Read MUKANDA WANZAMBI Numere 11 Bible Online

Numere 11 - MUKANDA WANZAMBI bible

Numere 11

¹Antu hiyakutobatoba, Yehova watiyili chahosheluwu chatama; chachitiyiliyi Yehova wazuwili; kesi kaYehova kocheli mukachikawu, kanoŋesheli amakwawu kunsa yachilombu.

²Antu abileleli kudi Mosi, Mosi walombeli kudi Yehova, kesi kajimini.

³Kwenoku atumbiluku ijina nawu kuTabera, nanochu chocheli kesi kaYehova mukachi kawu.

⁴Luntu lwawantu akwacheŋi nakwacheŋi adibombabombeli mukachi kawu, atachikili kutiya lwisu; anyana kaIsarela niwena nawa adilili makumbu, nawu, Wukutwinka mbiji hinyi?

⁵Tunaanuki inshi twadiilaŋa muEjipitu yakadi nindandu, nitutanda, nimachimpa, nimafu, nisapoli, nikanyenzi,

⁶nyichima yetu yatúuma dehi mumavumu chau, kwosi chuma chitunamoni nichimu, chiŋa yowu manina hohu.

⁷Manina adiŋi neyi masa, kuyitala adiŋi neyi chikwawusaŋa wutooka.

⁸Antu amwaŋelaŋa nakunona, ayihalilaŋa hamalola, ayitwilaŋa mumayanda, ayitelekelaŋa mwinuŋu, ayililaŋa mankendi, ivumba dayu dadiŋi neyimanji amaha.

⁹Chaholokelaŋa wuumi hachilombu nawufuku manina aholokelelaŋa.

¹⁰Mosi watiyili antu hiyakudila mwahita yisaka yawu, iwu hakudila kuchisu chetenti dindi, iwu hakudila kuchisu chetenti dindi, Yehova hakuzuwanankashi; Mosi atiya nikutama.

¹¹Mosi hakumwila Yehova, nindi, Wunankoŋelidi ami kambuŋeyi chatama? Wunabulidi kuntoŋa, mwakawuntwiki chiteli chawantu ejimawa?

¹²Ami yami nemitili antu ejimawa? Yami nayivweli, mwaka winzi wuŋili neyi yeleki hantulu yeyi, neyi chelekapayinsemi mwana waamwapa, ninzi niyitwali kwituŋa diwasanyikililiankakulula jawu?

¹³Indi ami mbiji yakwinka antu ejimawa nukuyiwanakudihi? Awa akundililawa nawu, Twinki mbiji tudyi.

¹⁴Hinatweshikweleka antu ejimawa kanka wamuku, chiteli chinasweji kulema.

¹⁵Neyi dichi chiwukuŋila, njahi tuhu kwami mwani, neyi wunantoŋuhu, indinimonaŋahu tuhu kwami ihuŋu didi chochichi!

¹⁶Yehova wamwilili Mosi, nindi, Mpompesheli awakulumpi awaIsarela makumi atanu nayedi, iwamona kwikala awakulumpi awantu, alema mukachika wakwawu; wuyishikŋi kwitenti dakubulakena, akemanuku chimu naneyi.

¹⁷Nukuzelumuka nakuhanjika naneyi kwenakuna, kuspiritu yekala hadeyinukunonaku, nukusha hadi wena, kulonda akukwashi kusenda chisenda chawantu, wubuli kuchisenda kanka weyi.

¹⁸Kayili antu neyi, Dŋilikilenu nsaŋu yakumadiki, mwakadyi mbiji, muloŋa munadilili dehi kumatu aYehova, nenu, hinyi wukutwinka mbiji? Nenu, muEjipitu twadiŋi tuhukwetu chachiwahi. Dichi Yehova wakayinka mbiji, mwakadya.

¹⁹Himwakadya ifuku dimu, hela mafuku ayedi, hela mafuku atanu, helamafuku ikumi, indi kwiji mafuku makumi ayeduku;

²⁰chiŋa kakwejikejima puchi chikupu, ninichi chiyakayofwoka mumazulu enu, himwa kayi tiyanikafulumba kumuchima; muloŋa munamúumbi dehi Yehova wekalamukachi kenu, munamudilili dehi yena, nenu, Twafumininidi muEjipitu?

²¹Mosi hakwila nindi, Awa antu nashakama nawu, chikaŋa mashidika hohuwowu adi makombakaji makulakaji atanu nadimu, wili neyi nukuyi nkambiji yakudya kakweji kejima chikupu?

²²Akuyŋahila nyikanka yampembina nyikoku naŋombi kulonda awanini tahindi? Indi ntahi akuyikuŋwilainshi jamukaluŋalwiji jejima kulonda awanini tahindi?

²³Yehova hakumwila Mosi, nindi, Chikasa chaYehova chinakaŋanyi dehi komana? Wakatala munahoshi neyi mwakamwekana indi kwiji nehi.

²⁴Mosi wedi kili, walejeli antu mazu aYehova. Wapompesheli awakulumpi awantu makumi atanu nayedi wayimikili kwitenti kwi-ndo.

²⁵Yehova wazelu mukili mwivu, wahosheli nindi, kuspiritu yadiŋi hadi yena wanonenuku, wayishili hadi owu awakulumpi makumi atanu nayedi. Chelili spirituyinashiki dehi hadi wena, hiyakuprofweta chakukumishila hohenohu.

²⁶Ilaŋa kuchilombu kwasheli amayala ayedi, wumu ijina dindi Eledadi, mukwawu ijina dindi Medadi; spiritu yashi kili hadi wena diwu owuasonekeluwu, ilaŋa wena kwitenti hiyayili kwoku. Wena aprofweteli muchilombu.

²⁷Mukwenzi wumu wayili lufuchi nakuleja Mosi, nindi, Eledadi naMedadi hiyakuprofweta muchilombu.

²⁸Mwana kaNuni Yoshuwa, kambanji kaMosi, mukwenzi wahadi atondeliyi, wahosheli nindi, Eyi mwanta wami Mosi, yilekeshi.

²⁹Kuchinka Mosi nindi, Wunatiyiichima hamujimba wamami? Neyi antu aYehova ejima adiŋi atuprofwetu, ayishila spiritu yindi, mutenowu o kuwaha!

³⁰Mosi wafuntili muchilombuniyena niakulumpi awaIsarela.

³¹Kudi Yehova kwafumini mpepela yafumishili atupumbi kukalupalwŋi hiyi kuyiholwela kuchilombu, ishinadi dinu dachilombu kuleha neyi kwakwenda ifuku dimu, niishinadi di kwawu dachilombu kuleha neyi kwakwendaifuku dimu, chilombu chejima kwi-ndo, mudita wamulumba wawu wesekelimunkotweli jachikasa jiyedi kwiwulu neseki.

³²Antu anyamukili nakukuŋula tuŋumbi mwaana wejimowu, niwufuku wejima, niifuku dalondelumu dejima. Wakuŋwili ngungungu ikumi diyi wakuŋwili yantesha. Ayanyikili chilombu chejima kwi-ndo.

³³Mbŋi yichidi tuhu kumaji, nikuyitafunyatuhu kanda, Yehova wayizuwilili antu, Yehova wayeteli antu nachipúpucheneni nankashi.

³⁴Kwenoku atumbiluku ijina nawu, kuKibiroti Hatava; nanochu chiyajiikiluku antu adiŋi nalwisu.

³⁵Antu endeli njilayawu, afumini kuKibiroti Hatava ayili kuHazeroti. Ashakamini kuHazeroti.