Read MUKANDA WANZAMBI Numere 27 Bible Online

Numere 27 - MUKANDA WANZAMBI bible

Numere 27

¹Henohu anyana kaZelofwehadi awambanda, Zelofwehadi mwana kaHefwenai, Hefwenai mwana kaGileyadi, Gileyadi mwana kaMakiri, Makiri mwana kaManase, wakuyisaka yaManase mwana kaYosefu, aswilili kwakwihi. Anyanindi awambanda majinawu iwu Mahala, iwu Nowa, iwu Hoŋala, iwu Milika, iwu Tiriza.

²Emeni kumesu aMosi ni kumesu akapristu Eleyazari, ni kumesu atulamba nachipompelu chejima, kuchisu chetenti dakubulakena,

³elili nawu, Tata yetu wafwilili kwindi mwisaŋa, hadibombeh nanawa amupompeleli Yehova nandombu hachendu chaKoraku; wadifwilili kwindi hanshidi yindi yemwenindi; hadiŋi nawanyana amayalaku.

⁴Ijina datata yetu akudifumishiladi hachisaka chindi? Muloŋa chochu chabuliliyi mwana weyala tahindi? Atwinki wuswanawetu hamu nawana kwatata.

⁵Mosi watweli nsaŋu yawu kudi Yehova.

⁶Yehova wahosheli naMosi,

⁷nindi, Anyana kaZelofwehadi awambanda anahoshi chachiwahi; eŋa, yinki ituŋa dawu dakuswanaŋa hamu nawana kwatata yawu, wakayiswanishi wuswana watata yawu.

⁸Wakahoshi nawanyana kaIsarela, neyi, Neyi kwakekala muntu wakafwa chakubula mwana weyala, wuswana windi mwakaswanishi mwanindi wamumbanda.

⁹Neyi hakweti mwana wamumbanda kuwuswana windi mwakenki ana kwindi.

¹⁰Neyi hakweti anakwinduku wuswana windi mwakenki ana kwatata yindi.

¹¹Neyi tatayindi hakweti ana kwinduku wuswana windi mwakenki kawusoku windi wakuchisaka chindi wakundamaku, diyi wakawutambula. Chakekalaŋa chidika chawupaji chawanyana kaIsarela, mwomwalejeluwu Mosi kudi Yehova.

¹²Yehova wahosheli naMosi, nindi, Kandamaku hampidiyi yaAbarimi wutali ituŋa dinenki anayana kaIsarela.

¹³Neyi wunadimoni dehi, akakupompesha kudi akwenu, neyi chapompesheluwu mana kweyi Aroni,

¹⁴nachina chimwadikaŋili nezu dami mwisaŋa daZini, haleteli chipompelu ndombu, munjiliki kumesu awu kumeji. Wowu meji aMeriba kuKadeshi mwisaŋa daZini.

¹⁵Mosi wahosheli naYehova,

¹⁶nindi, Yehova Nzambi yawaspiritu jawantu ejima, ateni muntu wakuyulaŋa chipompelu kulonda atweshaŋa kwidika kumesu awu, atweshapa kwijila kumesu awu,

¹⁷atweshaŋa kuyilombola hanzi, atweshaŋa kuyifuntisha cheŋi; kulonda chipompelu chaYehova chibuli kwikala neyi nyikoku yakadi kabiŋa.

¹⁸Yehova wahosheli naMosi, nindi, Tambulaku mwana kaNuni Yoshuwa, iyala wukweti spiritu, wumunaŋiki chikasa cheyi;

¹⁹wumwimiki kumesu akapristu Eleyazari, ni kumesu achipompelu chejima; wumushiiki kumesu.

²⁰Wakamushili kulema kweyeyi, kulonda chipompelu chawanyana kaIsarela chejima chakovwahili.

²¹Akemanaŋa kumesu akapristu Eleyazari, diyi wakamwihwilaŋa nawuŋaji waWurimi kumesu aYehova; akedi kaŋa chakuhosha yena, akeŋilaŋa chakuhosha yena, niyena nianyana kaIsarela ejima hamu, kafwampi chochipompelu chejima.

²²Mosi welili mwamulejeliyi Yehova; watambwili Yoshuwa, wamwimikili kumesu akapristu Eleyazari, ni kumesu achipompelu chejima;

²³wamunaŋikili makasindi, wamushiikili, mwomwahosheli Yehova kukanwa kaMosi.