Read MUKANDA WANZAMBI Numere 13 Bible Online

Numere 13 - MUKANDA WANZAMBI bible

Numere 13

¹Yehova wahosheli naMosi,

²nindi, Temeshaku amayala ayinakwendesha ituŋa daKenani dinukuyinka anyana kaIsarela, wakatemeshahanyichidi yejima yawankakulula jawu, hamuchidi wumu iyala, hamuchidi wumu iyala, wowu atulamba hohu.

³Mosi wayitemesheli mwomwamulejeliyi Yehova, afumini mwisaŋa daParani, owu amayala ejima adiŋi awakulumpi awanyana kaIsarela.

⁴Majinawu; wakumuchidi waRubeni, mwana kaZakuri Shamuwa.

⁵Wakumuchidi waSimeyona, mwana kaHori Shafwati.

⁶Wakumuchidi waYuda, mwana kaYefune Kalebi.

⁷Wakumuchidi waIsakari, mwana kaYosefu Igali.

⁸Wakumuchidi waEfweremi, mwana kaNuni Hosheya.

⁹Wakumuchidi waBenjamini, mwana kaRafu Paliti.

¹⁰Wakumuchidi waZebuluni, mwana kaSodi Gadiyeli.

¹¹Wakumuchidi waYosefu, wamuchidi waManase, mwana kaSusi Gadi.

¹²Wakumuchidi waDani, mwana kaGemali Amiyeli.

¹³Wakumuchidi waAsheri, mwana kaMikayeli Seturi.

¹⁴Wakumuchidi waNafwatali, mwana kaVofwisi Nahibi.

¹⁵Wakumuchidi waGadi, mwana kaMaki Geyuwcli.

¹⁶Wenawa diwu majina awamayala atemesheliyi Mosi nakwendesha ituŋa. Mwana kaNuni Hosheya, Mosi wanamutumbili ijina nindi diyi Yoshuwa.

¹⁷Mosi wayitemesheli nakwendesha ituŋa daKenani, wayilili nindi, Kandukilenu njiliyi yakukabeta kakuchidiilu, mwakakandami hamapidi;

¹⁸mwakatali mwekalila ituya niantu ashakamamu, neyi akola indi kwiji iyiazeya, neyi antesha indi kwiji amavulu;

¹⁹niituŋa dashakamawu neyidadiwahi indi kwiji datama; nichekala nyikala yashakamawu neyi adimuyilombu indi kwiji muyipaka yawu mwadikaŋilaŋawu;

²⁰mwakataliniituŋa chidekala, dikweti manji indi kwiji dabula manji, neyi mwekala nyitondu indi kwiji nehi, mwakadikoleshaŋa mwakaleti yakudya yamwituŋa. Hadird hachila aka chanyikabu yavinyu yakahila.

²¹Akandukili, endesheli ituŋa kufumisha kwisaŋa dakuZini kushika niku-Rehobi, kuwipililu wakuHamati.

²²Akandukilili kukabeta kakuchidiilu, ashikili nikuHeberoni; Ahimani naSheshayi naTalimayi, anyana kaAnaki, adiŋi kwenoku, Heberoni awutuŋili kuchidi nyaka yitanu nayiyedi nahatuŋilu wuZowani muEjipitu.

²³Ashikili kuchinekineki chaEshikoli, akunkwilukuni mutayi wamuvinyu wukweti chizokosu chavinyu, achitembekeli hamutondu, asendeli nawa nimabula ninkuyu.

²⁴Kwenoku atumbiluku ijina nawu, kuchinekineki chaEshikoli, nanochu chizokosu chakunkwiluwu anyana kaIsarela kwenoku.

²⁵Chamanini mafuku makumi awana afuntili kwayiluwu nakwendesha ituŋa.

²⁶Chashikiluwu, enjili kudi Mosi naAroni nachipompelu chawanyana kaIsarela chejima, kwisaŋa dakuParani, kwoku kuKade shi; ayishimwininu muwena nichipompelu chejima mwayiluwu, ayilejeli niyakudya ya mwituŋa.

²⁷Amulejeli nawu, Tunashi ki mwituŋa diwatutemesheli, chalala datuloŋa twamayeli nawuchi, niyakudya yekalamu iyi.

²⁸Ilaŋa dinu antu ashakama mwituŋa akola, ninyikala yawu yamwajika hohu yasweja nikutoha, twamonaku nawa anyana kaAnaki.

²⁹AAmaleki ashakama mwituŋa dakukabeta kakuchidiilu, aHiti nawaYebusi nawaAmori ashakamahamapidi. AKenani ashakama kukaluŋalwiji, nimumukulishu waYodana.

³⁰Kalebi wamwenesheli antu kumesu aMosi, nindi, Tuyenuku katata katwa kadi tambuli; tunatweshi kwimika mushindu hohu.

³¹Ilaŋa mayala ayiliyi nawu, elili nawu, Hitukutwesha kuya nakulwa nawantu awaku, muloŋa atubadika Ŋovu.

³²Aleteli kudi anyana kaIsarela nsaŋu yakushimu nachatama ituŋa dendesheluwu, nawu, Ituŋa ditwaya nakwendeshahi ituŋa dadyaŋa antu atuŋamu, niantu ejima twamwenumu asweja kutalukanankashi.

³³Twamweni kwenoku aNefwili anyana kaAnaki, avwalikakudi aNefwili. Hitukudimona neyi twampasu hohu, niwena dimu mwatu mwenuwunawa.