Read MUKANDA WANZAMBI Numere 22 Bible Online

Numere 22 - MUKANDA WANZAMBI bible

Numere 22

¹Anyana kaIsarela endeli cheŋi munjila yawu, atuŋili chilombuchawu muyana yaMowabi mwishinadi daYodana kwakwihi naYeriku.

²Balaki mwana kaZipori wamweni yejima yayikoŋeluwu aAmori kudi aIsarela.

³Mowabi wayitiyili aIsarela woma nankashi, muloŋa aswejelikuvula, Mowabi wafwili muchima mwivumu puchi nawanyana kaIsarela.

⁴Mowabi wayilili awakulumpi jawaMidiyani, nindi, Luntu ilu lukulashatuhu yuma yamunu mwituŋa yejima, neyi chalashaŋayi ŋombi matahuamumpata. Balaki mwana kaZipori diyi wadiŋi mwanta wakuMowabi hamwakowu.

⁵Watemesheli antemesha kudi Balami mwana kaBeyori kuPetori wekala kuKaloŋa kwokwituŋa dawanyana kantaŋa jindi, wamutambi kili nindi, Twa ya wutali, antu awa anafumi muEjipitu. Twaya wutali, anajiki hewulu deseki dejima wi-i, awa ananshakamini awa.

⁶Twa ya dinu mwani, wunshiŋiliantu awa, anambadiki Ŋovu, hadaha nakamona kuyimika mushindu, kulonda tuyitapi, niyitemuni mwituŋa. Muloŋa ami neluki nami muntuwukukisuleyi nkisu wukukisulewa, muntu wukushiŋeyi wukushiŋewa.

⁷Niawakulumpi jawaMowabi niakulumpi jawaMidiyani ayili, asendelinsaŋa jakuhoŋa nachu. Ashikili kudi Balami, amulejeli mazu ahosheli Balaki.

⁸Yena wayilili nindi, Kamenu kunu wufuku wunu, niyileteli cheŋi izu dakuhoshayi Yehova nanami. Atulamba twaMowabi akamini kwaBalami.

⁹Nzambi wenjili kudi Balami, nindi, Indi awa mayala wudinawuhiyanyi?

¹⁰Balami wamwilili Nzambi, nindi, Balaki mwana kaZipori, mwanta wakuMowabi nantemesheli mazu,

¹¹nindi, Twaya wutali, antuawa anafumi muEjipitu anajiki hewulu deseki dejima wi-i; twaya dinuwunshiŋiluwu, hadaha nakatwesha kulwa nawu nakayitemuni.

¹²Nzambi wamwilili Balami, nindi, Bayi wuya nawuku. Owu antu bayi wakayishiŋaku, muloŋa akisulewa kwawu.

¹³Balami wamenekeli budidi, wayilili atulamba twaBalaki, nindi, Yenuŋa kwenu mwituŋa denu, Yehova kwontikwindi kuŋitŋia kuya nenu.

¹⁴Atulamba twaMowabi anyamukili, ayilikudi Balaki, nawu, Balami kwonti kwindi kwinza nanetu.

¹⁵Balaki watemesheli cheŋi atulamba amakwawu asweja kuvula, aswejanikulema.

¹⁶Enjili kudi Balami, amwilili nawu, Tiya chanahoshiyi Balaki mwana kaZipori, nindi, Bayi mwani, hakamwekana chuma chakukulekesha kwinza kudamuku.

¹⁷Muloŋa ami nakakulemesha nankashi, yejima yiwakanlejana kela hohu. Dichi twaya mwani, wunshiŋili antu awa.

¹⁸Balami wayakwili ambuŋa Balaki, nindi, Hela neyi Balaki wukunyinka tuhu italadindi dato-o dasiliva nawuru, ami kwami kumotoka izu daYehova Nzambi yami, hela kukumininamu, hela kulunjikamu kutwesha nehi.

¹⁹Dichi dinumwani, chiŋililenu wufuku owu nawa kulonda niiluki mwakanlejayi Yehova mwekwawu.

²⁰Nzambi wenjili kudi Balami nawufuku, wamwilili nindi, Neyi amayalawa akwinza nakukutambika wakanyamuki wakayi nawu. Ilaŋa chiŋa wakela mwomunakakuleja hohu.

²¹Balami wamenekeli budidi, walemeni sadi hachimbulu chindi, wayilinawatulamba twakuMowabi.

²²Nzambi wazuwili nanochu chayiliyi; kaŋelu kaYehova wemeni munjila kulonda kudikaŋa nindi. Yena wadiijinakwenda hachimbulu chindi, wadiŋi naŋamba jindi ayedi.

²³Chimbuluha kumona kaŋelu kaYehova nemani munjila, mpoku yindi yakabali yakuhola dehi yidi kuchikasa chindi. Chimbulu hakutenuluka munjila, hakuyamumpata. Balami wamweteli chimbulu, nindi amufuntishi cheŋi munjila.

²⁴Henohu kaŋelu kaYehova hakwimana mukakawoŋu hakachi kamatempa anyivinyu, hela ikoli iku, ikoli iku.

²⁵Chimbulu wamweni kaŋelu kaYehova, wadishintakesheli kumbariu, wachikili mwendu waBalami kumbaŋu. Wamweteli cheŋi.

²⁶Kaŋelu kaYehova hakuya kumbidi hakwimana hanyiŋana hakadi hakubalumukila muntu aya hela kuchikasa chachidiilu hela kuchimunswa.

²⁷Chimbulu wamweni kaŋelu kaYehova, wadimbukili mwishina daBalami. Balami wazuwili, wamweteli chimbulu namutondu windi.

²⁸Yehova waasamishili kanwa kachimbulu, yena hakumwila Balami, nindi, Nakwili ŋahi mwaka wuŋeti mapampa kasatu aka?

²⁹Balami wamwilili chimbulu, nindi, Muloŋa wunansawuli dehi. Neyi nadinituhu nampoku yakabali muchikasa chami, mutenowu nakujahi dehi.

³⁰Chimbulu hakumwila Balami, nindi, Hiyami chimbulu cheyuku? Kufumisha hiwanheteleli nyaka yejima yiwunahandi kushika nikwifuku dalelu ochu wendelaŋa hanka? Nakwilahu dehi chochichi? Nindi, Nehi.

³¹Yehova watonesheli mesu aBalami, wamweni kaŋelu kaYehova nemanimunjila, mpoku yindi yakabali yakuhola dehi yidi kuchikasa chindi. Wabandamini namutu windi, wadinatili chamesu hamaseki.

³²Kapelu kaYehova wamwilili nindi, Wunamwetelidi chimbulu cheyi mapampa kasatu aka? Tiya, ami nenzi nakudikaŋaa naneyi, muloŋa namoni njila yeyi yatama.

³³Chimbulu wanmona, wabaaluka kumesu ami mapampa kasatu aka. Chákubula yena kubaaluka afuma kudami, mutenowu chalala nakujaha dehi, mutenowuyena namuhandishi.

³⁴Balami wamwilili kaŋelu kaYehova, nindi, Navulumuni. Hinachiluka nami wunaŋimeni munjilaku. Dichidinu neyi wunatiyi dehi kutama, nifunti kwami.

³⁵Kaŋelu kaYehova wamwilili Balami, nindi, Yaku nanawa amayala. Dodizu dinakakuleja didu diwakahosha. Dichi Balami wayili nawatulamba twaBalaki.

³⁶Balaki chatiyiliyi nawu Balami nenzi dehi, hakuya naku mukinkili laku mukala waMowabi wekala kuŋinza yaArinoni, kwakumina pinza.

³⁷Balaki wamwilili Balami, nindi, Hinatemesha nakukuzebela nakukuta mbikaku? Walekeladi kwinza? Nikaŋanyi kukulemesha, tahindi?

³⁸Balami wa mwilili Balaki, nindi, Nenzi dehi, yami awa. Hela chochu hinikweti Ŋovu yakuhosha chumaku. Dodizu dakanshilayi Nzambi mukanwa didunakahosha.

³⁹Balami wayili naBalaki, ashikili kuKiriyati Huzoti.

⁴⁰Balaki waketwili aŋombi nanyikoku, watemesheli nakuleja Balami natulamba adiŋiyi nawu.

⁴¹Chikwachili budidi Balaki watambwili Balami, wamutweli kuyinaŋanaji yaBayali. Wamweni kwanakumi nuwu antu.