Read MUKANDA WANZAMBI Numere 12 Bible Online

Numere 12 - MUKANDA WANZAMBI bible

Numere 12

¹AMiriyami naAroni anamutupwili Mosi hansaŋu yamumbanda wakaKushi asumbwiliyi; muloŋa yena wasumbwili mumbanda wakaKushi.

²Nawu, Mwalala Yehova nahoshi naMosi hohu, kuhosha nanetunehi, tahindi? Yehova hakuchitiya.

³Yenowu iyala Mosi wadiŋi mwovunankashi, kubadika amayala ejima ekala heseki dejima.

⁴Yehova hakuhosha chakukasumwisha, hakuyila aMosi naAroni naMiriyami, nindi, Twayenukwitenti dakubulakena mwasatu wenu. Enjili mwasatu wawu.

⁵Yehova wazelumukilili muchishimi chevu, wemeni kuchisu chetenti, watambikili Aroni naMiriyami, wejima wawu ayedi edi kili.

⁶Nindi, Tiyenu munukuhosha. Neyi mukachi kenu mudi kaprofwetu, ami Yehova nukudi mwekesha ŋakudi yena muchimwenu, nukuhoshapa nindi mukulota.

⁷Kambuŋa miMosi hadi chochochuku. Yena washinshika mwahita itala dami dejima.

⁸Yena nukuhosha nindi mesu namesu, chalumbuluka chikupu, bayi nayishimuku. Wakamutalaŋa Yehova mwekalilayi swi-i. Indi enumunabulilidi kubula woma wakunamutuŋiula kambuŋami Mosi?

⁹Yehova wayizuwilili; hakufumaku.

¹⁰Ivu difuma nihetenti hidadiŋi. Nawu amutali Miriyami neli dehi mbumba, to-o neyi mpeza. Aroni nindi amutali Miriyami wela dehi kwambumba hohu.

¹¹Aroni wamwilili Mosi, nindi, Mwanta wami, bayi wutwinka muloŋa wanshiduku mwani, tuneli dehi mwawusupi, nanochu umavulumuni.

¹²Bayi mwani ekala neyi chikwa muntu wafwila dehi mwivumu damama yindi, hakwidikamu namuji mbawa huluka dehuku mwani.

¹³Mosi wamubileleli Yehova, nindi, Eyi Nzambi, múuki nalembi.

¹⁴Yehova wamwilili Mosi, nindi, Neyi tatayindi wakumina dakumufwiŋila mazeŋi mumesu, hadi kutiya nsonyi mafuku atanu nayeduku? Amwenzeleli kunisa yachilombu mafuku atanu nayedi, neyi anamani dehi hiyakamwiŋija cheŋi.

¹⁵Miriyami amwenzeleleli kunsayachilombu mafuku atanu nayedi. Antu hiyendeluku chiŋa Miriyami anamwiŋiji dehi cheŋi.

¹⁶Nkumininaku antu hiyakwenda hiyakufuma kuHazeroti, ayili nakutuŋa chilombu chawu mwisaŋa dakuParani.