Read MUKANDA WANZAMBI Numere 14 Bible Online

Numere 14 - MUKANDA WANZAMBI bible

Numere 14

¹Chipompelu chejima chivwakuka nimumakumbu akudila; antu elili wufuku owu dile-e.

²Anyana kaIsarela ejima atobeleli Amosi na Aroni. Chipompelu chejima chayilili nawu, Neyi twafwilili tuhu kwetu mwituŋa daEjipitu! Hela kudifwila tuhu kwetu mwisaŋidi, mutenowuchachiwahi!

³Indi Yehova wukututwaliladi nakufwa nampoku jatu bali mwituŋa di? Ni aŋodi jetu ni anyanetu anyanya akakwachikilamu. Hicha chiwahikufunta kuEjipituku?

⁴Adilili nawu, Tudikeŋelenu mwantawetu, tudifuntilenu kwetu kuEjipitu.

⁵AMo si naAroni adinatili chamesu hamaseki kumesu achipompelu chawanyana kaIsarela, mwadi pompeleluwu wejima wawu.

⁶Mwana kaNuni Yoshuwa, namwana kaYefune Kalebi, wowu ayiluwunawu nakwendesha ituŋa, ataboleli mahinawu,

⁷ahosheli nachi pompe lucha wanyana kaIsarela chejima, nawu, Ituŋa ditwahitahitili nakwendesha, hiituŋa dasweja kuwaha nankashi.

⁸Neyi Yehova natutiyi kuwaha wukutwiŋija mwituŋa di, wukutwinkadu, hiituŋa datuloŋa twamayeli nawuchi.

⁹Enu akwetu, bayi mudikaŋa naYehovaku, bayi muyitiya antu amwituŋa womaku, hinshima yetu yakudya diwu wena, hiyakamona hakuhandilaku, muloŋa etu tudi naYehova. Bayi muyitiya womaku.

¹⁰Chipompelu chejima chelili nawu, Yasenu malola. Kulema kwaYehova kwamwekeneni mwitenti dakubulakena, anyana kaIsarela akumweni wejima wawu.

¹¹Yehova wamwilili Mosi, nindi, Awa antu saŋi andiwilawu tahindi? Yinjikijilu yinakoŋi mukachi kawuyejimiyi saŋa alekelawu kupitiya tahindi?

¹²Nukuyeta kwami nachipúpuniyitambuli wuswana wawu. Nukukubalumuna eyi wikali muza wabadikanikutoha niŋovu.

¹³Mosi wamwilili Yehova, nindi, AEjipitu akenda kachitiya; muloŋaeyi wayifumishili antu awa mukachi kawu naŋovu jeyi;

¹⁴akenda kashimwina ashakama mwituŋa di; muloŋa anachitiyi dehi nawu eyi Yehova wekala mukachi kawantu awa. Muloŋa kumonaŋa eyi Yehova mesunamesu, niivu deyi demanaŋa hewulu dawu. Eyi watwamininaŋa kumesu, namwa ana muchishimi chevu, nawufuku muchishimi chakesi.

¹⁵Neyi wakajahila kumu antu awa shati, nyuza yatiya dehi mpuhu yeyi yakahosha nawu,

¹⁶Yehova nakaŋanyi dehi kuyiŋa antu awa mwituŋa dayisanyikililiyi, dichi chanayijahiliyi mwisapa,

¹⁷Ichi dinu mwani, Ŋovu yaMwanta wami yitohi, neyi chiwahosheli, neyi,

¹⁸Yehova walabaŋa kuzuwa, wasweja luwi, waanakenaŋa antu nikuluwa ninyiloŋa, hakayiŋisha atanyaku, washikŋaŋa kuluwa kwawatata jawantu hadi anyanawu, nihadiezukulu awu, nihadi anyana kawezukulu.

¹⁹Ayanakeni mwani, antu awamwanaluwuwu, mwomwatohela luwi lweyi, neyi chiwayanakenaŋa antuawa kufumisha kuEjipitu kushika nikwitaŋwa dalelu.

²⁰Yehova nindi, Nayanakeni dehi mwomu wunahoshi;

²¹hela chochu, ichi nahandichi, iseki dejima dakenzala kulema kwaYehova.

²²Chaneluwu awa amayala ejima anamoni ni kulema kwami niyinjikijilu yami yinakoŋelini muEjipitu, nimwisaŋa, apesekaŋa tuhu mapampa ikumi dejimidi, nikutiyilila mwizu dami nehi;

²³chalala ituŋa dinayisanyikilili ankakulula jawuhiyamba kadimona nawaku; hela andiwili hiyamba kadimonaku,

²⁴chiŋa kambuŋami Kalebi hohu, muloŋa wudi naspiritu yacheŋi, diyi nanlondi chikupu, diyi nakashikija mwituŋa dayiliyi, ni anyanindi akadiheta.

²⁵AAmaleki nawaKenani ashakama muchinekineki; kumadiki mwakabalumuka, mwakayi mwisaŋa njila yaya kuKaluŋalwiji Kachinana.

²⁶Yehova wahosheli naMosi naAroni, nindi,

²⁷Ichi chipompelu chatama chikuntobeshaŋa tuhu ho-o, tahindi? Natiyi kutoba kwatobaŋawu anyana kaIsarela, kwantobelaŋawu ami.

²⁸Kayili neyi, Yehova nindi, Ichi chinu kuhandichikwaamu, mwomumunahoshi kumatu ami chalala dimu nakayilenu.

²⁹Yibimbi yenu yakadimboka mwisaŋidi, enu achindiluwu ejima, mwakafwa mwomwayi chindililuwu, kufumisira kunyaka makumi ayedi nakutwala kumbidi, enu munatobeli dehi ami,

³⁰chalala ituŋa dinolweleli chikasa chami kwiwulu nami nakayituŋashamu himwakeŋa ila mwoku, chiŋa yowu mwana kaYefune Kalebi hohu, namwana kaNuni Yoshuwa.

³¹Kwinza anyanenu anyanya imwelili nenu akakwachika, diwu nakeŋija, diwuakeluka ituŋa dimunalekenu.

³²Hakwila enu yibimbi yenu yakadimbokela mwisaŋidi.

³³Anyanenu akekala akwakukimboka mwisaŋa nyaka makumi awana, akakabakana nawuvumbi wenu nichamba kanoŋa yibimbi yenu mwisaŋa to-o.

³⁴Mwomwashika mafuku imwendesheli ituŋa, wowumafuku makumi awana, dimu mwakesekela ninyaka, ifuku mumwaka, ifuku mumwaka, mwakakoola kuluwa kwenu nyaka makumi awana, himwakeluka chinadambuli nanenu.

³⁵Ami Yehova nahoshi dehi, mwenimu dimu munakela chipompelu ichi chatama chejima chinampompeli nandombu; akanoŋela mwisaŋidi, dimu mwakafwilawu.

³⁶Ni amayala atemesheliyi Mosi nakwendesha ituŋa, afuntili, aletesheli chipompelu chejima kumutobela, chashimwinuwu ituŋa nsaŋu yatama,

³⁷wowena amayala ashimwini ituŋa nsaŋu yatama, afwili nachipúpukumesu aYehova.

³⁸Kwinza mwana kaNuni Yoshuwa, namwana kaYefune Kalebi, asheluhu amomi hadi owu amayala ayili nakwendesha ituŋa.

³⁹Mosi walejeli anyana kaIsarela ejima mazu awa; antu adilili nankashi.

⁴⁰Ahindukili budidi yayeni, akandamini hewulu dampidi, elili nawu, Yetu awa, tukuya kwatukaniniyi Yehova, nanochu chitunavulumuni.

⁴¹Kuchinka Mosi nindi, Mukumotokeladi mwanahoshiyi Yehova? Hichakawahaku.

⁴²Bayi muyaku, muloŋa Yehova himudi nindi mukachi kenuku; akayitapatu hu ku diayilumbu jenu.

⁴³Oku kumukuyenu kudi aAmaleki nawaKenani, mwakadimboka tuhu nampoku jakabali. Muloŋa munabalumuki dehi mumwalondelaŋa Yehova, dichi Yehova himwakekala ninduku.

⁴⁴Ilaŋa wena akandamini hanamutu wampidi naŋovu jawu. Hakwila chimbaŋu achitiyaŋenu chaYehova, niMosi, asheli kwawu muchilombu.

⁴⁵AAmalekina waKenani ashakamini hampidi oyu ayitapili ayidimbwishili, ayishikiŋilini kuHorama.