Read MUKANDA WANZAMBI Numere 26 Bible Online

Numere 26 - MUKANDA WANZAMBI bible

Numere 26

¹Chelili chipúpu chinahiti dehi, Yehova hakuhosha naMosina Eleyazari mwana kakapristu Aroni,

²nindi, Chindenu chipompelu chawanyana kaIsarela chejima, kufumishila hadi anyaka makumi ayedi nakutwala kumbidi, mwahita mavumu awankakulula jawu, amuIsarela ejima ayilaŋa kunjita.

³AMosi nakapristu Eleyazari ahosheli nawu muyanaya kuMowabi kuYodana kuYeriku,

⁴nawu, Chindenu antu, mufumishilihadi anyaka makumi ayedi nakutwala kumbidi, mwalejeliyi Yehova Mosinianyana kaIsarela afumini mwituŋa daEjipitu.

⁵Rubeni, wedi waIsarela. Anyana kaRubeni amayala; aHanoki, chisaka chawaHanoki; aPalu, chisaka chawaPalu;

⁶aHezeroni, chisaka chawaHezeroni; aKarami, chisaka chawaKarami.

⁷Yeniyi diyi yisakaya waRubeni. Achindiluwu ashikili mumakombakaji makumi awananasatu namakulakaji atanu nayedi namakumi asatu.

⁸Anyana kaPalu amayala; Eliyabi.

⁹Anyana kaEliyabi amayala; Nemuweli, niDatani naAbirami. Wenawa diwu aDatani naAbirami atambikiluwu muchipompelu alwili naMosi naAroni hamu nawapompeli naKora, halwiluwuna Yehova.

¹⁰Iseki hidikuyasamina kanwa kadu, hidikuyiminyina hamu naKora, hafwiluwu antu apompeli; hanoŋesheli kesi amayala makulakaji ayedi namakumi atanu hiyakwikala chinjikijilu.

¹¹Hela chochu, anyana kaKora hiyafwiluku.

¹²Anyana kaSimeyona amayala mwahita yisaka yawu; aNemweli, chisaka chawaNemweli; aYamini, chisaka chawaYamini; aYakini, chisaka chawaYakini;

¹³aZera, chisaka chawaZera; aShawulu, chisaka chawaShawulu.

¹⁴Yeniyi diyi yisaka yawaSimeyona, makombakaji makumi ayedi nayedi, namakulakaji ayedi.

¹⁵Anyana kaGadi amayala mwahita yisaka yawu; aZefwoni, chisaka chawaZefwoni; aHagi, chisaka chawaHaŋi; aShuni, chisaka chawaShuni;

¹⁶aOzini, chisaka chawaOzini; aEri, chisaka chawaEri;

¹⁷aArodi, chisaka chawaArodi; aAreli, chisaka chawaAreli.

¹⁸Yeniyi diyi yisaka yawanyana kaGadi, mwomwashikili achindiluwu, makombakaji makumi awana namakulakaji atanu.

¹⁹Anyana kaYuda amayala; Eri naOnani; niEri niOnani afwilili mwituŋa daKenani.

²⁰Tiya mwahita yisaka yawanyana kaYuda amayala; aShela, chisaka chawaShela; aPerezi, chisaka chawaPerezi; aZera, chisaka chawaZera.

²¹Tiya anyana kaPerezi amayala; aHezeroni, chisaka chawaHezeroni; aHamuli, chisaka chawaHamuli.

²²Yeniyi diyi yisaka yaYuda mwashikili achindiluwu, makombakaji makumi atanu nayedi namakombakaji atanu nadimu, namakulakaji atanu.

²³Anyana kaIsakari amayala mwahita yisaka yawu; aTola, chisaka chawaTola; aPuva, chisaka chawaPuva;

²⁴aYashubi, chisaka chawaYashubi; AShimironi, chisaka chawaShimironi.

²⁵Yeniyi diyi yisakaya Isakari mwashikili achindiluwu, makombakaji makumi atanu nadimu namakombakaji awana, namakulakaji asatu.

²⁶Anyana kaZebuluni amayala mwahita yisaka yawu; aSeredi, chisaka chawaSeredi; aEloni, chisaka chawaEloni; aYahaleyeli, chisaka chawaYahaleyeli.

²⁷Yeniyi diyi yisaka yawaZebuluni mwashikili achindiluwu, makombakaji makumi atanu nadimu, namakulakaji atanu.

²⁸Anyana kaYosefu amayala mwahita yisaka yawu; Manase naEfweremi.

²⁹Anyana kaManase amayala; aMakiri, chisaka chawaMakiri; Makiri wavweli Gileyadi; aGileyadi, chisaka chawaGileyadi.

³⁰Tiya anyana kaGileyadi amayala; aYezeri, chisaka chawaYezeri; aHeleki, chisaka chawaHeleki;

³¹aAsariyeli, chisaka chawaAsariyeli; aShekemi, chisaka chawaShekemi;

³²aShemida, chisaka chawaShemida; aHefwenai, chisaka chawaHefwenai.

³³Zelofwehadi mwana kaHefwenai hadiŋi nawanyana amayalaku, chiŋa awambanda hohu; anyana kaZelofwehadi awambanda majinawu iwu Mahala, iwu Nowa, iwu Hoŋala, iwu Milika, iwu Tiriza.

³⁴Yeniyi diyi yisaka yaManase; achindiluwu ashikili mumakombakaji makumi atanu namakombakaji ayedi, namakulakaji atanu nayedi.

³⁵Tiya anyana kaEfweremi amayala mwahita yisaka yawu; aShutela, chisaka chawaShutela; aBekeri, chisaka chawaBekeri; aTahani, chisaka chawaTahani.

³⁶Tiya anyana kaShutela amayala; aErani, chisaka chawaErani.

³⁷Yeniyi diyi yisaka yawanyana kaEfweremi amayala mwashikili achindiluwu, makombakaji makumi asatu nayedi, namakulakaji atanu. Wenawa diwu anyana kaYosefu amayala mwahita yisaka yawu.

³⁸Anyana kaBenjamini amayala mwahita yisaka yawu; aBela, chisaka chawaBela; aAshabeli, chisaka chawaAshabeli; aAhirami, chisaka chawaAhirami;

³⁹aShufwami, chisaka chawaShufwami; aHufwami, chisaka chawaHufwami.

⁴⁰Anyana kaBela adiŋi Aradi naNayamani; aAradi, chisaka chawaAradi; aNayamani, chisaka chawaNayamani.

⁴¹Wenawadiwu anyana kaBenjamini amayala mwahita yisaka yawu; achindiluwu ashikili mumakombakaji makumi awana natanu, namakulakaji atanu nadimu.

⁴²Tiya anyana kaDani amayala mwahita yisaka yawu; aShuhami, chisaka chawaShuhami. Yeniyi diyi yisaka yaDani mwahita yisaka yawu.

⁴³Yisakaya waShuhami yejima mwashikili achindiluwu, makombakaji makumi atanu nadimu namakombakaji awana, namakulakaji awana.

⁴⁴Anyana kaAsheŋa mayala mwahita yisaka yawu; amina, chisaka chawaImina; aIshivi, chisaka chawaIshivi; aBeriya, chisaka chawaBeriya.

⁴⁵Ahadi anyana kaBeriya amayala; aHeberi, chisaka chawaHeberi; aMalakiyeli, chisaka chawaMalakiyeli.

⁴⁶Mwana kaAsheri wamumbanda ijina dindi Sera.

⁴⁷Yeniyi diyi yisaka yawanyana kaAsheri amayala mwashikili achindiluwu, makombakaji makumi atanu namakombakaji asatu, namakulakaji awana.

⁴⁸Anyana kaNafwatali amayala mwahita yisaka yawu; aYahazeyeli, chisaka chawaYahazeyeli; aGuni, chisaka chawaGuni;

⁴⁹aYezeri, chisaka chawaYezeri; aShilemi, chisaka chawaShilemi.

⁵⁰Yeniyi diyi yisaka yaNafwatali mwahita yisaka yawu; achindiluwu ashikili mumakombakaji makumi awana namakombakaji atanu, namakulakaji awana.

⁵¹Wenawa diwu achindiluwu hadi anyana kaIsarela, makombakaji makulakaji atanu nadimu nekombakaji dimu, namakulakaji atanu nayedina makumi asatu.

⁵²Yehova wahosheli naMosi,

⁵³nindi, Wenawa diwu waka anjaŋena ituŋidiikali wuswana wawu mwomwachindilawu majina.

⁵⁴Amavulu wakayinkiwuswana wawuvulu, antesha wakayinki wuswana wantesha, iwu akamwinka mwomwachindililuwu antu indi, chochu hohu wejima wawu.

⁵⁵Helachochu ituŋa akadanjanaŋa nachinjikijilu chakusakula nachu; mwomwashikila majina anyichidi yawankakulula jawu dimu mwakaswaninawu.

⁵⁶Mwakasakwilawu chinjikijilu mwomwaka anjaŋenawu wuswana wawu, hela amavulu, hela antesha.

⁵⁷Tiya aLevi achindiluwu mwahita yisaka yawu; aGereshoni, chisaka chawaGereshoni; aKohati, chisaka chawaKohati; aMerari, chisaka chawaMerari.

⁵⁸Tiya yisaka yawaLevi; chisaka chawaLibini, chisaka chawa-Heberoni, chisaka chawaMahali, chisaka chawaMushi, chisaka chawaKora. Kohati wavweli Amarama.

⁵⁹Iŋoda Amarama, ijina dindi Yokebedi mwanakaLevi, amuvweleleluwu Levi muEjipitu; yena wamuvweleleli Amarama anyana, aAroni, naMosi, namuhelawu Miriyami.

⁶⁰Aroni amuvweleleli Nadabi naAbihu, Eliyazari naItamari.

⁶¹Nadabi naAbihu afwili halambwilu wukesi kacheŋi kumesu aYehova.

⁶²Achindiluwu ashikili mumakombakaji makumi ayedi namakombakaji asatu, wowu amayala ejima akufumishilaha kakweji kamu nakutwala kumbidi. Muloŋa wena hiyayichindili hamuna wanyana kaIsarelaku, muloŋa wena hiyayinkeli wuswana hamu nawanyana kaIsarelaku.

⁶³Wenawa diwu achindiluwu kudi aMosi nakapristu Eleyazari; wowu achindili anyana kaIsarela muyana yakuMowabi kuYodana kuYeriku.

⁶⁴Ilaŋa hadi wenawa hihadiŋi hela wumu achindiluwu kudi aMosi nakapristu Aroni, achindili anyana kaIsarela mwisaŋada kuSinayuku.

⁶⁵Muloŋa Yehova wayilili nindi, Chiŋa afwila mwisaŋa hohu. Hihasheli hoku iyalaniwumuku, chiŋa yowu mwana kaYefune Kalebi, ni mwana kaNuni Yoshuwa.