Read MUKANDA WANZAMBI Numere 19 Bible Online

Numere 19 - MUKANDA WANZAMBI bible

Numere 19

¹Yehova wahosheli naMosi naAroni,

²nindi, Tiyenu chidika chalushimbi lwanayilejiyi Yehova, nindi, Hoshaku nawanyana kaIsarela akuleteli iyoŋa daŋombi wamukaji wuchinana, wakadi ibeka, wakadi hataminayi, wakadi kukasahu dehi mpanda.

³Mwakamwinki kapristu Eleyazari, akamufumishi muchilombu, muntu wumu akamutapili kumesu indi.

⁴Kapristu Eleyazari akanoni mashi aŋombi namunu windi, akasampulimashi indi mapampa katanu nakayedi nakutalisha kumesu etenti dakubulakena.

⁵Muntu wumu akochi ŋombi kumesu indi; akochi nichitembichindi, nimbiji yindi, nimashi indi, nituji twindi.

⁶Kapristu akanonimutondu musida, ninamutuntamu, niwanda wuchinana, akombili haŋombi wudi nakusukuma.

⁷Kapristu akakosi nimahinindi, akaweli mumeji, nkumininaku akenzi cheŋi muchilombu, kapristu akekali wamajilu nikumelela.

⁸Owu wukwocha ŋombi akakosi mahinindi mumeji, akaweli nawanimeji, akekali wamajilu nikumelela.

⁹Iyala wajila akakupuli mawuti aŋombi, akayilumbiki kunsa yachilombu kwakuwahi, akayihembi chachiwahi akekali achipompelu chawanyana kaIsarela, kulonda akekali meji akwambuka, hihimulambu wahanshidi.

¹⁰Owu wukukupula mawuti aŋombi akakosi mahinindi, akekali wamajilu nikumelela. Chakekali chidika chahaya nyakachawanyana kaIsarela namweni wukuyipeeka.

¹¹Muntu wukukunka chibimbi chamuntu akekali wamajilu mafuku atanu nayedi.

¹²Yenowu muntu akadikosi nachu ifuku damu chisatu, hefuku damu chitanu nachiyedi akekali wakadi majilu. Ilaŋa neyi wakabula kudikosaifuku damu chisatu hakekala wajila ifuku damu chitanu nachiyeduku.

¹³Yowu wukukunka chibimbi chamuntu wafwa, wukubula kudikosa, natamishitabanaka yambala yaYehova. Muntu owu hadi aIsarela akamufumishuhu. Muloŋabulili kumusansa meji akwambuka, dichi wakekalaŋatuhu wamajilu, majilu indi wuchidi nachu.

¹⁴T iyenu lushimbi lwamuntu wukufwila mwitenti; antu ejima akwijila mwitenti, niantu ejima adiŋi mwitenti, akekali amajilu mafuku atanu nayedi.

¹⁵Niyuma yakadi kujika, yejima yákubula yifwiku yakukasaku, yakekaliyamajilu.

¹⁶Muntu wukwenda mumpata wukukunka muntu anajahuwunampoku yakabali, hela mufu tuhu, hela ifwaha damuntu, hela ŋamu, akekali wamajilu mafuku atanu nayedi.

¹⁷Nansaŋu yayenowu muntu wamajilu akanoni mawuti ahimulambu wahanshidi ochawu, akayishi mwinuŋu akechiluhu meji adi nakuhita;

¹⁸muntu wakadi majilu akanoni namutuntamu, akawiŋiji mumeji, akayisansili nihetenti, nihayuma yejima, nihadi antu adiŋumu, nihadi wakunkili hela ifwaha, hela watapawu, hela mufu tuhu, hela ŋamu;

¹⁹yenowu muntu wakadi majilu akasansi wamajilu hefuku damu chisatu, nihefuku damu chitanu nachiyedi; akamukosi hefuku damu chitanuna chiyedi. Akakosi mahinindi, akaweli mumeji, hamelela wakekalawakadi majilu.

²⁰Hakwila muntu wakekala wamajilu wakabula kudikosa, yenowu muntuhakachi kachipompelu akamufumishuhu, muloŋa natamishi dehi malala ambala aYehova; abula kumusansa meji akwambuka; wamajilu kwindi.

²¹Chakekalaŋa chidika chawu chahaya nyaka. Wukusansameji akwambuka akakosi mahinindi. Wukukunka meji akwambuka wakekalaŋa wamajiluni kumelela.

²²Yuma yikukunkayi muntu wamajilu yejima yakekali yamajilu, muntu wukukunkaku akekali wamajilu nikumelela.