Read MUKANDA WANZAMBI Numere 24 Bible Online

Numere 24 - MUKANDA WANZAMBI bible

Numere 24

¹Balami chamweniyi Yehova natiyi kuwaha kukisula Isarela, hayilina kuhoŋa neyi chayilaŋayi hakusambilaku, ilaŋa watalishili mesuindi kwisaŋa hohu.

²Balami wafumbwili mesu indi, wamweni aIsarela anashakami mwomwekalila nyichidi yawu. Spiritu yaNzambi wenjili hadiyena.

³Wakwatili kuchishimu chindi, nindi, Balami mwana kaBeyori nahoshi, iyala wadiŋi wajima mesu nahoshi,

⁴watiyaŋa mazu aNzambi, wamonaŋachimwenu chaChinaweji hakudimbuka nihamaseki, hakutona nimesu, nahoshi.

⁵Eyi Yakoba o matenti eyi kuwaha! Eyi Isarela, o matabanaka eyikuwaha!

⁶Anaditanjiki neyi chikwayinekineki, neyi chikwamatempa amumukulishu wakaloŋa, neyi chikwamakondi anatumbiyi Yehova, neyinyisida yekala kumeji.

⁷Munswaha jindi mwakahuŋunukaŋa meji; anyanindi akatuŋa kutuloŋa twatuvulu; mwanta windi walukanu wakabadi kaAgagi, wanta windi wakalema.

⁸Nzambi hakumufumisha muEjipitu, Ŋovu yindi yidi neyi yaŋombi yampata; nyuza yawakwankunyi nindi wakayidya kwindi, wakayikotola mafwahawu kotu-kotu, wakayilokolanansewu jindi.

⁹Wabutameni, wakambamini, neyi chikweyala damutupa, neyi chikwamukaji wamutupa; wakamuhindwisha hinyi? Yowuwakakukiswileyi nkisu wakakisulewa, yowu wakakushiŋeyi wakashiŋewa.

¹⁰Balaki hakuzuwa naBalami, hakweta mumakasindi pwa. Balaki hakumwila Balami, nindi, Ami nakutambikili nami wunshiŋili ayilumbujami, tala ntahi eyi wunayikisuli dehi chacheni mapampa kasatu aka.

¹¹Dichi dinu temukaku wuyi kumukala weyi. Nelili nami nukukulemeshanankashi, ilaŋa Yehova nakukaŋeshi kumona kulema.

¹²Balami wamwilili Balaki, nindi, Nahosheli nawantemesha jeyi iwantemesheleli namidi?

¹³Hinahosheli nami, Hela neyi Balaki wukunyinka itala dindi denzalato-o nasiliva nawuru, hinakatwesha kumotoka izu daYehova nakwila helachachiwahi hela chatama chakumuchima wamuku? Hinelili nami nakahoshamwomwaka hoshayi Yehovaku?

¹⁴Ichi dinu yami nukuyawa kudi awusoku wami. Twa ya nikushimwini antu awa chamba kakoŋawu antu eyi kunyaka yakukuminina.

¹⁵Wakwatili kuchishimu chindi, nindi, Balami mwana kaBeyori nahoshi, iyala wadiŋi wajima mesu nahoshi.

¹⁶Watiyaŋa mazu aNzambi, welukamaana aMukwakubadika Kwiwulu, wamonaŋa chimwenu chaChinaweji hakudimbuka nihamaseki, hakutona nimesu, nahoshi.

¹⁷Namumoni, ilaŋa hikatatakaleu; namutahilaŋa hikwakwihuku. MuYakoba mwambakasoloka katumbwa, muIsarela mwamba kanyamuka ndonda, yaketa mwahita imbaŋu jaMowabi, yakanonesha nyana kaSheti yejima.

¹⁸Edomi akatambula kwawu yakekala yawu; aSeyiri ayilumbu jindi nawa akayitambula akekala yawu; hakwila Isarela wakakoŋaŋa yawulobu.

¹⁹MuYakoba mwakafuma wumu wakela mwanta, wakanoŋesha akashala munyikala.

²⁰Watalilili kudi Amaleki, hakukwata cheŋi kuchishimu chindi, nindi, Amaleki diyi wásambilili hanyuza; hela chochu kukuminina kwindi yowukujilumuka.

²¹Watalilili kudi aKeni, hakukwata cheŋi kuchishimu chindi, nindi, Muwashakama mwakola, chisakala cheyi achisha mwilola.

²²Helachochu Kena akamujilisha, ninichi chamba kakutwalawu kudi Ashuri muwukoli.

²³Wakwatili cheŋi kuchishimu chindi, nindi, Yowe! chambakakoŋayi Nzambi yumiyi wamba kahanda hinyi?

²⁴Ilaŋa maatu ambakafuma kuchi kumu chaKitimi, amba kakabisha Ashuri, amba kakabisha Eberu, niyena nawa wamba kajilumuka.

²⁵Balami wanyamukili, wayili kwindi, wafuntili kumukala wawu. Balakiniyena wadiyilili kwindi.