Read MUKANDA WANZAMBI Numere 21 Bible Online

Numere 21 - MUKANDA WANZAMBI bible

Numere 21

¹KaKenani, mwanta wakuAradi, washakamini kukabeta kakuchidiilu, watiyili nawu Isarela hakwinza njila yaAtarimi. Walwilina waIsarela, wakwatiluhu niankoli.

²AIsarela adishiilili kudi Yehova, nawu, Chalala neyi wakahana antu awa kudetu twakanoŋesha nyikala yawuchikupu.

³Yehova watiyililili izu dawaIsarela, wayinkeli aKenani. Ayinopesheli chikupu ninyikala yawu kumu. Atumbiluku ijina nawu kuHorama.

⁴Afumini kumpidi yaHori, ayilili njila yaKalupalwiji Kachinana, kulondakunyeŋu muka ituŋa daEdomi. Kunyichima yawantu kwakumini nanjilayendeluwu.

⁵Antu ahosheli Nzambi naMosi chatama, nawu, Mwatufumishilili dimuEjipitu tufwili munu mwisaŋa? Mwakadi yakudya, mwakadimeji; iyi yakudya yahehuka tunayitiyi dehi kwetu kumuchima bwi.

⁶Yehova watemesheli mukachi kawantu tupela twakesi, twasumini antu. AIsarela amavulu afwili.

⁷Antu enjili kudi Mosi, nawu, Tunavulumuni dehi nanichi chitunahoshi dehi niYehova nineyi chatama. Lombaku kudi Yehova atufumishili tupela. Mosi wayilombeleli antu.

⁸Yehova wamwilili Mosi, nindi, Ilaku kapela keyi kakesi, wukashi kumpandelu kulonda antu ejima anasumuwu chakakamonawu akahandi.

⁹Mosi welili kapela kawuneŋu, wakashili kumpandelu, elili neyi kapela kanasumi dehi muntu, chakutalayi kapela kawuneŋu swi-i hakuhanda.

¹⁰Anyana kaIsarela endeli, ateekeli muOboti.

¹¹Afumini kuOboti, ateekeli kuIye Abarimi, mwisaŋa dekala kwakwihi naMowabi mbadi yatuntukaŋa itaŋwa.

¹²Afumini kwenoku, ateekeli muchinekineki chakuZeredi.

¹³Afumini kwenoku ateekeli mwishinadi daArinoni wekala mwisaŋa wafuma muŋinza yawaAmori. Muloŋa Arinoni diyi ŋinza yaMowabi, hakachi kaMowabi nawaAmori

¹⁴Dichi chaneliluwu mumukanda wa-Majita aYehova, nawu, Cheliliyi muKaluŋalwiji Kachinana, nimutwanatwatuloŋa twasaŋila muArinoni,

¹⁵nimumukandu wayinekineki wakunkumukila kwashakama Ari, wakundama kuŋinza yaMowabi.

¹⁶Afumini kwenoku ayili kuBeyeri. Didu ishima damwililuwu Mosikudi Yehova, nindi, Pompeshaku antu niyinki meji.

¹⁷Tiyenu kaminakembiluwu aIsarela, nawu, Eyi ishima, sefukaku. Mwimbilenu kamina.

¹⁸Didu ishima dapundiluwu atulamba, dembiluwu ayilolu nandondananyitondu yawu. Afumini kwisaŋodu ayili kuMatana.

¹⁹Afumini kuMatana ayili kuNahaliyeli. Afumini kuNahaliyeli ayili kuBamoti.

²⁰Afumini kuBamoti ayili kuchinekineki chekala kumpata yaMowabini kwiwulu dampidi yaPisiga yatala kuchibaba.

²¹AIsarela atemesheli antemesha kudi Sihoni mwanta wawaAmori,

²²nawu, Twitŋi tuhiti mwituŋa deyi. Hitwakasenuka munjila tuya hela mwihahela mwitempa danyivinyuku. Hitwakanwa meji amumashimaku, twakayaya mukwakwa wambala wamwanta, ninichi chitwakapandakana ŋinza yeyi.

²³Sihoni hetŋili aIsarela kuhita muŋinza yinduku. Sihoni hakupompesha antu indi ejima, hakuya nakulwa nawaIsarela mwisaŋa, oshika nikuYahazi. Hakulwa nawaIsarela.

²⁴AIsarela amutapili nawumwemu wampokuyakabali, atambwili ituŋa dindi kufumisha kuArinoni ndo nikuYaboki kwekala anyana kaAmoni; muloŋa ŋinza yawanyana kaAmoni yadiŋiyakola.

²⁵AIsarela atambwili nyikala yejimiyi. AIsarela ashakamini munyikala yawaAmori, mwomuHeshiboni nimunyikala yekalaku yejima.

²⁶Muloŋa Heshiboni diwu wadiŋi mukala waSihoni mwanta wawaAmori, yowu walwili namwanta wakuMowabi wásambilili, wamutambwilili ituŋidindi dejima ndo nikuArinoni.

²⁷Dichi chahoshelaŋawu muyishimu, nawu, Twayenu kuHeshiboni, mukala waSihoni awutuŋi, awukoleshi;

²⁸muloŋa kesi kanafumi muHeshiboni, mulaŋu wunafumi mumukala waSihoni, wunalashi Ari waMowabi, niakwayinaŋanaŋa yakuArinoni.

²⁹Yayo! Eyi mukwetu Mowabi! Enu antu aKemoshi, munajile! Anyanindi amayala apulukili, ni anyanindi awambanda, wayiheni muwukoli kudiSihoni mwanta wawaAmori.

³⁰Tunayisowi dehi. Heshiboni nanoŋidehi ndo nikuDiboni, tunakisaŋani dehi mpata yawu ndo nikuNofwa, kwokuMedeba kachi.

³¹Dichi aIsarela ashakamini mwituŋa dawaAmori.

³²Mosi watemeshelina kwendesha Yazeri. Atambwili nyikala yawu, atemwinumu aAmoŋa shakaminumu.

³³Abalumukili, akandukili njila yaBashani. Mwantawa kuBashani Oŋi, niantu indi ejima ayiluku, alwili nawu kuEdereyi.

³⁴Yehova wamwilili Mosi, nindi, Bayi wumutiya womaku; namuhani dehi kudeyini antu indi ejima niituŋa dindi. Wakamukoŋa neyi chiwakoŋeli Sihoni mwanta wawaAmori washakamini kuHeshiboni.

³⁵Amutaŋa nikumutaŋa, niyena ni anyanindi amayala, niantu indi ejima, niwindi wumu washeluhuhosi. Atambula niituŋa dindi.