilombu hawanyana kaEfweremi hiyikunya mukahiyi kwenda mwomwendelelapa yendu yawu; Elishama mwana kaAmihudidiyi mwanta wachendu chindi.

²³Wadiŋi mwanta wachendu chamuchidi wa wanyana kaManase, diyi Ŋamaleli mwana kaPedazuri.

²⁴Wadiŋi mwanta wachendu chamuchidi wawanyana kaBenjamini, diyi Abidani, mwana kaGideyoni.

²⁵Mpandelu yachilombu chawanyana kaDani, chilombu chakumishilu kuhanyima yayilombu yejima, yanyamukili, hiyikwenda mwomwendelelaŋa yendu yawu; Ahiyezeri mwana kaAmishadayi diyi mwanta wachendu chindi.

²⁶Wadiŋi mwanta wachendu chamuchidi wawanyana kaAsheri, diyi Paŋiyeli mwana kaOkirani.

²⁷Wadiŋi mwanta wachendu chamuchidi wawanyana kaNafwatali, diyi Ahira mwana kaEnani.

²⁸Dimu mwendelelaŋawu anyana kaIsarela mwahita yendu yawu; hiyakunyamuka.

²⁹Mosi wamwilili Hobabi mwana kaReyuweli kaMidiyani, muku waMosi, nindi, Hitukwenda njila yetu yakuya kwituŋa danatwiliyi Yehova, nindi, Nakayinkadu; tuyi neyi, twakakwila chachiwahi; muŋa Yehova nahoshinindi wakayila aIsarela chachiwahi.

³⁰Wamwilili nindi, Hinukuyaku, nukuya kwami kumukala wetu kudi awusoku wami.

³¹Yena welili nindi, B ayi wutushiyaku mwani, muloŋa eyi yeyi weluka kwakutuŋila yilombumwisaŋa, wakekali mesu etu.

³²Chakela, neyi tukuya neyi, yayiwahi yakatwilayi Yehova yejima, twakakwilamu nineyi.

³³Anyamukili kumpidi yaYehova, endeli lwendu lwawu mafuku asatu; chimbaŋu chachitiyaŋenu chaYehova chatwaminini kumbidi lwendulwa mafuku asatu, kulonda kuyitondela hakunookela.

³⁴Chanya mukiluwuha chilombu, ivu daYehova dadiŋi hadi wena namwa ana.

³⁵Chelili, hanyamukilaŋa chimbaŋu, Mosi hakwila nindi, Nyamukaku eyi Yehova, ayilumbu jeyi amwaŋali; akuhela atemuki kuwukuya.

³⁶Hachitulilaŋawu hakwila nindi, Eyi Yehova funtaku kumakumi amakombakaji amakombakaji aIsarela.