Read MUKANDA WANZAMBI Numere 18 Bible Online

Numere 18 - MUKANDA WANZAMBI bible

Numere 18

¹Yehova wamwilili Aroni nindi, Nineyi nianyaneyi amayala niivumu dawankakulula jeyi hamu neyi, mwakasendaŋa kuluwa kwamalala. Nineyi nianyaneyi amayala hamu neyi, mwakasendaŋa kuluwa kwawupristuwenu.

²Niana kweyi nawa, wowu muchidi waLe vi, muchidi wankakululayeyi, wuwushikiji kwakwihi hamu naneyi, kulonda akayibombi naneyi, akakukalakelaŋa. Ilaŋa eyi nianyaneyi hamu mwakekalaŋa kiunesu etentidawunsahu.

³Akatalaŋa mudimu weyi, nimudimu wetenti dejima. Bayidinu akadata kwakwihi nayuma yamalala hela nakameŋaku, akenza kafwaniwena nineyi.

⁴Akayibombi naneyi, akatalaŋa itenti dakubulakena nakukalakala mudimu wetenti dejima. Mwenyi kudata kwakwihi nanenunehi.

⁵Enu yenu mwakatalaŋa mudimu wamalala, nimudimu wakameŋa, kuchina anyana kaIsarela akenza kamona cheŋi ndombu.

⁶Ami, tiyenu, ami nayifumishi dehi ana kwenu aLevi mukachi kawanyana kaIsarela; anekali dehi chamukunkulu chenu chakwinka Yehova, kulonda akakalakalaŋa mudimu wetenti dakubulakena.

⁷Nineyi nianyaneyi hamu neyi mwakatalaŋa wupristu wenu wayuma yakameŋa yejima, niwayuma yidi mukachikehina dakujika hakachi, diyi mwakakalakalaŋa. Nayinki dehi wupristuwenu himudimu wawana. Mwenyi wakadataku akamujahi.

⁸Yehova wahosheli naAroni, nindi, Ami, tiyenu, ami nayinki dehi kutalanyilambu yami yakuleleka, yoyuma yejima yakujilikawu anyana kaIsarela, nakwinkiyi nanochu chakuwayishawu manji, nenki nianyaneyi amayala, yenu yachidika chahaya nyaka.

⁹Tiya yiwakadyaŋa hayuma yaswejakujila yahakesi; yanyilambu yawu yejima, nyilambu yawu yawuŋa yejima, ninyilambu yawu yahanshidi yejima, ninyilambu yawu yakutanya yejima, yakuletelawu ami, yakekalaŋa yajila nankashi yeyeyi nawanyaneyi amayala.

¹⁰Wakayidyaŋa neyi chiwadyaŋa yuma yasweja kujila. Akayidyaŋa kudi amayala ejima. Yakekalaŋa yeyi yajila.

¹¹Tiya yiwakadyaŋa; himulambu wakuleleka wachamukunkulu chawu yonyilambu yakunyinkesha yejima yawanyana kaIsarela. Nakwinkiyu yeyi nawanyaneyi amayala nawanyaneyi iawambanda, yalushimbi lwahaya nyaka. Antu akumutaŋa weyi atooka ejima akadyaŋa.

¹²Nimanji asweja kuwaha ejima, nivinyu yayiha yaswejakuwaha yejima, nitidiku yasweja kuwaha yejima, yoyuma yakahila yenkaŋa wuYehova, nakwinkiyu yeyi.

¹³Mbutu yakahila yejima yamwituŋa dawu iyamuletelaŋawu Yehova yakekalaŋa yeyi. Antu akumutaŋa weyi atooka ejima akadyaŋa.

¹⁴Yuma yamu Isarela yajilikawu yejima yakekalaŋa yeyi.

¹⁵Ejima asambilaŋa kuvwalika alambulaŋawu Yehova, hela awantu, hela lawanyama, akekalaŋa eyi; ilaŋa wedi wamuntu chiŋa wakamukúula, niwediwakanyama wamajilu wakamukúula niyena nawa.

¹⁶Awa akakúulawu akufumisha mukakweji kamu wakayikuula, mwomu mundandu yawuwakayesekela mali jishekeli jitanu mwomu mulushekeli lwakumalala, hijingera makumi ayedi.

¹⁷Hakwila wedi waŋombi, hela wedi wamukoku, hela wedi wampembi, kuyikúula nehi; ajila; mashi awu wakayisampula hakameŋa, manji awu wakayishitaŋa bwi-i, hihimulambu wakwila nakesiwaku mununkishila Yehova ivumba dadiwahi.

¹⁸Mbŋi yawu yakekalaŋayeyi neyi chikwebwambu dakunyinkesha nimwendu wachidiilu, yakekalaŋayeyi.

¹⁹Nyilambu yakuleleka yejima yayuma yajila, yahimulambu laŋawu Yehova kudi anyana kaIsarela, nakwinki yeyi nawanyaneyi amayala nawanyaneyi awambanda hamu naneyi, yachidika chahaya nyaka; hichitiyaŋenu chamuŋwa chahaya nyaka kumesu aYehova, cheyi nawanyaneyi hamu.

²⁰Yehova wamwilili Aroni, nindi, Bayi wakaheta wuswana mwituŋa dawuku, hela kuheta iseka mukachi kawu nehi; iseka deyi yami, wuswana weyi yami, mukachi kawanyana kaIsarela.

²¹Hakwila anyana kaLevi nayinki yamwikumi yamuIsarela yiikali wuswana wawu, nanyidimu yawu yakunkoŋelawu, yonyidimu yetenti dakubulakena.

²²Kufumisha hanu anyana kaIsarela bayi akenzaŋa kwakwihinetenti dakubulakenaku, akenza kakoola nshidi hiyakafwa.

²³Ilaŋa Levi diwu akukoŋaŋa mudimu wetenti dakubulakena, diwu akusendaŋakuluwa kwawu; chakekalaŋa chidika chahaya nyaka kumakiŋu ejima amba kavwalikilaŋawu antu, hiyamba kahetaŋa wuswana mukachi kawanyana kaIsarelaku.

²⁴Muloŋa yamwikumi yawanyana kaIsarela, yahimulambu laŋawu Yehova yahimulambu wakuleleka, nayinki dehi aLevi yakekalaŋa wuswana wawu. Dichi chinayila dehi nami, akabulaŋa kuheta wuswanamukachi kawanyana kaIsarela.

²⁵Yehova wahosheli naMosi,

²⁶nindi, Hoshaku nawaLevi, wakayilineyi, Chimwaka tambulaŋa kudi anyana kaIsarela yamwikumi yinayinki dehi yakudi wena yawuswana wenu, himwakalambulamu himulambu wakulelekawa Yehova yamwikumi yayamwikumi.

²⁷Mulambu wenu wakuleleka akayifuukwilawu neyi tidiku yahawuhulilu, hela neyi vinyu yinavuli kuwukamwinuwavinyu,

²⁸dichi mwakahimulambu laŋa Yehova himulambu wakuleleka, wayuma yenu yamwikumi yejima yimukutambulaŋa kudi anyana kaIsarela; wakanonaŋamu himulambu waYehova wakuleleka, mwakamwinkaŋa wukapristu Aroni.

²⁹Hayamukunkulu yenu yejima mwakanonahu, mwakalambuli nyilambu yaYehova yakuleleka yejima, yoyuma yasweja mukuwaha yejima, yoyuma yekalamu yakujilika dehi.

³⁰Dichi wakayili neyi, Chimwakaleleka yaswejamu kuwaha akayifuukwila aLevi neyi yinavuli dehi yahawuhulilu, niyinavuli dehi yahawukamwinu wavinyu.

³¹Mwakadya ŋakwoku munadiili kwoku, ninenu niakwamatalenu; hiwufwetu wenu nanyidimuyenu yimwakoŋaŋa mwitenti dakubulakena.

³²Neyi munanonumu dehi yaswejakuwa hamunayileleki dehi himwakawenahu muloŋa wanshiduku; mwakabuli kujilola yuma yawanyana kaIsarela ya jila; mwakabuli kufwa.