Read MUKANDA WANZAMBI Numere 23 Bible Online

Numere 23 - MUKANDA WANZAMBI bible

Numere 23

¹Balami wamwilili Balaki, nindi, Ntu ŋili kunu tumeŋa tutanunatuyedi, wunloŋesheli kunu aŋombi amayala atanu nayedi, niyizamba yanyikoku yitanu nayiyedi.

²Balaki welili mwomwahosheliyi Balami. Balaki naBalami ashitili hakameŋa ŋombi namukoku, tumeŋatwejima.

³Balami wamwilili Balaki, nindi, Imanaku kuhimulambu weyiwakushita, ami niyi, hadaha Yehova wukwinza nakumbulakana. Mwakanlejayimwejima nakakulejamu. Wayili hachinaŋanaŋa chankumbu.

⁴Nzambi wabulakeni naBalami, Balami wamwilili nindi, Naloŋeshi dehi tumeŋa tutanu natuyedi, nashiti dehi hakameŋa ŋombi namukoku, tumeŋatwejima.

⁵Yehova washili izu mukanwa kaBalami, nindi, Funtaku kudi Balaki wakahoshaŋa mwomwenomu.

⁶Wafuntili cheŋi kudi yena, wamuwenisaŋa emenayi kuhimulambu windi wakushita, niyena natulamba twaMowabi twejima.

⁷Wakwatili kuchishimu chindi, nindi, Balaki wanfumishili kuArami, mwanta wakuMowabi wanfumishili kumpidi jakumusela. Nindi, Twayawunshiŋili Yakoba, twaya wunzuwili Isarela.

⁸Indi ami nukushiŋa ŋahianabuli kushiŋayi Nzambi? Nukuzuwila ŋahi anabuli kuzuwilayi Yehova?

⁹Kunu kwiwulu damalola namumoni, kunu kwiwulu dampidi namutali. Talenu hiyantu ashakama kanka wawu, hiyakayibomba hamu nanyuzaku.

¹⁰Hinyi natweshi kuchinda lunkuŋu lwaYakoba hela kuchinda chibalu chaIsarela chamuchiwana? Nifwi kwami neyi chafwaŋawu aloŋa, nikumishikwami mwakumishaŋawu!

¹¹Balaki wamwilili Balami, nindi, Wunaŋili ŋahi? Ami nakukambilinami wunshiŋili ayilumbu jami, tala ntahi wunayikiswili dehi nkisu chikupu.

¹²Kuchinka yena nindi, Ochu nibuli kusha muchima wakuhosha izu dananshiliyi Yehova mukanwa, tahindi?

¹³Balaki wamwilili nindi, Tuyi neyi mwani kwacheŋi wakayimwenuku. Wakamona kwanakuminuwu hohu, kuyimona wejima wawu nehi; wakanshiŋiluwukwenoku.

¹⁴Wamutweli mumpata yaZofwimi hewulu daPisiga, watuŋili tumeŋa tutanu natuyedi, washitili ŋombi weyala nichizambachamukoku hakameŋa, hakameŋa, tumeŋa twejima.

¹⁵Wamwilili Balaki, nindi, Imanaku kunu kuhimulambu weyi wakushita, niyi nimubulakani Yehova kuna.

¹⁶Yehova wabulakeni naBalami, washili izu mukanwa kindi, nindi, Funtaku kudi Balaki, wakahoshaŋa mwomwenomu.

¹⁷Wenjili kudiyena, wamuweni saŋa emenayi kuhimulambu windi wakushita natulambatwa kuMowabi hamu. Balaki wamwilili nindi, Yehova nahoshi nindidi?

¹⁸Wakwatili kuchishimu chindi, nindi, Eyi Balaki nyamukaku wutiyi; ntiyilili eyi mwana kaZipori.

¹⁹Nzambi himuntuku mwaka atwambi; himwana kamuntuku mwaka abalumuki mumuchima. Nahoshi dehi, abuli kwilamu? Nahoshi dehi, abuli kukoleshamu?

²⁰Ami anyinka dehi mudimu wakukisula. Yena wakisula dehi, indi ami nukubalumunamu ŋahi?

²¹Yena hanamoni kuluwa mudi Yakoba hela kubajama mudi Isarelaku; Yehova Nzambi yindi wudi nindi, mbila yamwanta walukanu adi nayu.

²²Nzambi hakuyifumisha muEjipitu; wukweti ŋovu yakweseka naŋombi yampata.

²³Hikudi kusansa nyiseŋu yakusansila Yakobaku, hikudi helaŋombu yakumuhoŋa Isarelaku. Ichi chakatenawu Yakoba naIsarela akelanawu, Talenu chanakoŋiyi Nzambi!

²⁴Talenu owu antu hiyakunyamuka neyi chanyamukaŋa mukaji wamutupa, hiyakudolola neyi chadololaŋayi iyala damutupa. Kukambama chiŋa nadyi dehi mbiji, chiŋa nanwi dehi nimashi akanyama anakwatiyi.

²⁵Balaki wamwilili Balami, nindi, Hela kushiŋa bayi wuyishiŋa nihantuku, hela kukisula bayi wuyikisula nihantuku.

²⁶Ilaŋa Balami wamwakwili Balaki, nindi, Hinakulejeli nami chiŋa nila mwejima mwakahoshayi Yehovaku?

²⁷Balaki wamwilili Balami, nindi, Twaya tuyi, nikutwali kwacheŋi. Wamba kela Nzambi wukutiya kuwaha nindi wunshiŋiluwu kwenoku.

²⁸Balaki wamutweli Balami kwiwulu daPeyori, yatala kuchibaba.

²⁹Balami wamwihli Balaki, nindi, Ntuŋili kunu tumeŋa tutanu natuyedi, wunloŋeshelikunu aŋombi amayala atanu nayedi, niyizamba yanyikoku yitanu nayiyedi.

³⁰Balaki welili mwahosheliyi Balami, washitili ŋombi namukoku hakameŋa, hakameŋa, tumeŋa twejima.