Read MUKANDA WANZAMBI Numere 17 Bible Online

Numere 17 - MUKANDA WANZAMBI bible

Numere 17

¹Yehova wahosheli naMosi,

²nindi, Hoshaku nawanyana kaIsarela, wutambuli mbwechi jamavumu awankakulula jawu ejima, hevumuhevumu, kudi atulamba twawu ejima, mwomwekalila mavumu awankakulula jawu, mbwechi ikumi najiyedi; wusoneki majinawu ejima, iwu hambwechiyindi, iwu hambwechi yindi.

³Ijina daAroni wakadisoneki hambwechi yaLevi; muloŋa anyanta ejima amavumu awankakulula jawu akekalinambwechi jawu, iwu nayindi, iwu nayindi.

⁴Wakajitenteki mwitenti dakubulakena kumesu awunsahu, kunabulakenaŋa nenu.

⁵Mwakamonaiyala inakatonda mbwechi yindi yakasapuka; hinakamwenesha kutobakwatobaŋawu anyana kaIsarela kwatobelaŋawu enu.

⁶Mosi wahoshelina wanyana kaIsarela, atulamba twawu ejima amwinkeli mbwechi, kalambawumu yimu, kalamba wumu yimu, mwomwekalila mavumu awankakulula jawu, mbwechi ikumi najiyedi. Nimbwechi yaAroni yadiŋi hamu nambwechiawu.

⁷Mosi watentekeli mbwechi kumesu aYehova mwitenti dawunsahu.

⁸Chelili kunachi dehi, Mosi wepilili mwitenti dawunsahu. Nindi atali, mbwechi yaAroni yevumu daLevi yasapuka dehi, yinanani nimahumba, yinakenuki ninkenu, hiyikusoŋa ninsala jaha dehi.

⁹Mosi wafumishilimbwechi jadiŋi kumesu aYehova jejima, wajitweli kudi anyana kaIsarela ejima, ajitalili, atambwili mbwechi jawu wejima wawu.

¹⁰Yehova wahosheli naMosi, nindi, Funtishaku mbwechi yaAroni kumesu awunsahu, wuyihembi chachiwahi wikali chinjikijilu chawanyana akwakudikaŋa, kulonda wukumishi kutoba kwawu kwantobelaŋawu ami, kulonda abuli kufwa.

¹¹Dichi cheliliyi Mosi. Mwamulejeliyi Yehova, dimu mweliliyi.

¹²Anyana kaIsarela ahosheli naMosi, nawu, T ala tuhu, twafwa dehi, twajila dehi, wejima wetu tunajilumuki.

¹³Yowu wukudata kwakwihinatabanaka yaYehova wukufwa kwindi. Tunoŋi tuhu wejima wetunakufwa?